Krooniiki Gbɔmpeepeekaaku 6

Leefii naantiibi bin kíǹee

1 Leefii jipɔmbi^a di sá Geersɔm nì Keeyaati nì Meerarii. 2 Geersɔm jipɔmbi di sá Liibinii nì Simeeyii. 3 Keeyaati jipɔmbi di sá Amiiraam nì Isaar nì Eebrɔn nì Usiyeel. 4 Meerarii jipɔmbi di sá Maalii nì Musii. Leefii naakookun yab naanjab yiŋŋi dee, ki nóó nì bi nín pēē pēē mmaal puee.

5 Geersɔm niboolii di sá u-jipɔɔn Liibinii nì u-naantiibi Jaati nì Siimina, 6 nì Joowa nì Idoo nì Seera nì Jootiraayi.

7 Keeyaati niboolii di sá u-jipɔɔn Amiinadaab nì u-naantiibi Koora nì Asiir, 8 nì Eelkana nì Eebiyasaafi nì Asiir, 9 nì Taati nì Uriyeel nì Usiya nì Saawuul.

10 Eelkana jipɔmbi biba mun di sá Amasaayi nì Ayiimooti, 11 nì Eelkana. Eelkana naantiibi di sá Soofaayi nì Naati, 12 nì Eeliyaab nì Jeeroowaam nì Eelkana. 13 Samiyeel jipɔŋkpiliu di sá Jooweel, ní u-jipɔnliliitiu sá Abiiya. 14 Meerarii niboolii di sá u-jipɔɔn Maalii nì u-naantiibi Liibinii nì Simeeyii nì Usa, 15 nì Siima nì Agiiya nì Asaaya.

16 Daafiidi nìn lēē Leefii naantiibi biba bí nīn bí dilaŋgaal tundin ti-Dindaan Diikun, ŋyunti ŋun bi nìn cáań Dipoondi Dakaau ki kɔ́ǹ ki síiǹ niinee. 17 Kí wàatī Saloomɔn ń mā Unimbɔti diiku Jeerusaleem tiŋkinee, binib gbanti di nìn pée yūlifí circir kɔŋkooŋŋu nyɔkɔpu ki gà ilan, ki nóó nì marab bin bi nìn síiǹ-bee. 18 Binib bin bi nìn lēē bí nīn bí dilaŋgaal tundi gbantinee nì bi-jipɔmbi yiŋŋi sɔ̀.

Keeyaati maaliŋu poonee, ulaŋgaakpil di sá Jooweel jipɔɔn Eeman. U-naanjab di sá Samiyeel, 19 nì Eelkana nì Jeeroowaam nì Eeliyeel nì Toowa, 20 nì Suufi nì Eelkana nì Maati nì Amasaayi, 21 nì Eelkana nì Jooweel nì Asariya nì Seefaniya, 22 nì Taati nì Asiir nì Abiyasafi nì Koora, 23 nì Isaar nì Keeyaati nì Leefii nì Jaakɔb.

24 Eeman nabiki kin yūlifí u-ŋaŋgiil pú bi gà ilanee di sá Beereekiya jipɔɔn Asaafi. Úǹ naanjab di sá Simeeya, 25 nì Miikayeel nì Baseeya nì Maalkiya, 26 nì Eetinii nì Seera nì Adaaya, 27 nì Eetan nì Siima nì Simeeyii, 28 nì Yaati nì Geersɔm nì Leefii.

29 Bi-nabiyaamu Meerarii maaliŋun yab di yūlifí bi-ŋaŋgan pú ki gà ilan. Bi-laŋgaakpiliu di sá Kiisi jipɔɔn Eetan. Eetan naanjab di sá Abidii nì Maluuki, 30 nì Asabiya nì Amasiya nì Ilikiya, 31 nì Amisii nì Banii nì Seemeer, 32 nì Maalii nì Musii nì Meerarii nì Leefii.

33 Bi-nabiyaamu Leefii naakookun yab bin kíǹee di tūǹ atuun ŋin kɔkɔ sá bí tɔ̄ circir kɔŋkooŋŋun, Unimbɔti diikunee.

34 Aarɔn nì u-dicaŋkun yab tundi di nìn sá bí nīn ŋáań saraabi saraawɔkaa faŋŋu pu, ki tùutī talaalutuukaa talaalu saraafaŋŋu pu. Bíǹ di nìn kpèé tin kɔkɔ bi nìn dūu sú Unimbɔtee. Bi nìn tí ŋáań ikpiti pɔ̄tam koobiliŋ nín sá puee Isirayeel yab yil pu ki nóó nì Unimbɔti tɔntɔnliu Mooyiisi nín yóoǹ yii bí nīn ŋáań puee. 35 Aarɔn dicaŋkun yab di sá u-jipɔɔn Eeleeyasaar nì u-naantiibi Piinaasi nì Abiisuwa, 36 nì Bukii nì Usii nì Seeraya, 37 nì Meerayooti nì Amaariya nì Ayiituub, 38 nì Saadooki nì Ayiimaasi.

