Filipi i

Kiŋwaati kkɨŋ Pwɔɔ mà bieŋ bə kimbumə ki

Filipi

Fieŋ ffɨŋ fi dùŋ ə Kiŋwaati ki Filipi kɨhŋ mə

Kiŋwaati kɨhŋ mà bieŋ Pwɔɔ bə kimbumə ki bəne bə kimbemi bə Filipi. Ki duŋ ə kintu ki biŋwaati bbɨŋ i mà bieŋ ə chəŋ munfwa mə ə Luŋ. Fieŋ ffɨŋ fi mà fə lə Pwɔɔ bieŋ kiŋwaati kɨhŋ mà duŋ bənyii lə i ŋəŋna ə kpo wwuŋ kimbumə ki bəne bə kimbemi bə Filipi mà faŋ we go. Kwoo ki yo Pwɔɔ ə kiŋwaati kɨhŋ mə duŋ lə, “Bə mi, ə nlə nduŋ fa, kəə ndùŋ yu Kleto, ə nlə ŋkpe, kəə ə mbɨŋ bə mi (1:21).” Pwɔɔ yɔɔ ki kiŋkuntaŋ ki Baba ya Jisho Kleto, ye i mà nə lə gbo wiih chu ye nfwa lə, Chu hlə bihiŋ wu, chi ə dɔhɔ kkɨŋ ki ko kah ki mbɛɛ mənhliŋ. I ŋoola bə́ lə kinduŋh kibə ə Kleto mə duŋ nnə li Chu bələ tɔŋ liih linwaa llɨŋ i kənə bə bə́ kah ə tɔŋ linwaa llɨŋ bə yiila ə Kleto mə, yu ə kə duŋ nə yulahalə bə chi bəŋkɨnə bə too wi Bəjuu kə. Kiŋwaati kɨhŋ yɔɔla gbaaŋ ki kintɨŋ maa bən'yii bufe ə diɛɛnə ki Kleto mə maa bənduŋ naamənə hləŋ, maa bənduŋ fieŋ fimwi maa bəŋkwaa tɔŋ ə kimbemi mə maa ə kinduŋh ki fidiɛɛ kɨhŋ mə.

Bikuu bi bieŋ ə Kiŋwaati kɨhŋ mə

1:1-11 Kinchɔɔ

1:12-26 Bieŋ bbɨŋ bi mà duŋ bə Pwɔɔ

1:27–2:18 Fwɔ wi mbɛɛ nnu i buhaŋ gbo bə Kleto

2:19-30 Biyɔɔnə ki Timɔti bə Ɛpaflɔditu

3:1–4:9 Keehnə ki bəne bəlo bə bəŋgə

4:10-20 Bəne bə Filipi dùŋ bishiŋ bi Pwɔɔ

4:21-23 Cheenə