3
Jisu synagogot aro sommiegoi. Siot ek jon sitto ad manus elo. 2 Pharisigune Jisure sog di agon, Jireni Dinnuot sei sitto ad Manuschuore the gom gore nahi no gore. Judi gore, sale tare dujot phelebartei. 3 Jisu sitto ad Manuschuore holo, “Begkunor mujungot thie.” 4 Sebeden Jisu tharare holo, “Niomani onusare Jireni Dinnuot gom ham goribar de nahi hu-ham goribar de? Ien hi niomot age, gom gori dinei morei pelana?” Hintu thara hitchu no holak. 5 Jisu rak gori tharare seropala selo. Thara akkol han oion hinottei the monot dug pelo. Ar the sitto ad Manuschuore holo, “Tor adtan babei de.” Ar the tar adtan babei dilo. Jisu tar adtan oinnio gom adtano dogkie gom gori dilo. 6 Sebeden jogon-togon Pharisigune synagogottun nigilinei, Herodor manuschun somot Jisure morei pheleibar temmang gorilak.Ek Jhag Manus
7 Tar porendi Jisu tar sisjiogundoi sagoror parot gelak. Galili ar Judea dejottun jhag-jhag manus tar loge gelak. 8 Jisur gunor hamanir hobor suninei Jerusalemortun, Idumea dejottun ar Jordan sorar uhulor dejottun, Tyre ar Sidon sohoro hai-hure bamottun, shagor manus tar idu elak. 9 Manjior jhage tar thoschie obo hinottei, Jisu tar sisjiogunore tartei ekkan sigon naw jugol gori thoi dibartei holo. 10 Jisu shagor manus gom gorsie hinottei, biedibolagune tar heyet bajibartei thela-theli gorton. 11 Hajorchie aptai peie manuschune Jisure degile, bukpari salam gori porinei jogar parinei hon, “Tui Itchioror Puo.” 12 Jisu sei bhude peiegunore the honna bili no hobartei mana gorilo.
Jisu Baro Jon Sisjio Nejeilo
13 Jisu mouno pidit udinei tartun jigunore mone hoi sigunore tar sidu dagilo. The thara Jisur sidu gelak. 14 Jisur loge thebartei ar prosar gora dipadebartei, the baro jon baji tulilo. 15 Jisu tharare bhud dabei di paribartei ar aw-sugkie gom gori paribartei odhihar dilo. 16 Tharar nangani olode: Simon (Jisu tare nang thoi dilode Pitor.), 17 Zebedior puo Jakob ar Jakobor bhei Johon (Jisu ei di bheiore nang thoi dilode Boanerges. Sienor orthogan olode han gorommie manus.), 18 Andrio, Philip, Bartholomai, Mothi, Thoma, ar Alphaior puo Jakob, Thaddai ar dej-bhokto Simon. 19 Ar Juda Iskariod, Jisure dhora bajei diebuo.
Jisu Ar Belzebula
20 Jokke Jisu ghoro bidirie somilogoi ek jhag manus thubeiondi, Senottei Jisu ar tar sisjiogune hitchu hei no tangoron. 21 Tar ghorbuogune sieni suinnion hinottei thara bhabilakke, “Jisu pagol oie” Senottei thara tare hoja elak. 22 Hoiek jon dhormo niomor mastor Jerusalemortun lami einei holakki, Hintu hoiek jone holak, “Bhudo raja Belzebular darai the bhud dabei de.” 23 Senottei Jisu tharare tar sidu dagi tulona hodadi holo; “Soitanore Soitane hingori dabei dibo? 24 Judi ekkan rejjio di bhag oinei biruddi solile, sei rejjiogan huno din thikko noi. 25 Judi ek ghorbuoi di bhag oinei biruddi solile, sei ghorbobuo huno din thikko noi. 26 Senottei, judi soitane nijere nije bhag oinei biruddi solile, the huno din thikko noi, Hintu nas obo. 27 Hono jone boli manuschuore akke no banilie, the tar ghorot somi pojabirie ludi loi no paribo. Sebeden the tar pojabirie ludi loi paribo. 28 “Mui tomare soittio hodagan hongor, munischioror puogunor beg pabpani ar sorjanagani mab die obo; 29 Hintu je huno jone judi Pobitro Aptabuore sorjai sale huno din mab die no obo, sei manuschuo aw-phurondi sasti pebo.” 30 Dhormo niomo mastorune “Jisure hajorchie aptai peie” hoion hinottei, ei hodagan The holo.
Jisur Mabuo Ar Tar Bheiun
31 Sokkene Jisur mabuo ar tar bheiun einei ghoro barendi thiei agondi, tare dagibartei thara ek jon manus dipadelak. 32 Tar seropala boi agonde manuschune tare holak, “Sah, torloi egottor obartei tor mabuo ar tor bheiun barendi Tore togadon.” 33 Ar the tharare uttor dinei holo, “Honna mor ma ar hugun mor bheiun?” 34 Tar seropala boi agonde manuschunor hitte seinei holo, “Igun mor ma ar mor bheiun. 35 Haron je Itchioror ischie doge gore, the olode mor bhei, bon ar ma.”