Krooniiki
gbɔnliliitiiku
Tibɔkilkaal
(Kpèè Krooniiki gbɔmpeepeekaaku bɔkilkaati)
Krooniiki gbɔnliliitiiku yākatì ajancuku ali ní: Daafiidi jipɔɔn Saloomɔn nín jíń dibeel puee (Ayil 1–9), nì u-naantiibi nín jíń Juuda tiŋki pu dibeel pu ki cáa sāā ŋyunti ŋun ní Neebukadineesaar dɔ́miń ki jáń ki fōō Jeerusaleem ki cúú ki-nib ki cūnnì Babiloon tiŋkin kuyuŋuee (Ayil 10–36).
Kugbɔŋu nee yakatikaabi bili bin lúŋkèe cáá mpèé nì Eesiraasi nì Neeyeemiya gbɔnti, ní ki tìì-ti kunyannyaau tí nìkī Isirayeel yab maam dikàandi. Di sá yii biyakatikaabi gbanti sòoǹ nì ti ubɔti Siirusi nín nìn nyántì mara un pú nsan Juuda yab fātìi gítì Jeerusaleem ki máń kunimbɔtidiiyee pu. Bi nín ŋmàn̄ mara gbanti nyɔɔbuŋŋi puee fātìi bí Eesiraasi gbɔŋku nín kífí puee ní deedee.