Nijo Adamot Jisur Aw-sorman
Mot 13:54 -58
6
Sienor porendi Jisu siottun jei tar nijor adamot lungilogi. Tar sisjioguneo tar loge gelak. 2 Jireni Dinnuot Jisu synagogot jeinei sigkie die dorilo. Shagor manus tar hoda gani suni amok oinei holak, “Ei Manuschuoi huttun ei hodagani peie? Ei Manuschuore edogkie gyen hona dilo?Amok Ham The Hingori Gore
3 “Ei Manuschuo haligorsie ar Merir puobuo, noi ni? Jakobor, Josebor, Judar ar Simon dagir bhei, noi ni? Amar loge agonde sigun tar bonun noi ni?” Senottei thara Jisure bischias no gorilak.
4 Hintu Jisu tharare holo, “Nijor adamot, nijor sodorsieguno bidire ar ghorot bade ek jon munie beg jagat sorman pai.” 5 Ar aw-sugkie manus hoiek jon adtuli dinei gom goranar bade siot ar the mohima ham gori no pare. 6 Manuschune Jisure bischias no golliek hinottei the shanggadik amok olo. Sebeden manuschunore sigeibartei, adame-adame the bera dorilo.
Jisu Baro Jon Sisjio Padeilo
7 Jisu tar baro jon sisjio tar idu dagilo. Ar dijon-dijon gori the tharare phadelo. Hajorchie aptaguno ugure ham gori paribartei the tharare odhihar dilo. 8 Jisu tharare edogkie ugum dilo: porbhajot jade bana ekkuo ludig bade ar hitchu no nejeio. Pidie, hotchal, ar jebot tengaioδ no loio. 9 Sendel pinnio hintu dibie shilum no loio. 10 Jisu aro tharare holo, “Tumi je ghoranot gorba uduogoi, sei adaman sari no jo song sei ghoranot thagkuo. 11 Ar je tomare lobiot no gore bah, tomar hoda no sunilie, sale, sei adamortun jade tomar thengopadar dhullie jhari di etchio. Sien tharar biruddie shakki obo. Mui tomare soittio hodagan hongor: Itchiore bijier goribode dinnuot Sodom ar Gomorat sasti dibode sittun bes sei sohoranottei aghattie sasti dibo!”
12 Sebeden Jisur sisjiogune lod dilak ar manuschune pabottun mon phirebartei prosar gorilak. 13 Thara onek bhud dabei dilak ar onek aw-sugkiere madat tel guli dinei gom gorilak.
Baptisma Johonor
Hun gorsie hoda
Mot 14: 1 -12;Luk 9:7 -9
14 Jisu nangkora oie hinottei Herod Rajai tar hobor sunilo. Herode holo, “Baptisma gori die Johone morattun jiei uttie. Senottei the ei amok hamani gorer.” 15 Ek dagie holak, “The Elija obode.” Aro ek dagie holak, “The purona amolor muni dogkie ek jon muni obode.” 16 Hintu Herode suninei holo, “The hamakkai mui sirie habi duongge Johone obo. Morattun the aro jiei uttiede!” 17 Haron tar bhei Philibor mogkuo Herodittei Herode manus padeinei Johonore bani ani jiel-hanat bhorei thoiegi. Haron Herode Herodire loie. 18 Baptisma gori die Johone Herodore bar-bar hoi, “Tor bheior mogkuo tui loioschie ien niom noi.” 19 Senottei Herodi Johonore bis degilo ar morei pheleibar mone hor. Hintu morei pheleibar tartun hemoda nei. 20 Herode Johone dharmig ar pobitro manus bili hobor pai. Senottei tare dhorai ar rokkie gori ragai. Johonor hoda suninei Herode onek ham gorsie. The tar hodagani mon di suni thai.
21 Bego sejot ekkan sujuk elo. Herodor jormo utchobo dinnuot tar ajol ajol murubbigun, senapotigunδ ar Galilir murubbigunore reidot meitbanot bolelo. 22 Sebeden Herodir jhibuo einei tharar mujungot najilogi. Herodore ar tar gorbagunore the mon hujhi gori dilo. Senottei Herod Rajai sei gaburire holo, “Tor jien mone hoi sien mag, mui tore dim.” 23 Ar Herode sobot heinei sei gaburire holo, “Tui jien magos mui tore sien dim, dorkar ole mor rejjiogan song bhag mui tore dim.” 24 Ar the nigili jei tar ma sidu gelo. The tar mare holo, “Ma, mui rajartun hi magim?” Tar mai tare holo, “Baptisma gori die Johonor siriebuo magkoi.” 25 Ar jogon-togon miliebuoi jhadi gori rajar idu elo. The rajare holo, “Baptisma gori die Johonor siriebuo ekkuo bajonot gori more ikkie de.