Ntimu mun bi nìn tīī Leefii yabee

39 Ntimu mun bi nìn tīī Aarɔn naantiibi bin sá Keeyaati maaliŋun bí nīn kóòyee sèé. Bi nín nìn tɔ́ kasi kí yàkatī ntimuee, Keeyaati maaliŋun yab gbanti yiŋŋi di nìn péé péé ki nyáń. 40 Bi nìn tīī-bi Juuda tiŋki Eebrɔn nì kupikpaapɔɔu kun nìn māntìi tú-kèe kɔkɔ. 41 Ama ní ki dū Eebrɔn sati nì ntimbilimu mun bí ki-taapuee ki tīī Jeefunee jipɔɔn Kaleeb. 42 Ntimu mun bi nìn tīī Aarɔn naantiibi án nīn sá-bi ntimu mun unil yaa kaa nyí ki kūū u-juti ú sāǹ kí kɔ́ee^b di sá Eebrɔn tiŋki nì Liibina tiŋki nì ki-sati, nì Jatiir tiŋki, nì Eesiteemoowa tiŋki nì ki-sati, 43 nì Ileesi tiŋki nì ki-sati, nì Deebiir tiŋki nì ki-sati, 44 nì Asaan tiŋki nì ki-sati, nì Beeti-Seemeesi tiŋki nì ki-sati. 45 Bi nìn lēē Beenjameen naakookun yab tinjandi pu ntimu ki kútì-bi. Ntimu gbanti di sá Geeba tiŋki nì ki-sati, nì Aleemeeti tiŋki nì ki-sati, nì Anatooti tiŋki nì ki-sati. Bi nín pēē pēē mmaal puee, ntimu mun bi nìn tīī-bee nìn nyáń saalaa nì muta ní.

46 Bi nìn gíti tɔ́ kasi ní Keeyaati maaliŋun yab bin kíǹee fōō ntimu saalaa Eefiraayiim nì Daani naakɔti nì Manasee naakooku dijandi din bí ŋwìiń jeetilaŋki púee yab timmu poon. 47 Bi nìn lēē Isakaar nì Aseer nì Neefitalii naakɔtin nì Manasee naakookun yab dijandi din nìn kóò Baasan tiŋkinee poon ntimu saalaa nì muta ki tīī Geersɔm naantiibi. 48 Bi gíti tɔ́ kasi ní ki lēē Rubeen nì Gaadi nì Sabulɔn naakɔti yab tinjaŋŋi poon ntimu saalaa nì muli ki tīī Meerarii naantiibi. 49 Isirayeel yab nìn dū ntimu gbanti ki kpáaǹ mu-sati kɔkɔ ki tīī Leefii yab. 50 Bi nìn tɔ́ kasi ní ki lēē Juuda nì Simeeyɔn nì Beenjameen naakɔtin yab timmu mun bɔti ti sòon̄ee ki tīī Leefii yab.

51 Eefiraayiim naakookun yab tinjandi poon ní bi nìn lēē ntimu ki tīī Keeyaati maaliŋun yab bin kíǹee. 52 Ntimu mun poon unil yaa kaa nyí ní kūū u-juti u ŋūǹ kí sāǹ kí kɔ́ee, mun bi nìn tīī-bee di sá Siikeem tiŋki kin bí Eefiraayiim jool puee nì ki-sati, nì Geeseer tiŋki nì ki-sati, 53 nì Yɔkineeyam tiŋki nì ki-sati, nì Beeti-Oorɔn tiŋki nì ki-sati, 54 nì Ayalɔn tiŋki nì ki-sati, nì Gaati-Riimɔn tiŋki nì ki-sati. 55 Manasee naakooku dijandi din bí ŋwìiń jeetilaŋki púee tinjandi poonee, bi nìn tīī-bi Aneer tiŋki nì ki-sati, nì Biileeyam tiŋki nì ki-sati.

56 Manasee naakooku dijandi din bí Jɔɔdan buŋŋu ŋwìiń nyalaŋki púee tinjandi poonee, bi nìn tīī Geersɔm maaliŋun yab Goolan tiŋki kin bí Baasan tiŋkinee nì ki-sati, nì Asitarooti tiŋki nì ki-sati. 57 Isakaar naakookun yab tinjandi poonee, bi nìn tīī-bi Keedeesi tiŋki nì ki-sati, nì Dabeerati tiŋki nì ki-sati, 58 nì Ramooti tiŋki nì ki-sati, nì Aneem tiŋki nì ki-sati. 59 Aseer naakookun yab tinjandi poonee, bi nìn tīī-bi Masaal tiŋki nì ki-sati, nì Abidɔn tiŋki nì ki-sati, 60 nì Ukooki tiŋki nì ki-sati, nì Reewoob tiŋki nì ki-sati. 61 Neefitalii naakookun yab tinjandi poonee, bi tīī-bi Keedeesi tiŋki kin bí Galiilee tiŋkinee nì ki-sati, nì Amɔn tiŋki nì ki-sati, nì Kiiriyatayiim tiŋki nì ki-sati.

62 Sabulɔn naakookun yab tinjandi poonee, bi nìn tīī Meerarii maaliŋun yab bin kíǹee Riimoonoo tiŋki nì ki-sati, nì Tabɔɔr tiŋki nì ki-sati. 63 Jɔɔdan buŋŋu ŋwìiń nyalaŋki pú, Jeeriikoo tiŋki caŋinee, bi nìn tīī-bi Rubeen naakooku yab tinjandi poon Beeseer tiŋki kin bí kuteeunee nì ki-sati, nì Yaasa tiŋki nì ki-sati, 64 nì Keedeemooti tiŋki nì ki-sati, nì Meefaati tiŋki nì ki-sati. 65 Gaadi naakookun yab tinjandi poonee, bi nìn tīī-bi Ramooti tiŋki kin bí Galaadi tiŋkinee nì ki-sati, nì Maanayiim tiŋki nì ki-sati, 66 nì Eesbɔn tiŋki nì ki-sati, nì Jaseer tiŋki nì ki-sati.