Jɔɔŋ i

Hlɨŋ Nuaa ki Jisho nni

Jɔɔŋ

mà bieŋ

Fieŋ ffɨŋ fi dùŋ ə Kiŋwaati ki Jɔɔŋ kɨhŋ mə

Hlɨŋ nwaa ni, nni Jɔɔŋ mà bieŋ ni nyìi lə Jisho duŋ Die Chu nni i mà duŋ həmbumbwaa kə kaa, ə duŋ yi nni i mà chu ə mbɛɛ mə. Kiŋwaati kie kibɛɛ yɔɔ lə hlɨŋ nwaa ni duŋ nni bə́ mà bieŋ yi fo bəne bbəŋ bə́ chèe bə́ bèmi lə Jisho duŋ Nchuu Fwoo nnu Chu mà kaachi, i duŋ Ŋwa Nchu, ə bə́ yii tɔ́ŋ ə wu mə, ə bə́ yá kənə kinduŋh ki kə kaa (Jɔɔŋ 20:31).

Fieŋ ffɨŋ Jɔɔŋ bieŋ ə kiŋwaati kɨhŋ mə i baa i chū bəŋ duŋ nnə llɨŋ li dùŋ kinduŋh ki kə kaa llɨŋ li duŋ yu Kleto. Nnə lɨhŋ duŋ kinhləmə kkɨŋ ki chɔɔla fidiɛɛ, li duŋ bə bəne bbəŋ bə́ bèmi lə Jisho duŋ je, ə duŋ wu kichɛɛŋ, bə kinduŋh. Die Chu nni Jɔɔŋ yɔ̄ɔ ni ki yi, ə yi nni i nyìi tɔŋ linwaa li Chu llɨŋ i kə̀nə bə be. Li nyìi dəŋ be kichɛɛŋ kkɨŋ ki fù ə Chu mə (1:14).

Je ji nni Jɔɔŋ bieŋ kiŋwaati kɨhŋ nini, nni i duŋ ba chili. Duŋ nni i nyìi ye Jisho mà jə bieŋ bbɨŋ bəne kə̀lə ə kinduŋh kɨhŋ mə, bəŋkeeh ye bieŋ bi fiana dùŋ.

Bikuu bi bieŋ ə Kiŋwaati kɨhŋ mə

1:1-18 Kichɔɔ ki Die nni i mà chu Mbɛɛ ŋkee

1:19-51 Ki Jɔɔŋ N'yiinjɔ maa bəne bə kimɔ ki Jisho bə fwii

2:1–12:50 Ye Jisho màa i jāa i fə̀ nimi liih

13:1–19:42 Ki joo ŋə Jisho ŋə həŋgbɔŋ ə Jelushalɛŋ bə bidɔhɔ bbɨŋ bi dùŋ baha həmə

20:1-31 Ye Baba Jisho mà fu ə kpe mə, nyii gbo wiih bə bəne biih

21:1-25 Kihəŋgbɔŋ: Jisho nyii gbo wiih bə bəne biih bə kintu ə Galilii