Hlɨŋ Nuaa ki Jisho nni
Maak
mà bieŋ
Fieŋ ffɨŋ fi dùŋ ə Kiŋwaati ki Maak kɨhŋ mə
Maak màa i nɨ̄ŋ bəə Pita, Pwɔɔ maa bə Banaba bənhliŋ. Fi nyìi lə bieŋ bbɨŋ i mà kələ bie ki Jisho, i mà wo bə Pita. Hlɨŋ nwaa nni Maak mà bieŋ ni nyìi lə Jisho dùŋ mbɛɛ nnu i màa i nɨ̄ŋ nimi li Chu baa kənə dəŋ muŋgeni bən'yɔɔ fieŋ yee fi dūŋ ye i yɔ̀ɔ lə. I mà nyii muŋgeni mu keehnə kiih bənfwoo bənchinda bə hlaata, maa bənlaamə nə yíwaha yí bəne. Jisho màa i chēe gbo wiih lə i dùŋ Ŋwa Mbɛɛ, nnu i bwoo bənnə gbo wiih bən'yah bəne ə ŋgə mə (10:45). Yii lɨhŋ lə Ŋwa Mbɛɛ duŋ ə kiŋwaati ki Dania mə 7:3-14.
Maak nunu bieŋna gbaaŋ ə duŋ ki bieŋ bbɨŋ Jisho màa i fə̄, kah bbɨŋ i màa i yɔ̄ɔ. Ŋəŋ je ni bə́ mà gahi ye kiŋwaati kɨhŋ ə yi mə.
Bikuu bi bieŋ ə Kiŋwaati kɨhŋ mə
1:1-13 Kinchɔɔ ki hlɨŋ nwaa Jisho
1:14–9:50 Nimi li Jisho ə wɛ́ɛ ŋə Galilii mə
10:1-52 Jisho no Galilii gəŋ ə Jelushalɛŋ
11:1–15:47 Kibumwe ki Jisho ki həŋgbɔŋ ə Jelushalɛŋ bə baha həmə
16:1-8 Nfu Jisho ə kpe mə
16:9-20 Ye Jisho ma nyii gbo wiih bə ye i mà fu ə kpe mə maa bə ye i mà biŋ buh