Hlɨŋ Nuaa ki Jisho nni
Lukaa
mà bieŋ
Fieŋ ffɨŋ fi dùŋ ə Kiŋwaati ki Lukaa kɨhŋ mə
Kiŋwaati ki Lukaa kɨhŋ yɔɔ lə Jisho dùŋ Nchuu Fwoo nnu Chu mà kaachi bəne Bəishlael mu, baa duŋ dəŋ Nchuu Fwoo ə kaani bəne bənhliŋ mə. Ki yɔ̀ɔ bieŋ bidi ki Jisho bbɨŋ bi dùŋ kwaa ə kiŋwaati kɨhŋ mə. Ki yɔ̀ɔ ye bə́ mà bwee Jisho bənchinda bə Chu yee bə́ shēeni, bənfwoŋ shɔ́ŋ gəŋ bəŋkiɛɛ ŋiaŋ yo (2:8-20), ki baa ki yɔ̀ɔ dəŋ ye ŋiaŋ nu Jisho mà gəŋ she ə chəŋ ntofi mə ə Jelushalɛŋ (2:41-50), yɔɔ ŋgaŋga nni Jisho mà gba ki mbɛɛ nwaa nnu Shamalia (10:25-37), bə nni ŋiaŋ nnu i mà la (15:11-32). Kiŋwaati kɨhŋ yɔ̀ɔ gbaaŋ ki Chu cheenə (3:21; 5:16; 6:12; 11:1; 22:32; 23:34, 46) ki yɔ̀ɔ dəŋ ki Fiana Wɛɛŋ (4:1, 14; 10:21; 24:49), maa ki bəkwɛɛ (Lukaa 7:11-12, 36-50; 8:2-3; 10:38-42; 13:10-17; 23:27). Kiŋwaati ki Lukaa kɨhŋ yɔ̀ɔ ye Chu laamə nə yíwaha yí bəne, fiee fieŋ ffɨŋ Jisho mà bwo fie yaŋ kwe yu fi (19:10).
Bikuu bi bieŋ ə kiŋwaati kɨhŋ mə
1:1-4 Kinchɔɔ
1:5–2:52 Ye bə́ mà bwee Jɔɔŋ N'yiinjɔ bə ye bə́ mà bwee Jisho bə ye bə́ màa bə́ kō
3:1-20 Nimi li Jɔɔŋ N'yiinjɔ
3:21–4:13 Ye bə́ mà yii Jisho ə njɔ bə ye Hlaata mà mɔŋ wu
4:14–9:50 Ki nimi li Jisho ə Galilii
9:51–19:27 Ye Jisho mà no ə Galilii yee i gə̄ŋ ə Jelushalɛŋ
19:28–23:56 Ki kibumwe ki Jisho ki həŋgbɔŋ ə Jelushalɛŋ
24:1-53 Ye Jisho mà fu ə kpe mə, fu bwo ə bəne dí, gəŋ biŋ buh