Dimɔɔkil daaku
3
1 Ní ti-Dindaan tùkū-mi yii: «Nín̄ gbíntìi néeń unimpu un nyáń a-boon ki cáá bɔɔnee. Nín̄ néeń-u kii man ni-Dindaan nín néeń Isirayeel yab puee, nì min kɔkɔ bi dū bi-ba ki tīī awaa ki néeń fiinyi biliŋ kalaabeea.» 2 Niinee ní m pàn̄ tikúti nimbiliŋ jitɔmbi saalku nì ɔɔji liitirib alaataa aluu ki fātìi fōō m-nimpuu. 3 Ní m tùkū-u yii: «Á kàl̄ m-cee doo kí yúntí, kí taa ti ŋá tilaakpaal, ní kaa nín dōoǹ nì uninja ubɔ. Ma mun làá ŋá míǹ mbaantiim kí tīī-si.»4 Di sá yii Isirayeel yab làá dāá kàl̄ kí yúntí, kaa cáá ubɔtaaa, kaa cáá ukpootilaaa, kaa ti ŋáań saraayaaa, kaa ti cáá ditaŋkpacooŋkaal àá tiwambalifikaal tin bi cáa bàlifī kí béé Unimbɔti lammee mun.
5 Míǹ boonee, Isirayeel yab làá dāá fàtīí gítiń. Bi làá dāá nyàab̀ ti-Dindaan bi-Nimbɔtiu nì Daafiidi naantiiu un sá bi-bɔtiuee. Bi làá dāá fàtīí gítiń nì kufaaŋŋu ti-Dindaan cee kí nyàab̀ u-ŋanti.