Kiŋwaati ki
Jɔnah
Fieŋ ffɨŋ fi dùŋ ə Kiŋwaati ki Jɔnah kɨhŋ mə
Kiŋwaati ki Jɔnah kɨŋ yaa duŋ ye biŋwaati bi bəne bə hlɨŋ Chu bidi, bbɨŋ bi nàchɛ gbaaŋ ki bieŋ bbɨŋ Chu yɔ̄ɔ bə bə́ lə bə́ yɔɔ bə bəne. Kiŋwaati kɨhŋ lə chah. Ki nachɛ ye ŋwuŋ hlɨŋ Chu mà kiɛɛ lə i nɨhŋ kə gəŋnə bə hlɨŋ Chu. Chu mà yɔɔla bə Jɔnah lə i gəŋ ə Ninibɛ lə ŋgə yu bwo ə bə́ bəŋ, Ninibɛ nnu mà duŋ kibalaki kiŋkwuntaŋ ə kitɨŋ ki Ashiliya mə, ə duŋ Ashiliya nnu duŋ kə diee njənə bə Ishla kə. Jɔnah hlə nakə leki bəŋgəŋ bə hlɨŋ Chu ye kə, yulahalə i mà kəla kpee lə Chu lə bemi bənləhə laa kibalaki kiŋkwuntaŋ kie kə, lə mə lə́ kwo ə duŋ hlɨŋ bə bə́. Chu hlə fə bəŋgə kiŋaaŋkə chili Jɔnah, i hlə bemi bəŋgəŋ bə hlɨŋ Chu ye i hlɨɨmə ə nhlɨɨmə mə. Jɔnah yee i ŋwūunə i fwoo lo bə Chu yulahalə bə wu, i ŋə̀ŋ lə Chu duŋ nə bəŋkwo hlɨŋ bə bəne bədi kahiŋ bə Ishla.
Kiŋwaati kɨhŋ nyii muŋgeni mmuŋ Chu kənə ə bieŋ bəŋ binhliŋ bbɨŋ i mà fə bi wō wu. Chu duŋ Chu nnu i lèki bəne gbaaŋ, i duŋ bə hlɨŋ yi kwonə. I bwo i laamə yíwaha yi bəne bbəŋ bə́ dè bə wu kahiŋ lə i ləhə laa bə́ bu laanə, maa ə duŋ dəŋ bə bəne bbəŋ bə́ dùŋ kə diee jənə bə bəne biih bə Ishla.
Bikwuu bi bieŋ ə Kiŋwaati kɨhŋ mə
Ye Chu mà dii Jɔnah i ta kwoo bə Chu 1:1-17
Kinchee Chu ki Jɔnah bə kinfu kwoo kiih 2:1-10
Hlɨŋ Jɔnah waha bə Bəninibe 3:1-10
Kiŋkwo hlɨŋ ki Chu bə bə Ninibɛ 4:1-11