Judar Naddi Morana
27
Beinnie phor oinei, beg rajguruthagurune ar manu-schunor borjonnune thubeinei Jisure morei pheleibartei, thara jukti gorilak. 2 Ar thara Jisure baninei, nejeinei sason-gorie Pontio Pilado sidu tare gojei dilakkoi. 3 Sebeden Juda, dhora bajei dede sibiei, mijie gori tare dhora bajeidie sien hobor peinei, the pottieinei tar monan phireilo. Ar the sei tirischuo rubuor tengaδ rajguruthaguruno ar borjonnuno sidu pherot dilogoi. 4 The holo, “Ni-duji Manuschuor logandoi bischas gatokota gorinei mor pab oie.” Hintu thara holak, “Sigun ami hi gorthong? Tui jien gorte sat tui gorloi.” 5 Sebeden rubuor tengagunδ mondirbuot the lugimari phelei dilogoi. Ar the jeinei nije-nije naddi morilogoi. 6 Hintu rajguruthagurune rubuor tengagunδ loinei holak, “Igun olakke hun gorsie dam. Senottei igun mondiro dan-baksut bhorana niom noi.” 7 Senottei, thara temmang gorinei aw-sin manus garebartei, sei tengagundoiδ humorbuor jagagan hini lolak. 8 Ei senottei edchie song sei jagagan, Lor Mad hon. 9 Siendoi muni Jeremia hoiede hodagan puron olo. The hoie, “Ar thara rubuor tengaδ tirischuo lolak. Tare tiris tenga dam bojei die oie. Sien olode Israel manuschune tare dam bojei duonde daman. 10 Ar PROBUIE more hoiede doge Humorbuor jagaganor daman thara dilak.”Pilado Mujungot Jisu
Mak 15:2 -15; Luk 23:1 -5, 17 -32; Jhn 18:28 -19:1
11 Ar Jisure sason-goriebuor mujungot azil goreilakkoi. Sebeden sason-goriebuoi Jisuttun pujor gorilo, “Tui ne Judaiunor Rajabuo?” Jisu uttor dilo, “Tui holede doge mui oi.” 12 Ar jokkene rajguruthagurune ar borjonnune tare duj badei dedon, the ekkanio uttor no dilo. 13 Sebeden Pilade tare holo, “Tor biruddie hodogkani thara shakki dedondi sieni tui no sunor?” 14 Hintu Jisu tare ekkan hodaio uttor no dilo. Senottei, sason-goriebuoi baari amok olo.
15 Sei lokkene Rokkie Utchobo dinot ek jon jielot porsie manus, jonogone jare magon tare jielottun niomor doge sason-goriebuoi iri dide. 16 Ar sokkene ek jon nangkora daget jielot elo. Tar nangan olode, Barabba. 17 Sebeden jhag-jhag manus jokkene eksomare thubeilakki, Pilade sigunore holo, “Hare jielottun mui iri didung tomartun mone hoi? Barabbare, nahi Kristo honde Jisure iri didung?” 18 Haron thara Jisure insie darai tar adot gojei duonde sien the hobor pai. 19 Pilade bijierot bojede jaganot boji elode lokkene, tar mogkuoi tare hobor padeinei tare holo, “Sei dharmig Manuschuore tor hitchu goribar nei, haron tartei mui sobone-sobone edchie onek dug-hosto peiong.” 20 Hintu rajguruthagurune ar borjonnune manuschunore bhuleion, jene thara Barabbare iri dibartei ar Jisure morei phelebartei hujoli goron. 21 Sason-goriebuoi tharare holo, “Thara di jonottun hare mui iri didung tomartun mone hoi?” Ar thara holak, “Barabbare iri de.” 22 Pilade tharare holo, “Salen, Kristo honde Jisure mui hi gorim.” Ar thara begkune holak, “Tare krosot die ok!” 23 Sebeden sason-goriebuoi holo, “Hittei, ar the hi duj gorsiede.” Hintu thara sie bes jogar pari-pari holak, “Tare krosot die ok!” 24 Pilade huno hitchu gori borei no ejer, ar jagulug udibar oie bili deginei, pani ana bajei dinei, manjior jhagkuor sog dega tar adtani dhoinei holo, “mui ei dharmig Manuschuor loganor duji noi ar. Tumi tare jien gorta sat gorogoi.” 25 Ar beg manuschune holak, “Tar loganor dujchan amar ugure ar amar puo shabagunor ugure ok.” 26 Sebeden the Barabbare tharattei iri di dilo. Jisure the sabukkoi mari marai, krosot dibartei tharare gojei dilo.
