SURA PETRUS
MA SARAMBAKAINA
NGGAHI RO ELI D̄IKARONGGA
Sura Petrus Ma Sarambakaina ake d̄i ru'u b̄a dou-dou ela Al Masih ma wara d̄i sara'a wela ^da-na Asia To'i. Siad̄oho ^dipehekai <<ela rakad̄ale b̄a Allah Ta'ala>>. D̄i ne'e poda b̄a dou ma ratunti sura ake eded̄u ^dikatenggokai imbi dou-dou mabacana ma wunga iu susa ro ncoki ro rakancoki b̄a dou b̄ara imbina d̄i Al Masih. La Petrus ngoa ro kawarana dou-dou mabacana d̄i Haba Mataho mab̄oha Isa Al Masih mandad̄i fu'u mori d̄i ru'u b̄a siad̄oho.Isa Al Masih wa'ura made, mori mbali ro masake d̄imamai mbali. Kai dasa ede siad̄oho pab̄uaku rela adena ro nawa'u taha susa ro ncoki, ro kawarana weki b̄a one susa ro ncoki siad̄oho eded̄u uji sab̄ua siad̄oho poda-poda imbina d̄i Al Masih. Siad̄oho pab̄uaku imbi poda rauna b̄a one siad̄oho ^dicola cepe b̄a Ruma wakatu Isa Al Masih mai mbalina.
Ari mai makatenggokai imbi dou-dou mabacana ma wunga ade ncoki ede, raho b̄a la Petrus loakud̄u siad̄oho morina kai dou-dou mab̄atu Al Masih.
Isi
Masarambakaina 1:1-2
Ngoa ro tei loakud̄u kawarana b̄a one Allah Ta'ala makasalamana manusia 1:3-12
Ngoa ro tei loakud̄u mori d̄i ru'u b̄a Allah Ta'ala mpa 1:13–2:10
^Dipab̄ua karawi b̄a ela Al Masih d̄i ade susa ro ncokikai 2:11–4:19
Ka'awa weki ro d̄ikarawi b̄a ela Al Masih 5:1-11
^Bontokai sura ake 5:12-14