9
Jisu tharare holo, “Mui tomare soittio hodagan hongor, iot hoiek jon thiei agonde igunottun Itchioror rejjiogan hemodaloi ette no degon song mortak noi.”Jisur Judo Sengera Phudilo
2 Shoi din porendi Jisu Pitorore, Jakobore ar Johonore judo gori tar loge nilo. The tharare ekkuo ojol mounnot tulilogoi. Siot tharar mujungot Jisur debo-rong phudilo. 3 The uri agede haborani joljollie oi borobor dogkie dhub-dhub olo. Ei pittimit huno jone dhoinei sedogkie dhub-dhub gori partak noi. 4 Mosi ar Elija tharar mujungot dega dinei Jisuloi hoda hodon. 5 Sebeden Pitore Jisure madelo, “Robbi, ami iot thele gom obo. Tinan bajei bani tortei ekkan, Mosittei ekkan ar Elijattei ekkan.” 6 Thara adik dore, Pitore hi hobo bili hobor no pai. 7 Sebeden tharare mege dagilo, ar sei megkanottun ekkuo sobdo bhar olo, “Ibie mor agojor Puobuo. Tar hoda suinnio.” 8 Jogon-togon, thara seropala rini selak. Jisure bade ar huno jonore tharar loge no degilak
9 Mounnuottun thara lambegi Jisu tharare mana gorilo: Munischioror Puobuo morattun jedogkon song jiei no ude, sedogkon song tumi degilade ien harore no hoio. 10 Thara Jisur sombonde harore no holak. Hintu thara-thara huobula gorton, morattun jiei uduonar orthogan hi.
11 Thara Jisuttun pujor gorilak, “Dhormo niomor mastorune Elija akke eja poribo, a hittei hon?” 12 Jisu tharare uttor di holo, “Elija daw hamakkai akke ebo, beg jabotio thik gori dibogi. Munischioror Puobuoi onek dug-hosto pebo ar manjie tare aw-pela goribak gori, a hittei lega age? 13 Mui tomare hongor: Elija daw honatto ejchie. Tar sombonde legkonde doge manjie mone hoi sien tare gorsion.
Jisu Ekkuo Bhude peie
Guro Gom Gorilo
14 Jisu ar sei tin jon sisjio somot oinnio sisjiogunor idu phiri einei degilakki, tharar seropala shagor manus thubeion. Ar dhormo niomor mastorune thararloi suol gora-gori gorton. 15 Jogon-togon beg manuschune Jisure degkionuo thara baari amok olak. Tar sidu daba-daba jei tare salam gorilakkoi. 16 Jisu dhormo niomor mastorunottun pujor gorilo, “Tumi thararloi a hittei suol gora-gori goror?” 17 Sebeden manjior jhagottun ek jone holo, “Guruthagur, mor puobuore no mattie bhude peie hinottei mui tor idu anilung. 18 Sei bhudtuoi tare jokke dhore, tare madit goschei pelai. Gurobuor han phena nigilie, geret-geret dad hamarai, ar goda heye honggorong oie. Mui tor sisjiogunore bhudtuo dabei dibartei hoiong, hintu thara no paron.”
19 Jisu tare uttor di holo, “Oh, ei jugor bischias no gorsie manuschun, mui tomar loge hodog bilon theim? Hodog bilon mui tomare soijjio gorim? Tare mor idu ano.” 20 Sebeden manuschune gurobuore Jisur idu anilak. Bhudtuoi Jisure degkieo gurobuore thajei jhagerei madit goschei pheleilo. Madit egor-ugor har ar tar han phena sag nigilie. 21 Jisu gurobuor babpuottun pujor gorilo, “Homolettun dhori tar edogkie oie?” Gurobuor babpuoi uttor dilo, “Sigonottun dhori. 22 Bhudtuoi tare morei pheleibartei onsur tare agunot ar panit pheleide. Hintu tui judi amare je huno ekkan upai gori di paros, sale, doye gorinei amare sahajjio gor.” 23 Jisu tare holo, “Tui judi bischias gori paros, je bischias gore tartei beg sombob.” 24 Jogon-togon gurobuor babpuoi sogor pani dara-dara oi jogar pari holo, “Probu, mui bischias gorong. Mor aw-bischiaschanot more bol de.” 25 Jisu manuschunore daba-daba ek loge ette deginei hajorchie aptabuore gobinei ugum dilo, “Hal ar no mattie aptabuo, mui tore ugum dilung, tar bidiriettun nigili ai! Tar bidirie ar huno bar no somes.” 26 Sebeden bhudtuoi gurubuore thajei jhagerei hijiek thareinei tartun nigili gelo. Gurubuoi mora dogkie gori rolo. Bhalukkun manjie holak, “The morsie.” 27 Hintu Jisu tare adot dhori tulilo, sebeden the thieilo. 28 Jisu ekkan ghoro bidirie somanar porendi tar sisjiogune nibirot tartun pujor gorilak, “Ami a hittei bhudtuore dabei di no pari?” 29 Jisu uttor dilo, “Edogkie bhud bor magana ar ubos thana darai no ole dabei dibar.”
