A Maraay na Barita Galin ki
Lucas
Kapinonan
A Ebanghelyo ni Lk. usad sa libro na isinorat niya ki Teofilo na buut sabiyun “tawong nabubuut sa Diyos.” Si Lk. usad na Hentil na taga Antiokia sa parte ka Siria. Iya sana a nagsorat sa Biblia na bukung Judio. Pinag-insperar iya ka Espirito Santo na soratan so manga nabubuut sa Diyos tanganing itottoro a Maraay na Bareta. Sa librong adi mababayad a pinaka-kompletong Ebanghelyo manungud ka boway ni Jesus, poon na iya ipangigin anggang sa pagpanik niya sa langit. Pagtao sa malinaw na katogonan na si Jesus napaiyan sadi tanganing magdara sa kaligtasan sa manga Judio sagkud sa manga bukung Judio man sagkud so manga milagro sagkud pagpaomay niya sa manga ka'ilangan.
Dakul pang istorya a mababayad sa Librong adi arug ka manga: Kanta ko anghel sagkud so pagbisita ko manga pastor ko ipangigin si Jesus, so istorya manungud ko igin pa si Jesus na linnuug sadto templo, sagkud so parabola ko Maraay na Samaritano sagkud so Naglagalag na Igin. Tinawan sa dakulung importansiya ka Ebanghelyong adi a pangadyi sa Espirito Santo, sagkud so ginibo ko manga babayi sa ministiryo ni Jesus sagkud so pagpapatawad sa kasalan.
Manga Nakasorat
Kapinonan 1:1-4
A pagkapangigin sagkud pagdakulu ni Juan Bautista sagkud ni Jesus 1:5-2:52
So ministeryo ni Juan Bautista 3:1-20
So pagbunyag sagkud pagtintar ki Jesus 3:21-4:13
So ministeryo ni Jesus sa Galilea 4:14-9:50
Poon sa Galilea sagkud so boway ni Jesus 9:51-19:27
So oring simana ko boway ni Jesus 19:28-23:56
So pagkaboway otro, manga pagpapabayad, sagkud pagpanik sa langit ko Kagorangnan 24:1-53