10
1 Manga ngod, a minamawut ko saigo sagkud ipinapangadyi sa Diyos, amo a makaligtas a pareyo kong manga Judio. 2 Ta testigo ako na maigut sirang nag-iingoa na magsirbi sa Diyos. Sala sana kaya a nagin baseyan nira. 3 Ta diri nira binisto a katanosan na galin sa Diyos, sagkud nag-iingoa sira na magin matanos sa sadiri nirang paagi, imbes na magpasakup sa katanosan na galin sa Diyos. 4 Tinapos na ni Cristo a Layi, tanganing a ngamin na nagtotobod kanya magin matanos sa Diyos.
A Kaligtasan para sa Ngamin
5 Arug kadi so sinorat ni Moises manungud sa pagigin matanos oyon sa Layi, ?A nagkokoyog sa Layi, maboboway oyon sadi.a? 6 Alagad arug man kadi a sinasabi manungud sa pagigin matanos sa paagi ka pagtobod, ?Diri mo pagsabiyun sa sadiri mo, ?Siisay a migtaas sadto langit?? ? (Buut sabiyun, tanganing pababaun si Cristo). 7 ?Diri mo man pagsabiyun, ?Siisay a migbaba sa hadesb?? ? (Buut sabiyun, gostong pabangonon si Cristo galin sa manga guraan).c 8 Ta arug kadi a sinasabi, ?A oosipun ka Diyos arani kanimo, isan ngabil mo sagkud isan poso mo.? (A buut sabiyun kadi a manga oosipun na itinottoro namu manungud sa pagtobod). 9 Kin ipinapaayag mo na si Jesus a Kagorangnan sagkud nagtotobod ika sa bilog mong poso na binoway iya otro ka Diyos, maliligtas ika. 10 Ta ibinibilang ka Diyos na matanos a tawong nagtotobod kanya na tuduk sa buut. Sagkud kin ipaaayag niya na iya nagtotobod, makaliligtas iya. 11 Sinabi ngani sa Kasoratan, ?Uda siisay man na nagtotobod kanya a mapasusupug.d? 12 Kaya uda pagkakaiba a kamutangan ka Judio sagkud ka bukung Judio. Uusad a Kagorangnan ka ngamin sagkud ambonda iyang nagtatao ka biyaya sa ngamin na nakikimaerak kanya, 13 ta sinabi sa Kasoratan, ?Makaliligtas a ngamin na nakikimaerak sa Kagorangnan.e?
14 Paono man sira makikimaerak kanya kin diri sira nagtotobod? Paono sira migtobod kin uda pa sira narungug manungud kanya? Paono man sira makarurungug kin uda migtottoro kanda? 15 Sagkud paonong makapagtottoro a siisay man kin diri iya isinobol? Arug ka nasosorat, ?Nag-ogma ng pagsilngan a pag-abot ka manga nagdadara ka Maraay na Bareta.f?
16 Alagad bukung ngamin nag-ako ka Maraay na Bareta, arug ko sinorat ni Isaias, ?Kagorangnan, gatikot sana a nagtobod ko itinottoro namu.g? 17 Kaya a pagtobod bonga ka pag-iirungug, sagkud a pag-iirungug man, bonga ka pangangadal manungud ki Cristo. 18 Alagad a onga ko arug kadi: diri raw sira nakarungug? Sigoradong amo, ta nasosorat,
?Narungug so kandang boses sa interong logar,
sagkud a kandang sinasabi, nakaabot sa interong nasyon ka kinaban.h?
19 Mig-onga ako otro: diri raw nakaintindi a nasyon na Israel? Kadto pa man sinabi na ni Moises,
?Paiibugun ko kamo sa manga bukung Israelita.
Pauungtun ko kamo holi ta ipababayad ko a kanakung pagkaerak sa manga tawong diri nakabibisto kanaku.i?
20 Makusug man sa buut na sinabi ni Isaias,
?Natorakan ako ko manga diri nag-aanap kanaku.
Nagpabayad ako sadto manga diri nag-aanap kin sari ako.j?
21 Alagad manungud man sa manga Israelita sinnabi iya,
?Paorootro akong nag-ulat kanda sa uban na panawon,
alagad manga kusung sira sagkud rebelde!k?