SURA D̄I RU'U B̄A DOU
IBRANI
NGGAHI RO ELI D̄IKARONGGA
Sura d̄i ru'u b̄a dou Ibrani ake ranggadu d̄i ru'u b̄a sakalompo ela Al Masih, b̄ara iu ncau-ncauna kasusa b̄a dou, kombisi ^dimamurtad ra d̄i imbikai siad̄oho d̄i Al Masih. Ma tunti sura ake na'usahaku ^dundu kapoda siad̄oho loakud̄u siad̄oho ngge'e mpa imbina. D̄i ru'u b̄a ede sia teina b̄a one Isa Al Masih eded̄u nggahi ro eli Allah Ta'ala ma mpuruna. Tolu mbua lampa rawi ^dikatada b̄a dou ma ratunti sura ake. Masarambakaina, Isa Al Masih eded̄u Ana Allah – Ana ma ede ro hi^di. Ana Allah ede katadana to'akai-Na d̄i Ama kai lembo ade-Na iuna susa ro ncoki. Kai Ana Allahkaina, Ruma Isa nancewi ese ntewikaisi lab̄o nabi-nabi ade Kitab Perjanjian Lama. Sia rau nancewi ese ntewikaisi lab̄o mala'eka atao ndai la Musa. Maka^duakaina, Allah Ta'ala wa'ura nggahina b̄a one Isa Al Masih eded̄u imam ma ede ro hid̄i mancewi ese ntewikaisi lab̄o imam-imam ade Kitab Perjanjian Lama. Makatolukaina, kai ncai Ruma Isa, dou ma imbi d̄i Sia d̄ihori ra d̄i dosa ro ra d̄i dahukai ro ra d̄i madekai. Kai Imam Agungkaina, Ruma Isa mbeina d̄i ru'u b̄a manusia mori salama masapodakaina ma wati loa d̄imbei b̄a upacara-upacara d̄onggo ro mbei koroba ro upacara-upacara makalaina d̄i ade agama Yahudi. Upacara-upacara ede mbeina gambaran mpoa mpa ra d̄i salamakai masapodakaina ede, ari mai b̄a ede wati.
Kai conto-conto imbi ra d̄i dou-dou ma mbou ngara ade sajara Israel (pasal 11), matunti sura ake nakauku d̄i sanikina dou mabacana loakud̄u ngge'e mpa to'ana. D̄i ade pasal 12 sia kauna kapoda ade siad̄oho loakud̄u ngge'e mpa to'ana sampe cumpukaina, kai ntandana Ruma Isa mpa. Ma tunti sura ake kauna kapoda ade siad̄oho rau loakud̄u lembo adena d̄i ade susa ro ncoki ro lembo adena su'u ro tundu ade kasusa ro kancokikai b̄a dou. Cumpukai sura ake wara rangoa ro tei ro ngoa ro kawara.
Isi
Masarambakaina: Al Masih eded̄u Nggahi Ro Eli Allah Ta'ala 1:1-3
Al Masih nancewi ese ntewikaisi lab̄o mala'eka 1:4–2:18
Al Masih nancewi ese ntewikaisi lab̄o la Musa ro la Yosua 3:1–4:13
Ncewi tahona karawi Al Masih kai Imamkaina 4:14–7:28
Ncewi tahona au ra sake b̄a Al Masih 8:1–9:28
Ncewi tahona koroba Al Masih 10:1-39
Paraluna imbi 11:1–12:29
Ngoa ro tei kataho ro ^bontokai sura ake 13:1-25