Dosa b̄ara Lera
3:1-12
3
Cina ro angi! Aina ipi mboto d̄i ade weki nggomid̄oho ma ne'e ndad̄i guru. Nggomid̄oho mab̄adeku b̄a one ndai ma ndad̄i guru d̄i^ba^bu kai hukuman ma ncewi tani ntewikaisi dou makalai. 2 Ndai sara'a ntuwu karawita ma ncara. Pala dou ma wati parana karawi ma ncara kai nggahi ro elina, sia ede dou ma mpuruna ma wa'u jaga ro sandaka sarumbuna. 3 Nggara kinasi b̄a ndai rante d̄i asa jara, ndad̄i jara ede d̄imab̄atu au ra kane'ekai b̄a ndai, ndai taloaku kantiri jara ede. 4 Misakai lopi. Konena lopi ede nawancuku na'ena ro wa'a b̄a angi makente, pala lopi ede nakantiriku b̄a kamu^di ma ipi to'i, b̄atu rakane'ekai b̄a dou ma wa'ana. 5 Ndede rauku lab̄o lera ndaita; konena lera ndai ede to'i, pala lera ede naloaku kasombo weki mab̄oha lampa rawi ma na'e-na'e.Kananu kab̄aepu na'ipiku na'e ro lembona wu^ba pala naloaku ka'a b̄a afi ma to'i poda! 6 Lera sama b̄une afi. D̄i sarumbu ndaita, lera ma ndad̄i fu'u b̄a rawi madab̄ae ma ka'iha kariuna samenana sarumbu ndai. Kai afi ma ramai ra d̄i anaraka, lera ede nakampangi sara'aku mori ro woko ndaita. 7 Sara'a pahu binata ma nggange, nasi, binata ma rama ro uta loaku ^dikamau, ro wa'ura kamau rau b̄a manusia. 8 Pala lera manusia wati wa'u ^dikamau b̄a cou-cou rau. Lera ede nadab̄ae ro wati wa'u ^dikuasakai b̄a dou; b̄ini b̄a racu ^dimadekai. 9 Ndai takaniku lera ndai ^direntakai syuku d̄i Allah Ta'ala eded̄u Ama ndaita, pala ndai rau tarahoku ru'u ma iha d̄i ru'u b̄a dou ra kandad̄i b̄a Allah Ta'ala ma sama pahu b̄une ndai-Na. 10 Ra d̄i asa ma sama taroi ro wadiku Allah Ta'ala ro taraho rauku ru'u ma iha d̄i ru'u b̄a sasama ndaita. Sapodakaina wati loa karawi b̄une ede! 11 Sab̄ua wara d̄i ade sab̄ua mada oi ma kalosa oi ma ca^ba ro oi ma pa'i? 12 Cina ro angiku, fu'u ara wati loana mbua wua zaitun, ro fu'u anggo wati loana mbua wua ara. Mada oi ma ndanga wati loa rauna kalosa oi ma ca^ba.
Timba ro lemba ma ramai ra d̄i Allah Ta'ala
3:13-18
13 Nggara nawarasi dou d̄i ade weki nggomid̄oho ma loa timba ro lemba ro ma loa ro tingi, pab̄uaku sia ede katadana kai mori ma taho ro kai kalampana lampa rawi ma taho ro wati sombo ro naloa timba ro lemba. 14 Pala nggomid̄oho nggara ma wu'usi, iha ade, ro ma kapentiku d̄i ru'u b̄a weki ndai mpoamu, aina ka'esemu weki b̄ara loamu timba ro lemba ede, b̄ara kai karawimu b̄une ede nggomid̄oho marungkaku haba ma poda ro ncihi ra d̄i Allah Ta'ala. 15 Loa timba ro lemba b̄une ede wati ramaina ra d̄i saroga malaisi ramaina ra d̄i dunia, ra d̄i nawasu manusia, ro ra d̄i setan! 16 Ta b̄e rawarakai wu'u ro tabe'a kapentikai weki ndai mpoa, ta ede rau wara ngango ro ngora ro mboto pahu ruku ro rawi ma da^bae. 17 Pala dou ma ntau loa timba ro lemba ma ramai ra d̄i Allah Ta'ala, siaku ma saramba-ramba podakaina ma raso, sawa'u b̄a ede naca'u mori taho-taho lab̄o dou, kambera, ro nab̄atu nggahi. Sia b̄ini b̄a kasi ade ro nakamaiku ruku ro rawi ma taho. Sia wati ntanda kalaina dou ro wati ca'una coro-coro. 18 Poda romo rawi ma taho eded̄u hasi ra weha ra d̄i d̄ei ra pari b̄a dou ma ca'u mori ma taho lab̄o dou ma kalai!