SURA PAULUS
D̄I RU'U B̄A
FILEMON
NGGAHI RO ELI D̄IKARONGGA
La Filemon eded̄u sab̄ua dou ela Al Masih ma wa'ura mbou mandad̄i anggota ela Ruma d̄i Kolose. Sia nantau sab̄ua ada ma ngara la Onesimus. Adana ede nawa'ura rai tu'u wi'i la Filemon, rumana ede, edempara b̄une kombi laona patana angi lab̄o la Paulus wakatu la Paulus wara ade uma bui. Kai rangoa ro tei b̄a la Paulus, la Onesimus ndad̄i dou ma imbi d̄i Ruma Isa Al Masih.
Sura la Paulus d̄i ru'u b̄a la Filemon ake eded̄u mab̄oha raho b̄a la Paulus loakud̄u la Filemon ngawa taho angi lab̄o la Onesimus, adana ede, ma wunga kau lao dula b̄a la Paulus. La Paulus rahona loakud̄u la Filemon ngawana tarima mbali la Onesimus laina kai ada ma wa'ura kangampu wea mpoa, pala kai sasama ela Al Masih.
Isi
Masarambakaina 1-3
Meci ro ca'u ro imbi la Filemon 4-7
Raraho d̄i ru'u b̄a la Onesimus 8-22
^Bontokai sura ake 23-25