Kiŋwaati ki chá fie kkɨŋ Pwɔɔ mà bieŋ bə kimbumə ki
Kɔlɛŋ
Fieŋ ffɨŋ fi dùŋ ə Kiŋwaati ki Kɔlɛŋ ki chá fie kɨhŋ mə
Pwɔɔ mà bieŋ kiŋwaati ki chá fie kɨhŋ bə kimbumə ki bəne bə kimbemi bə Kɔlɛŋ, ə duŋ bwɔɔ nnu bəŋgə mà jaa yee bə bwō wu bə kimbumə kie hənte. Bəne bədi ə kimbumə kɨhŋ mə mà duŋna duŋ duŋ yee bə́ kə̄nə noonə kintaabə ki Pwɔɔ. Kwaalə, Pwɔɔ bieŋ yee i nyīi lə i kìɛɛ gbaaŋ lə bə́ chu fieŋ fimwi.
Kiŋwaati kɨhŋ gə̀ŋ fwi bən'yɔɔ ye Pwɔɔ mà kɔnɔ kimbumə kie lə bə́ wɛ kwáŋ ŋəbə bənchɨnə bəne bə Kleto bə Judia bbəŋ bə́ mà duŋ ə ŋgə mə. Ə wɛɛ wi dɨŋ ə kiŋwaati kɨhŋ mə, Pwɔɔ yɔɔ ki bieŋ bbɨŋ bi nyìi lə i dùŋ mbɛɛ faŋnə Jisho Kleto kichɛɛŋ. I mà yɔɔ yu bəne bədi bə Kɔlɛŋ chɛɛ mà jaa yee bə́ wē lə bə́ dùŋ bəne bə faŋnə bə Jisho bə kichɛɛŋ, hlə yee bə́ yɔ̄ɔ dəŋ lə Pwɔɔ duŋ nə mbɛɛ faŋnə Jisho Kleto kichɛɛŋ kə.
Bikuu bi bieŋ ə Kiŋwaati kɨhŋ mə
1:1-11 Kinchɔɔ
1:12–7:16 Pwɔɔ bə kimbumə ki bəne bə kimbemi bə Kɔlɛŋ
8:1–9:15 Nnə bənchɨnə bəne bə Kleto bə Judia mu
10:1–13:10 Pwɔɔ yɔɔ ki bieŋ bbɨŋ bi nyìi lə i dùŋ mbɛɛ faŋnə Jisho Kleto kichɛɛŋ
13:11-14 Kiŋkpee