Kiŋwaati kkɨŋ Pwɔɔ mà bieŋ bə kimbumə ki
Galeshia
Fieŋ ffɨŋ fi dùŋ ə Kiŋwaati ki Galeshia kɨhŋ mə
Ə mà duŋ bwɔɔ nnu bə́ mà chɔɔ bəndontə hlɨŋ nwaa ki Jisho, bəne bbəŋ bə́ mà duŋ kə duŋ nə Bəjuu hə chɔɔla bəntɨŋ jə hlɨŋ nini, bəne bədi hlə ja chɔɔ yee bə́ bwô bə keehnə kkɨŋ ki dūŋ lə bə́ kənə kwaa bənchi bəŋkɨnə bə Mushe bənhliŋ, gbɛtɛlɛ bənyieŋ jó yí bəne bbəŋ bə́ dùŋ kə duŋ nə Bəjuu, ə bə́ hlə yee bə́ dūŋ bəne bə Kleto bə kichɛɛŋ.
Kiŋwaati kkɨŋ Pwɔɔ mà bieŋ kɨhŋ bə bəne bə Galeshia mà duŋ bəndii chuu bufe bubə lə bu chu dɨŋ ə fieŋ fintiiŋ go. Ye i dùŋ lə mbɛɛ hlɨŋ Jisho nəni, i hlə yee i bīeŋ i gə̀ŋ fwi i nyìi kinwaa lə Chu jə mbɛɛ lə i dūŋ ntiiŋ ə wu dí duŋ yu tɔŋ llɨŋ i yiila ə Kleto mə.
Bikuu bi bieŋ ə Kiŋwaati kɨhŋ mə
1:1-10 Kinchɔɔ
1:11–2:21 Muŋgeni mu Pwɔɔ ye mbɛɛ faŋnə Jisho Kleto lə
3:1–4:31 Pwɔɔ yɔɔ ki hlɨŋ nwaa maa bəŋkɨnə
5:1–6:10 Bəne bbəŋ bə́ dùŋ bə Kleto fwoo ba ə munfwa mə yee bə́ wō ə duŋ bə Fiana Wɛɛŋ
6:11-18 Kihəŋgbɔŋ