30 Jisu ar tar sisjiogune sei jagan phelei jei, Galili dejchan phuri gelak. Jisuttun mone hoidie the hudu age huno jone hobor no pedak. 31 Jisu tar sisjiogunore sigei hinottei tharare holo, “Munischioro Puobuore manjior adot gojei dibar somoi oi ejchie. Thara tare morei pheleibak. Ar tare morei pelanar porendi, tin dine the jiei udibo.” 32 Hintu The hoiede hodaganor orthogan thara no bujon, tartun pujor goribario dorelak.
Honna Begottun
Dangor Obo
33 Jisu ar tar sisjiogun Kapernaum adamot lungilakki. Ghoro bidirie the elode lokkene tar sisjiogunottun pujor gorilo, “Adah podot tumi-tumi hi suol gora-gori gorsio?” 34 Hintu adah podot thara moiddie honna begottun dangor obo sienor sombonde suol gora-gori gorsion hinottei thara juj gori thelak. 35 Sebeden Jisu bojilo ar baro jon sisjiogunore daginei tharare holo, “Je begottun dangor obar sai, the begottun sigon oi thok ar begkunor sagorsie ok.” 36 Sebeden Jisu ekkuo sigon guro aninei tharar song moiddie thie bajei dilo. The gurobuore aza gorinei tharare holo, 37 “Je mor nange edogkie ekkuo sigon guro lobiot gore, sale, the more lobiot gore para obo, ar je more dipadeiebuoreo lobiot gore para obo. Morloi birud no sole the mor pokke age.”
38 Johone Jisure holo, “Guru-thagur, ek jon manjie Tor nange bhudtun dabei dede ami degkiei. The amar dolor manus noi ar amar loge no eje hinottei ami tare mana gorsei.” 39 Hintu Jisu holo, “Tare mana no gorsio ar. Je mor nange ham gore, sibiei ar more jhadi bodnam gori no paribo. 40 Je amarloi birud no sole, the mor pokke age. 41 Mui tomare soittio hodagan hongor, tumi Kristor manus hinottei je mor nange tomare ek goloj pani hebartei de, sibiei hamakkai tar poriskarigan no arebo.
Pabor Sombonde Uij
42 “Je huno ek jone edogkie ekkuo sigon gurore judi more bischias gorinei aro bischias no gore para gore, sei manuschuore ekkuo dangor sil tar gortonabuot bani dinei sagorot phelei dile tartei gom obo. 43 Ar judi tor adtane pabot pelai, sien habi pheleis. Huno din agun no morede norogo agunot dien ad sumuttuo jana darane rukkie gori jibonanot somanagan tortei gom obo. 44 Siot,
‘era heie pukkun huno din no moron ar agunonuo huno din no more.’
45 Ar judi tor thengane tore pabot pelai, sien habi pheleis. Norogo agunot dien theng sumuttuo jana darane leng gori jibonanot somanagan tortei gom obo 46 Siot,
‘era heie pukkun huno din no moron ar agunonuo huno din no more.’
47 Ar judi tor sogkuoi pabot pelai, sibie huei pheleis. Dibie sogkuoi norogo agunot jana darane, ekkuo sogkuoi Itchioror rejjioganot somanagan tartei gom obo. 48 Siot,
‘era heie pukkun huno din no moron ar agunano huno din no more.’