16
A Parabola manungud sa Tosong Katiwala
1 Sinabiyan man ni Jesus so manga disipolo niya, “Agko usad na mayaman na lalaki na agko katiwala, na inaakosaran na naglostay ko manga pagsorosadiri niya. 2 Kaya ipinabaoy niya so katiwala sagkud inonga, ‘Ono a narurungug ko manungud kanimo? Tawan mo ako ko ngamin na lista ko ginibo mo sa manga pagsorosadiri ko ta poon ngowan buku na ika a katiwala ko.’
3 Kaya so katiwala nagsabi sa sadiri niya, ‘Ono a gigibowon ko ngowan, a amo ko inaalin na ako sa trabawo? Diri ko man kayang mag-arado, sagkud nasusupug man akong makilimos. 4 Isi ko na kin ono gigibowon ko, tanganing kin alinun man ako sa trabawo, aakoon ako ka manga tawo sa baluy nira.’
5 Kaya binaoy niya usad usad so ngamin na agko otang sadto among niya. Inonga niya so ona, ‘Pira a otang mo sa among ko?’
6 ‘Walong gatos na galon na lana sa olibo,’ simbag niya.
Sinabiyan iya ko katiwala, ‘Koon mo so babayadan mo. Dali! Omula ika pangala gibowon mong upat na gatos.’
7 Pangala inonga man niya so pangarwa, ‘Ika, pira man a otang mo?’
‘Sangribong sakong arina,’ simbag niya.
Sinabiyan niya iya, ‘Koon mo so babayadan mo, sagkud gibowon mong walong gatos.’
8 Inomaw ko among niya so madayang katiwala sa kadonongan na ipinabayad niya, ta a tawo sadi kinaban mas madodonong pang gomibo sa paagi kisa manga tawong naliwanagan na manungud sa Diyos.
9 Sinasabi ko kaninyo: Gamitun ninyo sa pakikipag-amigo a kayamanan ninyo sadi raga. Ta maobos man an, agko migpadagos kaninyo sadto baluy na uda kasagkuran.
10 “A siisay man na napagkakatiwalaan sa gatikot na bagay napagkakatiwalaan man sa dakul, sagkud a siisay man na madaya sa gatikot na bagay madaya man sa dakul. 11 Kaya kin diri kamo mapagkakatiwalaan ka manga kayamanan sadi kinaban, siisay a migtiwala kaninyo ka tonay na kayamanan? 12 Sagkud kin diri kamo mapagkakatiwalaan ka sadiri sa iba, siisay migtao kaninyo ka manga bagay na para kaninyo?
13 Uda oripun na makapagseserbe sa darwang among. Ta kwasang mauungut iya sadto usad pangala mabubutan niya so usad, o kaya magigin maraay iya sadto usad pangala rarautun niya so usad. Diri kamo makapagserbeng sabay sa Diyos sagkud sa kayamanan.
14 Narunug adi ko manga Pariseong pakikwarta, kaya pinagtaw'an nira si Jesus. 15 Sinnabi pa iya kanda, ‘Kamo man sana a nagpapakatanos sa atobangan ka manga tawo, alagad isi ka Diyos a luug ka poso ninyo. Ta ono man na importante sa pagsilung ka tawo, nakapagpapaoyam sa atobangan ka Diyos.”
Manga Rogang na Katottoroan
16 “So manga Layi sagkud so sinorat ko manga propeta amo so sinosonod ko manga tawo anggan sa panawon ni Juan. Poon ko omabot si Juan, itinottoro na a Maraay na Bareta manungud sa pahahadi ka Diyos, sagkud so kada usad nagpipirit na makaluug sadi.
17 Mas madali pang mauda a langit sagkud a raga kisa pinakasaday na detalye ka Layi a maudaan sa bisa.
18 A siisay man na lalaking sinowayan a kanyang agom pangala nag-agom sa iba nananangbay, sagkud a siisay man na lalaki na mag-agom sa babaying sinowayan nananangbay man.”
So Lalaking Mayaman sagkud si Lazaro
19 “Agko usad na mayaman na lalaki na nakasopong sa mamalun na bado sagkud oroalduw namomoway sa kaginnawaan. 20 Sadto trangkaan niya agko usad na nakikilimos na nakabatang na a ngaran Lazaro, potos so awak niya sa maaprus, 21 sagkud nagmamawut na makakaun dawa ko manga naoolog na pagkaun sadto lamesa ko mayaman, pwera pa kan rinapo iya ko ayam sagkud pigparadilaan so maaprus niya. 22 Nag-abot so panawon na nagraan so nakikilimos sagkud dinara iya ko manga anghel sadto kaabay ni Abraham. So mayaman nagraan man sagkud ilinubung. 23 Sadto impiyerno nasasakitan sa maraay so mayaman, kaya tinnangad iya sagkud nabayad niya si Abraham na kaabay si Lazaro. 24 Kaya nagbaoy iya kanya, ‘Amang Abraham, Kaeraki man ako! Imanda mo si Lazaro na idotdot a poro ka tamoldo niya sa tobig tanganing paagnuwun a rira ko, ta nasasakitan na ako sa kalayong adi.’ 25 Alagad sinnimbag si Abraham, ‘Igin, narumruman mo, na ko naboboway pa ika sadto raga, namatian mo na so ngamin na maraay na bagay, alagad si Lazaro ngamin pagtius. Kaya ngowan iya naman a rinaranga sagkud ika naman a nagtitius. 26 Pwera pa kan, ibinutang sa bitnga ta a usad na dakulung bangin tanganing a manga isadi diri makaiyan siton sagkud a isiton diri makaiyan sadi.’
27 Sinnimbag iya, ‘Kin arug kan, nakikimaerak ako kanimo, Amang Abraham, paiyanun mo si Lazaro sadto baluy ko kag-igin ko, 28 na pataniran so lima kong ngod na lalaki tanganing diri na sira maiyan sa logar na adi na pono sa kasakitan.’
29 Alagad sinnimbag si Abraham, ‘Sadto na kanda so manga sinorat ni Moises sagkud ko manga propeta kaipowan nira adtong irunggun.’
30 Sinnimbag so mayaman, ‘Diri po, Amang Abraham, alagad kin agko usad na galin sa guraan a mag-iyan kanda migsulsul sira.’
31 Sinnabi iya kanya, ‘Kin diri sira mag-irungug ki Moises sagkud ko manga propeta, diri man sira migtobod dawa kin agko pa maboway otro.’ ”