26 Ar rajar shanggadik monot dug olo: Hintu tar sobottanottei ar tar loge bojchionde sigunor harone the no dinei sari no parilo. 27 Ar jogon-togon rajai ek jon joldar dagi Johonor siriebuo anibartei ugum dilo. Ar sei joldarbuoi jiel-hanat somi Johonor siriebuo habi anilogoi. 28 Sebeden the siriebuo ekkuo bajonot tuli gaburire dilogi. Ar gaburi sei siriebuo tar mare dilogoi. 29 Johonor sisjiogune ei hoboran peinei thara elak. Johonor madalabuo ninei thara garelakkoi
Pas Azar Manjiore
Hana habana
30 Jisu je baro jon sisjio dipadeie thara phiri elak. Ar thara jieni-jieni gorsion ar sigkie duon sieni begkani tare holakki. 31 Sokkene shagor manus siot etton-jadon hinottei Jisu ar tar sisjiogune hebar somoi no pelak. Senottei Jisu tar sisjiogunore holo, “Tumi mor loge juj gori ejo, ekkan niribili jagat jeinei jireioi.” 32 Sebeden thara nawt gori ekkan niribili jagat juj gori gelak. 33 Ar thara jade somoi manuschune tharare degkion. Bhaluk jone Jisure sinnion. Senottei prottiek jagattun manuschune daba-daba torbuo jei, sei jaganot tharattun akke lunginei thubei agondoi. 34 Jisu nawganottun laminei shagor manjior jhag degilo. Rakkoli sara bera-shagolor dogkie manuschunor obostani deginei tartun baari sit puri udilo. Senottei the tharare onek sigkie die dorilo. 35 Jokke dinnuo ses oi gelo, Jisu sisjiogune tar idu einei holakki, “Ien olode jonosunnio jaga, ar belano duberloi. 36 Manuschunore tui dipada tharattun hitchu hebar nei hinottei, thara hai-hure adamanit jeinei nijor hebar pidie hini loi parondoi para.” 37 Hintu Jisu tar sisjiogune holo, “Tumi tharare hiju hebar jinij duo.” Ar tar sisjiogune tare holak, “Ami jeinei di shot denarirδ pidie hini aninei hi tharare hebartei dibong?”
38 Senottei Jisu tharattun pujor gorilo, “Tomartun hoien pidie age? Jeinei sawhgoi.” Ar thara hoion age hobor peinei holakki, “Paschan pidie ar dibie maj.” 39 Sebeden Jisu tar sisjiogune ugum dilo jen thara beg manuschunore eil heror ugure dol-dol gori boja bajei duon. 40 Ar manuschune ek shot jon, ponjas jon ponjas jon gori bojilak. 41 Sebeden Jisu sei paschan pidie ar dibie maj adot loinei, agajor hitte muo gori Itchiorore hujhi hoda holo. Ar manuschunore dibartei pidiegani hotta gorinei tar sisjiogunore dilo. Esannie gori the begkune dibie maj bhag gori dilo. 42 Sebeden begkune helak ar begkunor ped bhorilo. 43 Manuschune hei hai ugursie pidie ar maj sisjiogune tuli lolakke boron baro lei. 44 Pidie heiegun olakke bana morodo pas azar.
Jisu Pani Uguredi Adi Jeie
45 Manuschunore the bidei gorte sagoro uhuledi Bethsaida adamot tartun akke jei paron para, Jisu tar sisjiogunore jebartei jogon-togon nawt uduo bajei dilo. 46 Manuschunore bidei denar porendi the bor magibartei ekkuo mouno padit udilogoi. 47 Reid oinei Jisur sisjiogune nawgandoi sagoro song moiddie lungondoi ar indi Jisu gai-gai muro ugure elo. 48 Jisu degilo tar sisjiogun jadonde mokkiettun boier baar hinottei thara baari hosto gori pangei badon. Poittie amollie Jisu thara idu pani uguredi adi-adi ei, tharare phelei jebar oie. 49 Hintu tar sisjiogune tare pani uguredi adi jade denei thara bhud mone gori hijiek hari uttuon. 50 Jisure deginei thara begkune doreon. Senottei jogon-togon Jisu tharare madeinei holo, “Sahoj goro. Sibie mui, no doreo.” 51 Sebeden Jisu tharar loge nawganot udilo, ar boieranio thameilo. Tar sisjiogune shanggadik amok oi asarjio olak. 52 Thara akkol han hinottei pas azar manjiore pidie habeieganor ortho thara buji loi no paron. Senottei ikkieio thara asarjio olak.
53 Thara sagoran par oinei, Gennesaret bamot lungilakki. Thara nawgan gang hule bani tholak. 54 Thara nawganottun lammuono manuschune Jisure sinnion. 55 Sei bamot jagai-jagai dumoro-dumuri porilo. Sebeden manuschune Jisu hudu age hobor loinei, thara padi ugure tuli aw-sugkiegunore tar idu bhaar gori ana dorilak. 56 Ar Jisu adamot jok, bah hedot jok, manuschune aw-sugkiegun bazarot ledei thon. Aw-sugkiegunore tar ursie haboro hazat dhoribar dibartei manuschune Jisure hujoli goron. Ar aw-sugkie manjie je tare dhore the gom oi.