Krooniiki Gbɔmpeepeekaaku 7

Isakaar naakookun yab

1 Isakaar nìn cáá jipɔmbi binaa ní. Bíǹ di sá Toola nì Puuwa nì Jasuub nì Simroon. 2 Toola jipɔmbi di sá Usii nì Reefaya nì Jeeriyeel nì Yaamayi nì Yibisam nì Seemiyeel. Bíǹ di sá Toola maaliŋun dicaŋŋi kpilib, ní ki nìn sá bibaatandambi bi-dicaŋŋi poon. Ubɔti Daafiidi yuntiŋuee, Toola maaliŋun yab gbanti nìn sá binib kutukub mmuŋku nì bili nì binib alaataa aluu ní. 3 Usii jipɔɔn di sá Isiraya ní Isiraya jipɔmbi sá Miikayeel nì Oobadiya nì Jooweel nì Isiya. Bi-ŋmootil nìn sá adican kpilib ní. 4 Bi-dicaŋkun yab nìn cáá binimpoobi nì jipɔmbi tikpil. An puee, an nìn sá bí tīī binib kutukub mmuŋku nì saalaa nì biluu bin bàn̄ kí cù kujaauee.

5 Bi nín kàan̄ Isakaar naakookun yab bin sá bibaatandambee, bi nìn nyáń binib kutukub imuŋku inaa nì biluli ní.

Beenjameen nì Neefitalii naakɔtin yab

6 Beenjameen nìn cáá jipɔmbi bita ní. Bíǹ di sá Beela nì Beekeer nì Yeediyeel. 7 Beela naantiibi di sá Eesbɔn nì Usii nì Usiyeel nì Yeereemooti nì Irii. Bibaatandambi gbanti kɔkɔ nìn sá bi-dicaŋŋi kpilib ní. Bi nín kàan̄-bee, bi-kɔkɔ nìn nyáń binib kutukub mmuŋku nì bili nì binib mmuŋku nì saalaa nì binaa ní. 8 Beekeer naantiibi di sá Seemiira nì Joowaasi nì Eeliyeeseer nì Eeliyooweenayi nì Oomirii nì Jeereemooti nì Abiiya nì Anatooti nì Aleemeeti. Beekeer dicaŋkun yab di sá bíǹ gbanti kɔkɔ. 9 Bi sá bibaatandambi ní ki sá bi-dicaŋŋi kpilib mun. Bi nín kàan̄ bi-nibee, bi nìn nyáń binib kutukub mmuŋku nì binib alaataa ali ní. 10 Yeediyeel jipɔɔn di sá Biilan ní Biilan jipɔmbi sá Jeewusi nì Beenjameen nì Eewuudi nì Keenaana nì Seetan nì Taarsiisi nì Ayiisakaar. 11 Yeediyeel maaliŋun yab gbanti kɔkɔ sá bibaatandambi ní ki sá bi-dicaŋŋi kpilib mun. Bi-dicaŋŋi nib bin nìn bàn̄ kí cù kujaauee nìn sá binib kutukub saalku nì bili nì binib alaataa ali ní.

12 Iir jipɔmbi di sá Supiim nì Upiim, ní Ayeer jipɔɔn sá Usiim.

13 Neefitalii jipɔmbi di sá Yaasiyeel nì Gunii nì Saluum. Bi-na di sá Biila^a.

Manasee naantiibi bin bí Jɔɔdan buŋŋu ŋwìiń jeetilaŋki púee

14 Manasee jipɔmbi di sá Asiriyeel nì Makiir bin u-nimpuwaaki kin sá Aram tiŋkinee nìn màl̄-uee. Makiir di màl̄ Galaadi. 15 Makiir nìn cáá unimpu ki tīī Upiim nì Supiim. Makiir nìn cáá niisal ubɔ bi yíì-u Maaka. U nìn gíti cáá jipɔnliliiti bi yíì-u Seeloofaadi, ama úǹ nìn pée màl̄ mbinimpubiyaamu ŋma ní. 16 Makiir nimpuu Maaka nìn màl̄ kibininjabiki ní ki pú-kì diyindi yii Peereesi. U nìn gíti màl̄ kibininjabiki ní ki pú kíǹ diyindi yii Seereesi. Seereesi di màl̄ Ulam nì Reekeem, 17 ní Ulam màl̄ Beedan.

