Jisu Morattun Jiei Udilo
Mak 16:1 -14; Luk 24:1 -12;
Jhn 20:1 -18
28
Judaiunor Jireni Dinnuo bidi jeinei, saptar polim dinnuot, phor ode-ode Meri Magdalini, ar oinnio Meri somot sidiesalan sebartei elak. 2 Ar sawh, Probur ekkuo sorgo-dud sorgottun lami ejchie hinottei, ekkan shanggadik bor bhujol belo. Sorgo-dudtuoi einei duoranottun silluo ogodeinei, silluor ugure boji agegi. 3 Tar dogkan olode deba jhimileni dogkie, ar tar pojakkani olode borobor dogkie dhub. 4 Subidargune dore girgireinei mora manjior dogkie oion.5 Hintu sorgo-dudtuoi miliegunore holo, “No doreo. Haron mui hobor pang krosot duonde Jisure tumi togor. 6 The iot nei. Haron the hoiede doge iottun jiei udinei jeiegoi. Ejo, Probure thoionde jagagan sawhgi. 7 Senottei, tumi jhadi jeinei tar sisjiogunore the morattun jiei uttie bili hoiogoi. The tomartun akke-akke Galili dejot jar. Tumi tare sidu debagoi. Ar sawh, mui tomare hoiong.”
8 Sebeden miliegune sidie shalanottun dore ar hujhie daba-daba jeinei Jisur sisjiogunore hobor hobalottei gelak. 9 Ar sawh, thara Jisur sisjiogunore hobor hobalottei jadonde seiet, Jisu thararloi lak pa-pi oinei tharare holo, “Hujhi awh!” Sebeden thara einei tar thengot dhorinei tare tobona gorilak. 10 Sebeden Jisu tharare holo, “No doreo, jo, mor bheiunore hoi duogoi, Galili dejot jadok. Sidu thara more debakkoi.”
Subidargunor Hoboran
11 Miliegun jadonde seiet, sawh, hoiek jon subi diei sohoranot einei, ghodi jeiede sieni begkani rajguruthagurunore holakki. 12 Sebeden thara borjonnun somot temmang gorinei, sei subidargunore ektal tengaδ dilak. 13 Ar tharare holak, “Tharare hoiogoi, ‘Ami ghum jade tar sisjiogun reidot einei tar heyegan amattun sur gori nuondi.’ 14 Ar ei hodagan judi sason-goriebuor hanot lungegoi, ami tare bujeidinei tomare sharebong.” 15 Senottei, subidargune tengagunδ loinei tharare ugum die oiede doge gorilakkoi. Senottei edchie song Judaiunor moiddie ei hoboran age.
Dangor Uguman
Mak 16:15 -18; Luk 24:44 -49
16 Sebeden egaro jon sisjioi Galili dejot jeinei, Jisu hoiede mounnuot thara gelak. 17 Ar thara jokkene tare degilak, tare tobona gorilak. Hintu ek dagir mono shiongshama thelo. 18 Sebeden Jisu thara idu einei hologi, “Sorgot ar pittimit beg odhiharani more die oie. 19 Senottei tumi jo, beg jadtunottun sisjio gorogoi. Tharare Bab, Puo ar Pobitro Aptar nange Baptisma gori duogoi. 20 Mui tomare sigeiongge sieni begkani manibartei tharare sigkie duogoi. Ar suno, jug thum no oi song mui tomar loge onsur theim.” Amen.
Matthew 2 2 7 Matthew 5