Jisure Soinniogunor Thatta
Mak 15:16 -20; Luk 22:63 -65;
Jhn 19:2 -3
27 Sebeden sason-goriebuor soinniogune Jisure praetoriumotδ bhoreineioi, goda hembor soinniogun Jisur seropala thubeilakki. 28 Ar thara tar shilummuo hari loinei, ekkan ranga habor tare urei dilak.
29 Ekkuo hadar tokkie banenei, tare madat di dilak, ar tar den adtanot ekkuo hagara ludig tare dhora bajei dilak. Sebeden Jisur mujungot adu hubi porinei thara thatta gorinei hodon, “Ju, Judaiunor Rajabuo!” 30 Sebeden tare sep phelei dinei, tartun hagara ludigkuo hari loinei tare sibieloi tar siriebuot mugurodon. 31 Ar tare thatta gori phuronar porendi, tartun ranga haboran hari loinei, tar nijor shilummuo tare urei dilak. Sebeden tare krosot dibartei nejeilak.
Kroso Ugure Jisu
Mak 15:22 -32; Luk 23:33 -43;
Jhn 19:17 -24
32 Ar thara ette seiet, Kurini bamottun ek jon lagot pelak. Tar nangan olode Simon. Tare bolajur gori Jisur kroschan hanat gori neja bajei dilak. 33 Golgotha honde jaganot thara lungilakki. Sienor orthogan olode, Hulosara Jaga. 34 Siot Jisure thara horo mod tidieloi mijeinei duon. Hintu sien the sagi seinei the no helo. 35 Sebeden thara Jisure krosot dilak. Thara ak seinei haborani bhag gorilak. Siendoi munibuoi hoiede hodagan puron olo. Munibuoi hoie,
“Mor haborani tharar moiddie bhag goribak, ar mor haboranittei thara ak sebak.”
36 Thara bojinei siottun tare sei thelak. 37 Tar biruddie gongolagan tar mada uguredi tangei diduon. Sienot edogkie gori lega age:
IBIE OLODE JISU, JUDAIUNOR RAJABUO.
38 Sebeden di jon daget Jisur loge tar denedi ek jon ar bangedi ek jon thara krosot dilak.
39 Jei manuschune sindi adi jan, thara Jisure thatta gorinei, sirie najei-najei jan. 40 Ar thara hon, “Mondirbuo bhangi pheleinei aro tin dine tuli pariebuo, tore tui uddhar gor na! Tui judi Itchioro Puo ole, kroschanottun lami ai na!”
41 Sedogkie gori, rajgurutha-guruneio dhormo niomor mastorun ar borjonnun somot tare thatta gorton. 42 Ar thara hodon, “The onnio manjiore uddhar gorsie, hintu the nijore-nije uddhar gori no pare. the judi Israel manuschunor Raja ole, kroschanottun ikkie lami ejok na, sebeden ami tare bischias goribong. 43 The Itchiorore bischias gore daw. Tar loge judi Itchiorbuo thai, ikkie Itchiore tare siottun uddhar gorog na. Haron the nije hoie, ‘Mui Itchioro Puo.’ ” 44 Tar loge krosot duonde dagettuneio sedogkie gori hoinei tare peiz gorton.
