Ajor Pirellie Gom Olo
2
Hoiek din pore Jisu aro Kapernaumot gelo. Manuschune suinnionde the ghorot age. 2 Senottei jogon-togon shagor manus thubeiondi, shagor manus elak hinottei, duoranor bhare song thieibario jaga nei. Sebeden Jisu tharare sigkie hoda holo. 3 Sokkene, ser jon manjie ek jon ajorchie pirellie bhaar gori tar idu anilak. 4 Manjior gij hinottei, thara Jisur hai ni no palliek. Senottei Jisu je uju elo, thik tar uguredi salan hana gorinei ajorchie pirelliebuo padi ugure porei, lamei dilak. 5 Ar Jisu sei manuschunor bischiaschani deginei, the ajorchie pirelliebuore holo, “Put, mui tor pabpani mab dilung.” 6 Siot hoiek jon dhormo niomor mastor boi elak. Thara mone-mone bhabodon, 7 “Ei Manuschuoi a hittei edogkie hoinei Itchiorore sorjar? Itchior bade ar honna pabpani mab gori pare?” 8 Thara mone-mone hi bhabodon jogon-togon, Jisu tar ontorot buji parilo. Senottei the tharare holo, “Tumi a hittei sedogkie mone-mone bhabor? 9 Ajorchie pirelliebuore hubon hode juit obo, ‘Mui tor pabpani mab dilung,’ bah ‘Uth, tor padibuo tulinei adi ja’? 10 Hintu Munischioro Puobuottun pabpani mab goribar pittimit odhihar age. Sien tumi hobor pebartei ien mor gora porer.” Sebeden Jisu ajorchie pirelliebuore holo, 11 “Mui tore hongor, uth, tor padibuo tulinei, tor ghorot ja.” 12 Jogon-togon sei hub manuschuo thieilo, tar padibuo lolo, tharar begkunor mujungottun adi-adi gelo. Senottei beg manuschune amok olak, ar Itchiorore baini gori holak, “Ami huno din edogkie no degi!”Jisu Levire Dagilo
13 Jisu aro Galili sagoro parot gelo. Goda manuschun tar sidu gelak, ar the tharare sigkie dilo. 14 Tar porendi Jisu jade-jade, degilo Alphaior puo Levire the hajana tulede ghoranot boi age. Jisu tare dagilo, “Mor loge ai.” Sebeden Levi udi tar loge gelo. 15 Levir ghorot Jisu bhat hebartei poiot bojsie. Ar edogkie olo, Jisur loge ejchie manus siot shagor elak hinottei, shagor hajana-tullie ar pabi manus Jisu ar tar sisjiogun somot, bhat hebartei boi agon. 16 Pharisi ar dhormo niomor mastorune, jokke Jisure hajana-tullie ar pabi manuschun somot bhat haade degilak, thara Jisur sisjiogunore holak, “Hajana-tullie ar pabi manuschunor somare the a hittei bhat hai?” 17 Ien suninei, Jisu tharare holo, “Ni-rugi manjiortei daktor no lage, hintu aw-sugkiettei daktor lage mui dharmig manuschun dagibartei no ejong, hintu pabottun mon phiran para, pabigun dagibartei mui ejchiong.”
Ubos Sombonde Jisur Sigkie
18 Baptisma gori die Johonor ar Pharisi dagir sisjiogune ubos than. Senottei hoiek jon manus Jisur idu einei tare holaki, “Baptisma gori die Johonor ar Pharisi dagir sisjiogune ubos than, a hittei tor sisjiogune ubos no than?”
19 Jisu tharare holo, “Nuo-jameior loge thele tar somarsiegune ubos thebak parapang? Jedog din nuo-jameior somare than, sedog din thara ubos thebar noi. 20 Hintu dinun ebag, sebeden nuo-jameibuore tharattun pharok gori neja obo. Sokkene thara ubos thebak.
21 “Huno jone puron haborot mar no gallie nuo haborloi tali no duon. Judi duon, nuo taligandoi puron haboran tana jei phadagan ojar obo. 22 Huno jone taza angguro ros puron samarar hoilliet no bhoran. Judi bhoreile, taza angguro roschane puron samarar hoilliebuo phulei phadi phelebo. Angguro roschan nigili jebo ar samarar hoilliebuo borbat obo, Senottei taza angguro ros nuo samarar hoilliet bhorana.”
Jisu Jireni Dinuor Probu
23 Ek Dine Jirenot, Jisu tar sisjiogundoi pagana dhan-bhuiedi jadon. Thara jade tar sisjiogune dhan sijier madagani shinie dorsion. 24 Pharisigune Jisure holak, “Sah, amar Jireni Dinnuot jien no goribar mana age sien thara a hittei gorton?” 25 Jisu tharare uttor dilo, “Davida ar tar somarsiegune hebar neidie lokkenene, tharar ped porai hi gorsion sien tumi madei no sawh? 26 Abiathare moharajguruthagur elode amolot, Davida Itchioro ghorot somei utchorbo gorsie pidiegani heye, ar the tar somarsiegunoreio die. Niomor doge sei pidiegani bana dhormo mastorune hei paron.” 27 Sebeden Jisu tharare holo, “Itchiore Jireni Dinnuo manjiortei banedie, Hintu manus Jireni Dinnuottei no banai. 28 Senottei Munischioro Puobuo Jireni Dinnuoro Probu.”