Makiir jipɔɔn Manasee naantiiu Galaadi maaliŋun yab dee.

18 Galaadi niisal Amɔleekeeti di màl̄ Isoodi nì Abiyeeseer nì Maala. 19 Seemiida^b jipɔmbi di sá Ayan nì Seekeem nì Liikii nì Aniiyam.

Eefiraayiim naakookun yab

20 Eefiraayiim naakookun yab di sá u-jipɔɔn Suteela nì u-naantiibi Beereedi nì Taati nì Eelaada nì Taati, 21 nì Sabaadi nì Suteela nì Eeseer nì Eelaadi. Eefiraayiim jipɔmbi Eeseer nì Eelaadi nìn cūtì kí gbìntī Gaati yab waŋkuti ní bíǹ kūuń-bi. 22 Bi-baa Eefiraayiim súń bi-kpool ki yúntì tikpil, ní u-nabiyaamu dɔ́miń ki sɔ̄ŋkì u-pɔbil. 23 Boonee ní Eefiraayiim nì u-nimpuu fātìi kpáfì ní u-nimpuu màl̄ kibininjabiki ní u pú-kì diyindi yii Beeriya, di sá yii «nnaabu nìn jéetì u-dicaŋku pu.» 24 U-bisal Seera di náań Beeti-Oorɔn yilpu tiŋki nì taapu tiŋki, ní ki náań Useen-Seera tiŋki mun. 25 U-naantiibi di gíti sá Reefa nì Reeseefi nì Teela nì Tayan, 26 nì Laadan nì Amiiwuudi nì Eeliisama, 27 nì Nuuni nì Joosuwa.

28 Ditinjandi din Eefiraayiim yab fōō kí nīn kóòyee di sá Beeteel tiŋki nì ntimbilimu mun māntìi tú-kèe, nì Naaran tiŋki kin bí ŋwìiń nyalaŋki púee, nì Geeseer tiŋki kin bí ŋwìiń jeetilaŋki púee nì ntimbilimu mun māntìi tú-kèe, nì Siikeem nì Aya timmu nì ntimbilimu mun māntìi tú-muee.

29 Manasee naakookun yab di yì Beeti-Seeyan nì Taanaki nì Meegiidoo nì Dɔɔr timmu, ki yì ki kpáaǹ ntimbilimu mun māntìi tú-muee kɔkɔ.

Ntimu gbanti ní Jaakɔb jipɔɔn Jooseefi naantiibi nìn kóò.

Aseer naakookun yab

30 Aseer jipɔmbi di sá Imina nì Isifa nì Isifii Beeriya, bi-niisal di sá Seera. 31 Beeriya jipɔmbi di sá Eebeer nì Malkiyeel. Malkiyeel di sá Biirisayiiti baa. 32 Eebeer di màl̄ Jafileeti nì Soomeer nì Ootam nì bi-niisal Suuwa. 33 Jafileeti jipɔmbi di sá Pasaki nì Biimaal nì Asifaati. 34 Seemeer jipɔmbi di sá Ayii nì Rooga nì Uba nì Aram. 35 U-nabiki Eeleem jipɔmbi di sá Soofa nì Irima nì Seeleesii nì Amaal. 36 Soofa jipɔmbi di sá Suuwa nì Arineefeer nì Suwaal nì Beerii nì Imira, 37 nì Beeseer nì Oodi nì Sama nì Siileesa nì Itiran nì Beera. 38 Jeeteer jipɔmbi di sá Jeefunee nì Piispa nì Eera.

39 Ula jipɔmbi di sá Ara nì Aniiyeel nì Riisiya.

40 Aseer naantiibi di sá binib nee kɔkɔ. Bi nìn sá adican kpilib nì bibaatandambi bin nyáń diyindee. Bi nín kàan̄ bi-nib kɔkɔee, bin nìn bàn̄ kí cù kujaauee nìn sá binib kutukub mmuŋku nì biluu ní.