A yaa búĺ kubuŋuee, a dāa cēē kubuŋkpaaŋŋu ní
8
1 Búḿmaan ŋyin kí kpāafì binib!Kii ukaabu nín tòó puee,
míǹ ní mbusu làá jēetí ti-Dindaan tiŋki pu.
Di sá yii Isirayeel beel yab kaa tɔ́ m-poondi
ní kaa yúl̀ deedee m-marab poon.
2 Bi kūuntí fám ki lì yii:
<Ti-Nimbɔtiu, timbi Isirayeel yab, ti nyí-si!>
3 Isirayeel beel yab dū tin ŋān̄ee ki fá.
An pu ní unannanli bíi jì-bi.
4 Bi kāaǹ bi-bɔtiibi kaa bālifì m-pu.
Bi lēē bi-kpilib kaa tùkū-mi.
Bi dū bi-nimbiliŋ nì bi-sindaariyab
ki mɔ́ɔ́ awaa ŋin làá nàan̄-bee.
5 Samaarii yab,
maa là m-nimbil ń ká ni-nabila.
Ni yāntì m gíí ni-pu diŋuul.
Kí cáá sāā ŋyunti ŋulɔŋu ní
m làá ká yii naa ti bí ikpitin?
6 Ni-nabil gbantee nyánní Isirayeel beelin ní.
Unil di máń-dì,
dàa sá Unimbɔti.
Tiŋman, Samaarii nabil gbanti
làá nà ní dúsi dusi.
7 Kii ni nín búĺ kubuŋuee,
kubuŋkpaaŋŋu ní ni làá cā.
<Didikakal yaa kaa cáá ŋfinee,
ŋyim mun kpá dee.>
Báà di yaa lòon̄aaa,
binicambi di dāa yì kí jī.
8 «Bi dū Isirayeel beel ki náĺ.
Dì kíǹ ki bí atimbun kansikin
kii kuyukpuŋuee ní.
9 Di sá yii bi yíkìi cūtì Asuur tiŋkin,
bi bí kii kumooun maŋki kin tú ki yìiǹ ki-babee ní.
Eefiraayiim yab dá bibɔntiibi.
10 Báà bi yaa yākatì tiwan ki pú
atimbun ŋin kíǹee,
ŋyunti bāań ḿ kóoǹ-bi kí kpāfì.
Án kaa làá ti sūŋkì bi làá jī falaa
abɔtibil bɔtiu ŋaan.
11 Eefiraayiim yab máń isaraafan tikpil
kí nīn ŋáań ikpiti pɔ̄tam saraabi.
- Ama isaraafan gbanti di yàntī
bi mɔ̀tīi ŋáań ikpiti. -
12 Báà m yaa ŋmàn̄ m-marab nee
bɔkpaaŋi ŋfunyɔm kutuku pu,
án làá nīn bí-bi kii tibɔcan tibee ní.
13 Bi ŋáań saraabi ki tìì-mi,
kun puee tinan ní bi nyàab̀ kí ŋmɔ́.
Ama man bi-Dindaan,
maa làá fōō saraabi gbanti.
Too m làá téetí bi-yìntitam pu,
m làá dáaĺ bi-tafal bi-kpitii pu.
Bi làá fàtīí gítí Eejipiti tiŋkin.
14 «Isirayeel beel yab máń adinyaan
ní ki súntì bi-náanliu pu.
Juuda beel yabee, bíǹ máń
agun ní ki tú bi-timmu.
Ama m làá yàntī ŋŋmi
ń wà bi-timmu gbanti,
ní kí wà bi-dinyaaŋŋi mun.»