Jisu Morattun Jiei Udilo
16
Jireni Dinnuo bidi janar porendi, Meri Magdalini, Jakobor mabuo Meri ar Solomi dagi tumbas jinij Jisur heyeganot jeinei guli dibartei hini lolak. 2 Saptar polim dinnuot, beinnie poittie bel uttie-uttie thara sidiesalanot gelak. 3 Jade-jade thara-thara huobula gorton, “Sidiesalanor silluo duoranottun amattei honna larei dibo?” 4 Hintu thara senei degilakke semba dangor sil jagattun lareie gori age. 5 Thara sidiesalanor gattuor bidirie sominei ek jon gabursie manus lamba dhub shilum ursie gori den dagedi boi agede degilak.Thara Shanggadik
Amok Olak
6 Hintu The tharare holo, “Amok no oio. Mui hobor pang, krosot duonde Nazareth hullie Jisure tumi togor. The idu nei. The jiei uttie. Tare thoionde jagan tumi rini sawhgi. 7 Jo, tar sisjiogunore ar Pitorore hogoi: The tomartun akke-akke Galili dejot jar. Tomare the hoiede doge sidu tumi tare degibagoi.” 8 Senottei miliegune jhadi gori nigilinei daba-daba Gouro gattuottun dhei gelak. Haron thara girgireinei amok oion. Ar thara harore hitchu no hon, haron thara doreon.
9 Saptar polim dinnuot beinnie poittie Jisu jiei uduonar porendi the sattuo bhud dabei dede sei Meri Magdalini idu akke dega diegi. 10 Jisur loge elakke sigune buk porah oi handonde seiet The jeinei tharare hobor hologoi. 11 Jokke thara Jisu jei uttie ar Meri Magdalini tare degkie gori hobor sunilak, thara bischias no gorilak. 12 Sienor porendi tharattun di jon hedo mokkie jade Jisu thara sidu dog-judo gori dega diegi. 13 Thara phiri einei oinnio bagi sisjiogunore holakki, hintu siguneo bischias no gorilak.
14 Bego jere, egaro jon sisjioi haade thara sidu Jisu dega dilogi. Thara bischias no goron ar the jiei uduonar porendi tare degkuonde sigunor hodagani akkol han oinei bischias no goron hinottei the tharare thajei gubilo. 15 Jisu tharare holo, “Goda songsarot jo, beg poranbolagunor sidu gom hoboran prosar gorogoi. 16 Je bischias jeinei baptisma goribuo, the mukti pebo, hintu je bischias no jai, the dujot poribo 17 Ar ei sinnogani bischiasigunor loge thebo, mor nange thara bhud dabei di paribak. Thara nuo bhasadi hoda hobak. 18 Thara sap dhori tulibak. Ar thara morede bis heleio tharar sobai hitchu odo noi. Aw-sugkiegunor heyet tharar adtani tuli dile aw-sugkiegun gom obak.”