Kiŋwaati ki fwii kkɨŋ Pwɔɔ mà bieŋ bə kimbumə ki
Kɔlɛŋ
Fieŋ ffɨŋ fi dùŋ ə Kiŋwaati ki Kɔlɛŋ ki fwii kɨhŋ mə
Kimbumə ki bəne bə kimbemi ki Kɔlɛŋ duŋ ə mà chɔɔ Pwɔɔ ki. I mà bieŋ kiŋwaati ki fwii kɨhŋ bəŋkeeh bə́ ki bieŋ bbɨŋ bi mà duŋ kə duŋ nə yəəŋ ə kimbumə ki bəne bə kimbemi mə. Kɔlɛŋ mà duŋ dɔhɔ kkɨŋ shi dì həmə, bə́ bwɔ̀kwe dəŋ bə bəcheh kiŋaaŋkə.
Pwɔɔ màa i yɔ̄ɔ ə kiŋwaati kɨhŋ mə ə duŋ ki bieŋ bbɨŋ bi dùŋ kə nwaa lə bbɨŋ bi mà duŋna ə bəne bə kimbemi mə. I baa keeh bə́ ye duŋ ə yee bə́ fə̄ too wibə wi kitɨŋ, baa keeh bə́ ki bə nyo bə kpɛ ə biah mə, bə ye duŋ ə yee bə́ fə̄ bə nnə li fiana ə kimbumə ki bəne bə bimbemi mə. Bibaŋ bi yuufi ə nchɔ bitɔh (13) nyìi lə kinleki lə fieŋ ffɨŋ fi kàh nnə́ ŋənhliŋ. Ə bwɔɔ nnu dɨŋ mə Pwɔɔ jə bwɔɔ nachɛ bə bəne lə Jisho Kleto fwoo ba ə kpe mə.
Bikuu bi bieŋ ə kiŋwaati kɨhŋ mə
1:1-9 Kinchɔɔ
1:10–4:21 Kiŋga ə kimbumə ki bəne bə kimbemi mə
5:1–7:40 Ki fwɔ wi kiwaali maa fwɔ wi bə kpɛ bəə nyimi
8:1–11:1 Ki ndi biləə bbɨŋ bə tofa becheh mu
11:2–14:40 Ye duŋ ə kimbumə ki bəne bə kimbemi yee bə́ nɨ̄ŋ bə nnə li fiana bə ye duŋ ə yee bə́ chēe Chu ə jé yinwaa mə
15:1-58 Ye bəne bə kimbemi yá fu ə kpe mə ye Jisho mà fu lə
16:1-4 Nnə llɨŋ bə́ mà nə bənchɨnə bəne bə Kleto bə Judia mu
16:5-24 Ŋkaachi nnu Pwɔɔ mà kaachi bə ki həŋgbɔŋ ki bieŋ