Mārk
Baptisma Johonor Prosar
“Sawh, mor hobor boiebuo tor mujungedi padangor, the tor podtani hajei dibo.”
3 “Moruobomit ek jonor roi horte, ‘PROBUR podtan hajeinei, tar podtani uju goro.’ ”
4 Moruobomit baptisma gori die Johone einei, baptisma gori der, ar pabor mab pebartei imie hanar baptisma hoda prosar gorilo. 5 Beg Judea dejor manuschun, ar Jerusalemortun nigilinei tar sidu gelak. Ar begkune tharar pabpani haam heinei Jordan sorat tartun baptisma lolak. 6 Johone udor hejchoi baneie habor uri thai, ar tar homorot samarar homorpijoni pini thai, Ar the shuduo-phiring ar jharo modhu hedo. 7 Ar the janei di horte, “Mor porendi ek jon ebo, the mortun bes oborug, tar jodar durieni mui nigurinei huei dibario lak noi. 8 Mui tomare panit baptisma gori duong, the hintu tomare Pobitro Aptaloi baptisma gori dibo.”
Jisur Baptisma
Ar Porikkie
9 The sokkene dinot edogkie olo, Jisu Galili dejor Nazareth adamortun elo, Jordan sorat Johone tare baptisma gori dilo. 10 Jokke, Jisu panittun udi ejer, Johone degilode agaschan hulo jeinei di bak oie ar Aptabuo hodoro dogkie oinei Jisur ugure lambegi degilo. 11 Sebeden, sorgottun ekkuo sobdo bhaar olo, “Tui mor agojor Puo, tor ugure mui baari hujhi olung.” 12 Ar Aptabuoi Jisure jogon-togon moruobomit padeilo. 13 Ar the moruobomit solis din, Soitane buleinei, jharbuo poshu loge thelo. Siot sorgo-dudtune tare jottone rageion.
Polim Sisjio Dagana
14 Johonore Herode jiel-hanat bhoranar porendi, Jisu Itchioror gom hoboran prosar gori-gori Galili dejot elo, 15 Ar the horte, “Somoibuo lungilogi, Itchioror rejjiogan hai ejchie. Tomar monani phiro, ar gom hoboran bischias goro.”
16 Jisu Galili sagoro parot berade, Simon ar tar bhei Andrio dagire sagorot jal pelade degilo. Haron thara olakke jallie. 17 Sebeden Jisu tharare dagilo, “Mor loge ejo, mui tomare manus dhorie jallie banem.” 18 Ar jogon-togon tharar jalani phelei jeinei tar loge gelak. 19 Siottun hottur jeinei, Zebedior puo Jakob, ar Jakobor bhei Johonore the degilo. Thara ekkan nawt boinei jalani tundon. 20 Jisu tharare deganar jogon-togon dagilo. Ar tharar bab Zebediore gaburun sumuttuo nawt phelei jei, tar loge gelak.
Jisu Bhude Peie
Ek jon Gom Gorilo
21 Jisu tar sisjiogun somot Kapernaumot gelo. Ar Jireni Dinnuo lunginei Jisu synagogot somi sigkie dilo. 22 Tar sigkieni jara sunilak thara amok olak. Haron the dhormo niomor mastoruno dogkie noi, hintu odhihar-bola dogkie gori sigkie die. 23 Sokkene synagogot ek jon jhar hajorchie apta elo, the hijiek harinei holo, 24 “Nazareth hullie Jisu, tui amare hi gorte sas? Amare nas goribartei ele ni na? mui tore sinong, tui olede Itchioror Pobitrobuo!” 25 Jisu bhudtore holo, “Sube-sabe manuschuottun nigili ai!” 26 Hajorchie aptabuoi Manuschuore thajei jhagerei, hijiek harinei nigili gelo. 27 Manuschune baari amok oinei, thara-thara huobula gorton, “Ien hi? ien hi nuo sigkie? Ei Manuschuor hajorchie Aptagunore, ugum dibar odhihar age ar thara tar hoda manon!” 28 Ar senottei Jisur hoboran Galili dejor seropala jogon-togon shidie gelo.
Jisu Balukjon Gom Gorilo
29 Jisu ar tar sisjio, Jakob ar Johon somot, synagogottun nigilinei Simon ar Andrior ghorot gelak. 30 Simonor shuribuo jor oinei bischonot pori elo. Thara Jisure tar aw-sugor hoda holak. 31 Jisu tar siot jeinei tare addot dhori tulilo. Sebeden tar joran jogon-togon gom olo. ar the tharare lobiot gorilo. 32 Sei dinnie bellie bel dubonar porendi, jonogone beg aw-sugkie ar bhude peiegun tar idu anilak. 33 Goda sohoro manuschun ghoranor mujungot thubeiondi. 34 Nanan biedi-bola aw-sugkie Jisu gom gorilo, ar bhalukkun bhud dabei dilo. Bhudtune tare sinon hinottei tharare madibar no de.
Galili Dejot Jisur Prosar
35 Beinnie poittie phor no ode, Jisu udinei ekkan niribili jagat jeinei bormagilogoi. 36 Simon ar tar somarsiegune Jisure toga jeion. 37 Jogon suph pelak, thara Jisure holak, “Begkune Tore togadon.” 38 Jisu tharare holo, “Oinnio adamanit jei, sidu prosar gori parimboi. Senottei daw mui ejchuongge.” 39 Senottei Jisu goda Galili dejchanot, berei-berei synagogot prosar gorilo ar bhudto dabei dilo.
Pharangi Gom gorana Hoda
40 Ek jon pharangi manus Jisur idu einei, tar mujunge adu pari salam gorinei holo, “Tortun mone hole more sudduo gori paros.” 41 Jisuttun manuschuore baari sit purilo. Tar adtan babei manuschuore dhorinei holo, “Mortun mone hor, sudduo ok.” 42 Jisu hoieio jogon-togon, tar pharangigan sudduo olo. 43 Jisu tare shokto uij dinei jogon-togon tare dipadebartei holo. 44 Seis hobotdar, “Ien harore no hos. Hintu Dhormothaguro sidu jeinei degagoi. Tui sudduo oios bili begkune hobor pan para shakki ijebe, Mosi ugum dede doge, dali dischoi.” 45 Hintu manuschuoi jeinei hoboran jagai-jagai janei dilogoi. Senottei Jisu sohorot hulomela gori somi no parilo ar. Hintu barendi niribili jagat thelo. Tobuio manuschun nanan jagattun tar idu elak.