To'apu d̄i Allah Ta'ala
4:1-10
4
Ra ta b̄e maikaina sara'a ncao ro cence ncihi d̄i ade weki nggomid̄oho? Sab̄ua ede laina ra maina ra d̄i nawasumu ma lepi angi d̄ei sarumbumu? 2 Nggomid̄oho ma ne'e podaku raka au-au ^dine'emu, pala wati rakamu, ndad̄i nggomid̄oho mane'eku hade dou! Nggomid̄oho ma'usaha kapodaku ade, pala wati wa'umu raka. Ndad̄i nggomid̄oho cence ncihi ro ncaomu. Nggomid̄oho wati rakamu au-au ra ne'emu, b̄ara nggomid̄oho watira rahomu d̄i Allah Ta'ala. 3 Atao nggomid̄oho do'a raumu, pala wati rakamu au-au, b̄ara ncara do'amu, b̄a one au ra rahomu ede d̄ine'emu kampoi ^dikancihikai nawasumu. 4 Nggomid̄oho eded̄u dou ma wati to'a d̄i Allah Ta'ala! Sab̄ua wati ^bademu, b̄a one kasoba angi lab̄o dunia eded̄u musu angi lab̄o Allah Ta'ala? Ndad̄i cou-cou ma ne'e kasoba angi lab̄o dunia ake, sia nakandad̄iku weki ndaina musu Allah Ta'ala. 5 Aina kacai b̄a nggomid̄oho, b̄a one Kitab Suci ma nggahi mpoa, <<Allah Ta'ala wa'ura tohona roh d̄i ade sarumbu ndai ma sombo.>>b 6 Pala Rahmat Allah rambei d̄i ndai nancewi tenggo ntewikaisi au ra kane'ekai b̄a roh ndai ede. B̄ara ndedena d̄i ade Kitab Suci wara ratunti rau, <<Allah Ta'ala wati ca'una d̄i dou ma sombo, pala Sia nancera ro mbura ade d̄i dou ma ca'u ka'awa weki.>>7 B̄ara ndedena, to'apu d̄i Allah Ta'ala ro aopu Iblis, ndad̄i Iblis narai dahu ra d̄i nggomid̄oho. 8 Ka^denipu wekimu d̄i Allah Ta'ala, ro Allah Ta'ala rau namai rakaku nggomid̄oho.Karasopu rimamu, nggomid̄oho ma wa'ura dosa! Ro karaso raupu ademu nggomid̄oho ma ncangga ade! 9 Pab̄uapu nggomid̄oho poda-poda sinci ademu ro nangi nduru; pab̄uapu harimu ndad̄i nangi ro neo ademu ndad̄i ncoki ade! 10 Pab̄uapu nggomid̄oho ka'awa weki d̄i tando Ruma ndad̄i Ruma ^dimakad̄ese nggomid̄oho.
Ngoa ro kawara loakud̄u aina nuntu ka'iha dou
4:11-12
11 Cina ro angiku, aina cua-cua nuntu ka'iha angi atao cua kancara angi. Nggara nggomid̄oho makarawisi b̄une ede, ndad̄i nggomid̄oho ma kancaraku hukum Allah. Nggara nggomid̄oho ma kancarasi hukum Allah, ede aona nggomid̄oho wati ^batumu hukum-hukum ede, ro nggomid̄oho mawi'iku wekimu b̄une-b̄une nggomid̄oho ma ndad̄i hakimna. 12 Sapodakaina sab̄ua mpa ma ntau hak ma mbei hukum d̄i manusia ro ma paresa ncihi ro ncara manusia. Ede^du Allah Ta'ala ma ntau kuasa ma kasalama ro ma kalelina ndai. Ndad̄i cousi nggomid̄oho, ndad̄ina nggomid̄oho ne'ekaimu kancara sasamamu manusia?
Ngoa ro kawara loakud̄u aina ca'u na'e nuntu
4:13-17
13 Cina ro angi ma nggahi, <<Ainaina ake atao naisi nami d̄imalao aka kota hanu ro ngge'e ta aka samba'a ntoina, nami mane'e lao daga ^dingupakaimu piti ma mboto,>> – ringa ro kade'epu nggahi ro eli nahu ake. 14 Au d̄imandad̄i d̄i ade mori ro wokomu naisi, ndai nggomid̄oho rau wati ^bademu! Nggomid̄oho b̄une o^bu afi samporo mpa rakamu eda, edempara mborana. 15 Sapodakaina nggomid̄oho pab̄uapu nggahi ndakemu, <<Nggara kane'ekaisi b̄a Ruma, nami ^dimamori ro ma karawi ake atao ede.>> 16 Pala ake nggomid̄oho ma sombo ro ma ca'u na'e nuntu. Samenana nuntu b̄une ede ncara.
17 B̄ara ndedena, dou ma b̄ade au ma taho d̄i pab̄ua karawina, pala wati kalampana, dou ede nadosa.