Matio i

Hlɨŋ Nuaa ki Jisho nni

Matio

mà bieŋ

Fieŋ ffɨŋ fi dūŋ ə Kiŋwaati ki Matio kɨhŋ mə

Hlɨŋ nwaa nni i duŋ ə Kiŋwaati ki Matio kɨhŋ mə, i yɔ̀ɔ lə Jisho dùŋ Nchuu Fwoo nnu Chu mà kaachi yo. Hlɨŋ nwaa ni duŋ yu bəne bənhliŋ ə mbiŋ nu mə. Kiŋwaati kɨhŋ nyìi lə Jisho duŋ Mbɛɛ Keehnə kiyəyəŋ nnu i kə̀lə bəndontə fieŋ ffɨŋ bəŋkɨnə bə Chu yɔ̀ɔ. Keehnə ki Jisho kinhliŋ ə Kiŋwaati kɨhŋ mə duŋ bə́ mà buhaŋ bikuu bitiŋ. (1) Ye Jisho mà biŋ shii ə kɔnɔ go yee i kēeh ki bəne bbəŋ muŋkɨŋ mu buh dùŋ mubə. (2) Ye Jisho mà nə keehnə bə bəne biih bə kintu bə yuufi ə nchɔ bəfwe ki nimi llɨŋ i mà faŋ bə́ yu li. (3) Ŋgáŋga yyɨŋ Jisho màa i gbā ki muŋkɨŋ mu buh. (4) Keehnə ki fieŋ ffɨŋ fi dùŋ fi mbɛɛ kintu Jisho. (5) Keehnə ki ye mbiŋ nu yá kah lə bə ye muŋkɨŋ mu Chu yá bwo.

Bikuu bi bieŋ ə Kiŋwaati kɨhŋ mə

1:1–2:23 Kichəŋ ki bə Jisho Kleto bə ye bə́ mà bwee wu

3:1-12 Nimi li Jɔɔŋ N'yiinjɔ

3:13–4:11 Ye bə́ mà yii Jisho ə njɔ bə ye Hlaata mà mɔŋ wu

4:12–18:35 Nimi llɨŋ Jisho màa i jāa i nɨ̀ŋ ə Galilii

19:1–20:34 Jisho no ə Galilii, gəŋ ə Jelushalɛŋ

21:1–27:66 Kibumwe ki Jisho ki həŋgbɔŋ ə Jelushalɛŋ bə bidɔhɔ bi həmə

28:1-20 Ye Baba Jisho mà fu ə kpe mə, nyii gbo wiih bə bəne biih