Jisu Ser Azar
Manjiore Habelo
8
Sei lokkene manjior jhagkuo baari dangor elo. Tharar hitchu hebar nei hinottei Jisu tar sisjiogunore tar idu daginei holo, 2 “Ei manuschunore mortun sit purer. Thara mor somare tin din olakki ar tharattun hitchu hebar nei. 3 Mui judi tharare abuhoda tharar ghorot padang, jade adah podot thara ped porai oran obakkoi. Ek dagie olakke pod durottie.” 4 Ar tar sisjiogune Jisure uttor dilak, “Ei moruobomit tharar ped bhore song pidie huttun pei dibong?” 5 Ar Jisu tharattun pujor gorilo, “Tomartun hoien pidie age?” Ar thara holak, “Amattun sattan pidie age.” 6 Sebeden Jisu manuschunore madi ugure bojibartei ugum dilo. Ar the sattan pidie adot loinei Itchiorore hujhi hoda honar porendi pidiegani hotta gorilo. Manuschunore bhag gori dibartei, Jisu tar sisjiogunore dilo. Sebeden thara bhag gori dilak. 7 Tharar guri maj gulek elak. Jisu ei manuschunotteio Itchiorore baini gorilo. Manuschunore bhag gori dibartei tar sisjiogunore ugum dilo. 8 Sebeden begkune helak, ar begkunor ped bhorilo. Manuschune hei hai ugursieni sisjiogune tuli lolakke boron dangor sat lei. 9 Siot perai ser azar manjie heion. Sebeden Jisu tar tharare bidei dilo. 10 Jogon-togon Jisu tar sisjiogun somot ekkan nawt udi Dalmanutha bamot gelak. 11 Sebeden hoiek jon Pharisi Jisur idu einei tarloi torgo gora dorilakki. Tare sagi sebartei thara Jisuttun ekkan sorgottun sinno degebartei magilak. 12 Hintu Jisu tar ontorottun bor-nijes iri dinei holo, “Ei jugor manuschune a hittei sinno togan? Mui tomare soittio hodagan hongor, ei jugor manuschunore huno sinno dega no obo.” 13 Ar sebeden Jisu tharare phelei jei nawganot udi sagoro uhule gelo.Jisu tar Sisjiogunore
Uij Dilo
14 Ar Jisu tharare pidie nibar puri peillion nawganot tharar bana ekkan pidie elo. 15 Ar Jisu tharare uij dilo, “Seio! Pharisigunor ar Herodor moli pokke uijkare thagkuo.” 16 Sebeden thara-thara huobula gorinei holak, “Amattun pidie nei hinottei the ei hodagan hor.” 17 Hintu thara huobula gortonde sien Jisu hobor peinei tharare holo, “Pidie neidie sombonde a hittei huobula goror? Ejosong hobor no pode nahi no bujode parapang? Ejosong akkol han oi ago ni na? 18 Tomar sog age, a hittei tumi no dego? Tomar han age, a hittei tumi no suno? A hittei tomar manot nei? 19 Jokke mui pas azar manjiortei paschan pidie hotta gori duong, sei lokkene boron hoi lei hei-hai ugursieni tumi tulliode?” Thara Jisure holak, “Baro lei.” 20 Aro Jisu holo, “Jokke mui sattan pidie ser azar manjiortei hotta gori duong, sei lokke dangor hoi lei heie ugursieni tumi tulliode?” Ar thara holak, “Sat lei.” 21 Sebeden Jisu tharare holo, “Sale, tumi ejosong a hittei no bujor?”
Jisu Bethsaida Adamot
Ek Jon Gom Gorilo.
22 Sebeden thara Bethsaida adamot lungilakki. Ar hoiek jon manjie ek jon han manus Jisur idu anilak. Han manuschuor heyet dhoribartei thara Jisure hujoli gorilak. 23 Sebeden Jisu han manuschunore adot dhori adamor barendi nilo, manuschuor sogkuot sep didenar poride tar heyet adtani dinei tartun pujor gorilo, “Huno ekkan degor ni?” 24 Han manuschuoi rini seinei holo, “Mui manuschunore degongor. Hintu tharare gajor dog gori berade degongor.” 25 Sebeden Jisu aro tar adtani manuschuor sogkunot di dilo. Jisu tare dege para gori dilo. Tar sogkun hulo jei phor olak. Sebeden manuschuoi beg porak-porak gori deger. 26 Ar Jisu tharare tar nijor ghorot dipadei dede holo, “Adamot no someschoi ar adamot harore no hos.”
Jisu Honna Bili
Pitore Hoi Dilo
27 Sebeden Jisu ar tar sisjiogune sei jagan phelei jei Kaisarea Philippi adamanit gelak. Jade-jade Jisu tar sisjiogunottun pujor gorilo, “Mui honna bili manjie hon?” 28 Thara uttor dilak, “The baptisma gori die Johone, ar ek dagie hon, the Elija, aro ek dagie hon, the munigunottun ek jon obode.” 29 Jisu tharare holo, “Hintu tumi more honna bili ho?” Pitore Jisure uttor dinei holo, “Tui olede Kristo.” 30 Sebeden Jisu tharare shokto gori mana gorilo. Mor sombonde tumi harore no hoio.
Jisu tar moranagan Janei Dilo
31 Tar porendi Jisu tar sisjiogunore sigkie die dorilo: Munischioror Puobuoi onek dug-hosto pebo. Borjonnune, rajguruthagurune ar dhormo niomor mastorune tare no manibak. Tare morei pheleibak, hintu tin dino porendi the aro jiei udibo. 32 Jisu ei hodagan hulomela gori hoi dilo. Hintu Pitore ek huredi ninei tare goba dorilo. 33 Hintu Jisu muo phireinei tar sisjiogunor hitte sei Pitore gubilo, “Soitan, tui mor iottun jagoi! Haron tor bhabonagan Itchiorottun no eje, hintu manjiortun ejchie.”
34 Sebeden Jisu manuschunore sisjiogun somot tar idu daginei holo, “Je mor loge judi edo sai, salen, tar nijor monjokka no gori tar kroschan buginei mor loge ejok. 35 Haron je tar poranan bajeibartei sai, the arebo. Hintu je mortei ar gom hoboranottei tar poranan arai, the tar poranan rokkie goribo. 36 Haron ek jone goda songsaran peinei judi tar nijor poranan arele, sien tar hi lab obo? 37 Bah tar porananor bodoli the hi dam di paribo? 38 Haron je mortei ar mor hodaganittei ei biebijier ar pabor jugkuot lajai, Munischioror Puobuoio jokke tar Babor mohimagandoi ar pobitro sorgo-dudtun somot ebo, sokkene sibiettei the lajeibo.”