Jisu Morilo
Mak 15:33 -41; Luk 23:44 -49;
Jhn 19:25 -37
45 Sokkene dibursiettun dhorinei beillie tin phor song, goda dejchan andhar olo. 46 Bel tin porot portegoi, Jisu birat ro gori jogar parilo, “Eloi, Eloi lama sabachthani?” Sienor orthogan olode, “Mor Itchior, mor Itchior, a hittei tui more phelei gele?”
47 Siot thiei agonde sigunottun ek dagie sien suninei, holak, “Ei Manuschuoi Elijare dager.” 48 Ar jogon-togon tharattun ek jone daba jeinei, ekkan pul loinei sien horo modot bureinei, ekkuo hagara ludigo madat gori Jisure hebartei dilo. 49 Bagi manuschune holak, “Gai-gai thok, Elija tare uddhar goribartei eje ne no eje, sei thei.”
50 Ar sebeden, birat ro gori Jisu aro jogar parinei, tar aptabuo iri dilo. 51 Ar sawh, sei porendi, mondirbuor porda haboran ugorottun dhori tole song phadi jeinei di hotta olo. Bhujol beinei bor sillun phadi udilak. 52 Gourun hulo gelak. Ar morsionde sadhu manuschunor heyegani jiei tulo oie. 53 Jisu jiei uduonar porendi, sigune gouronottun nigili einei, pobitro sohoranot jeinei onek manjior idu dega duondoi. 54 Senottei, ek shot jon soinnior ugure senapotibuoiδ ar tar hai Jisure subi agonde sigune bhujol beinei ar godhi jadte sieni deginei, thara shanggadik dorelak. Ar thara holak, “Ete hamakkai Itchioro Puo.” 55 Ar siot bhalukkun miliei thara ekdurottun sei agon. Thara Galili dejottun dhori Jisur loge ejchion, ar tare lobiot gorsion. 56 Sigunor moiddie, Meri Magdalini, Jakobor ar Josiar mabuo Meri, ar Zebedior puogunor mabuoio siot elak.
Jisure Garelakkoi
Mak 15:42 -47; Luk 23:50 -56;
Jhn 19:38 -42
57 Ar sajonnie oinei, ek jon majon manus siot elo. The olode Arimathea adamortun. Tar nangan olode Joseb. The nijeio Jisur sisjio oie. 58 Ei Manuschuoi, Pilado sidu jeinei Jisur heyegan magilogoi. Sebeden Pilade Jisur heyegan tare dibartei ugum dilo. 59 Ar Josebe Jisur heyegan loinei, the ekkan poriskar pador haborloi bereilo. 60 Sebeden the tar nijor nuo gouranot morabuo bhorei thologoi. Sien the silo sadarat huninei baneie. Ar the ekkuo bor sil goschei-goschei ninei dhoran nadi dinei phelei gelo. 61 Meri Magdalini, ar oinnio Merio gourano mokkie gori boi elak.
Sidiesalot Subidar
62 Tar hellie, ortat, Judaiune jugol goronde dinnuorδ porendi dinnuot, rajguruthagurune ar Pharisigune Pilado idu thubeilakkoi. 63 Ar thara Piladore holak, “Babu, amar monot age, the baji thagke, ei manus hu-podedi nejeiebuoi hoie, ‘Tin dino porendi mui aro jiei udim.’ 64 Senottei, sidiesalan tin dinsong subi dinei rageibartei tui ugum de. Adikkie tar sisjiogune reidot einei Jisur heyegan sur gori ninei, ‘The morattun jiei uttie’ gori manjior mujungot hobakkoi. Ar sengori, sejor thoganagan polim thoganaganottun bes horab obo.” 65 Sebeden Pilade tharare holo, “Subi dibar soinnio tomar agon daw. Jo, tumi jengori gom po sengori subi tha bajei duogoi.” 66 Sebeden thara jeinei, sidiesalan rokkie gora bajei dilak Ar sidiesalo silluot thara marga dinei subi tha bajei dilak.