2
A Kinasalan sa Cana
1 Pagkaagi sa darwang alduw, agko kinasalan sa banwaan ka Cana sa Galilea. Sadto man so ina ni Jesus. 2 Inimbitaran man sira si Jesus sagkud so manga disipolo niya. 3 Ko maobos na so alak sadto andaan, sinnabi si Maria ki Jesus, ?Naobosan na sira sa alak.? 4 Sinnimbag si Jesus, ?Inaya diri tabi ninyo ako pagpangonaan, ta diri pa innaabot a panawon ko. 5 Sinabi ni Maria sadto manga mamandaan. Gibowon ninyo a onoman na imanda niya kaninyo.?
6 Agko sadto unum na tapayan, a kada usad nalulugan sa bente anggan trentang galon sa tobig. A manga adi nakatagama sa pag-oogas oyon sa patakaran na panrelihiyon ka manga Judio. 7 Sinabi ni Jesus sa manga mamandaan, ?Ponoon ninyo sa tobig a manga tapayan.? Sagkud pinono man nira sa tobig so manga tapayan. 8 Pangala, sinabi ni Jesus kanda, ?Somaldok kamo sa gatikot na tobig sagkud darawun sadto namamaala ka andaan.? Kaya dinaraan man nira so namamaala ko andaan, 9 sagkud ninamitan kadi so tobig na nagin alak. Diri niya isi kin sari naggalin so alak, alagad isi ko manga mamandaan na nagsagub ko tobig. Kaya ipinabaoy niya so lalaking ikinasal 10 sagkud sinabiyan, ?A masiram na alak a onang ilinolowas, sagkud kin dakul na a nainom ka manga tawo, saka naman ilolowas a ordinaryong alak. Alagad iba ika, holi ta ngowan mo sana ilinowas a masiram na alak.?
11 A nangyaring adi sa Cana ka Galilea a onang milagro na ginibo ni Jesus. Sagkud sa ginibo niyang adi, ipinabayad niya a kapangyariyan niya, sagkud naniwala kanya so manga disipolo niya.
12 Pagkatapos kadi, nag-iyan si Jesus sa Capernaum, kaiba so kanyang ina, manga ngod sagkud manga disipolo. Nagtiner sira sadto sa pirang alduw.
Nag-iyan si Jesus sadto Templo
(Mt. 21:12-13; Mk. 11:15-17; Lk. 19:45-46)
13 Arani na kadto so piyesta ko manga Judio na binabaoy na Piyesta sa Paskowab, kaya nag-iyan si Jesus sa Jerusalem. 14 Nag-iyan iya sa templo sagkud nabayad niya sadto so manga nagtitinda sa manga baka, manga karnero sagkud manga kalapati. Nabayad man niya so manga nagbabalyo sa kwarta. 15 Ginnibo iya sa panlatigong lobid, sagkud pinalowas niya sadto templo so ngamin na baka sagkud manga karnero. Iwinarak niya so manga kwarta ko manga nagbabalyo sagkud binalintong so manga lamesa nira. 16 Sinabi ni Jesus sadto manga nagtitinda ko manga kalapati, ?Alinun ninyo a manga an sadi! Diri ninyo paggibowon na sasaran a baluy ka kanakung Ama!? 17 Narumruman ko manga disipolo niya so sinasabi sa Kasoratan,c ?A pagmakulug ko sa baluy mo, O Diyos, nagluludab arug sa kalayo.?
18 Holi sa ginibo niyang adi, inonga iya ko manga namomoon ko manga Judio, ?Onong milagro a maipababayad mo kanamu tanganing mapamatoranan mo na agko ika poder na gibowon adi?? 19 Sinimbag sira ni Jesus, ?Rugmaun ninyo a templong adi, sagkud ititindug ko adi otro sa luug sa tolong alduw.? 20 Sinabi man nira, ?Kwarenta e sais na taon na ginibo a templong adi, pangala ititindug mo sana sa tolong alduw? ? 21 Alagad a templong sinasabi ni Jesus amo a kanyang awak. 22 Kaya ko maboway iya otro, narumruman ko manga disipolo niya a sinabi niyang adi, sagkud naniwala sira sa Kasoratan sagkud sa manga sinabi ni Jesus.
Isi ni Jesus a Poso ka Tawo
23 Mantang si Jesus nasa Jerusalem, ko Piyesta sa Paskowa dakul so nagtobod kanya ko mabayad so manga milagrong ginibo niya. 24 Alagad diri nagtiwala si Jesus kanda, holi ta bistado niya sira ngamin. 25 Diri na niya kaipowan a siisay man na magsabi kanya manungud ka manga tawo, holi ta isi niya kin ono a nasa poso nira.