Kiŋwaati kkɨŋ Pwɔɔ mà bieŋ bə kimbumə ki
Ɛfɛshu
Fieŋ ffɨŋ fi dùŋ ə Kiŋwaati ki Ɛfɛshu kɨhŋ mə
Kiŋwaati kɨhŋ mà bieŋ Pwɔɔ, mbɛɛ faŋnə Jisho bə bəne bə kimbemi bə kibalaki ki Ɛfɛshu mə. Kwoo ki fieŋ ffɨŋ fi dùŋ ə kiŋwaati kɨhŋ mə duŋ mbwɛɛ nnu Chu mà bwɛɛ lə i yá buhuŋ bieŋ binhliŋ bi buh bə bi kwe chi ə Jisho kwe. Pwɔɔ nacha ye fi yá jaa ə bəne hlə yee bə́ dūŋ ə kimbumə mə bə Chu. I nyiila ye Chu Baba mà shaa bəne biih, laamə nə yíwaha yibə kah ə Jisho Kleto Ŋiaani mə, bə ye i mà gba kidaŋ kiih ə bə́ go kkɨŋ ki dùŋ Fiana Wɛɛŋ. I keeh'la bəne bbəŋ i bieŋna bie bə bə́ lə yee bə́ dūŋ kinduŋh kkɨŋ ki nyìi lə bə́ bie mbuhuŋ bə Kleto. Pwɔɔ nyiila dəŋ ə jé mə chili chili bənfɛhiŋ ye kimbumə ki bəne bə kimbemi dùŋ gbo mwe ə Kleto mə.
Bikuu bi bieŋ ə Kiŋwaati kɨhŋ mə
1:1-2 Kinchɔɔ
1:3–3:21 Ndɔ chi nnu Chu mà kənə bə Kleto maa bə kimbumə ki bəne bə kimbemi
4:1–6:20 Kinduhŋ kifwɔ ki bəne bə Kleto
6:21-24 Kihəŋgbɔŋ