Ngoa ro kawara d̄i ru'u b̄a dou-dou mantau ro wara
5:1-6
5
Cina ro angi, dou-dou mantau ro wara! Ringa ro kade'epu nggahi ro eli nahu. Sapodakaina nggomid̄oho pab̄uapu nangi ndurumu b̄ara nggomid̄oho d̄ima'iu poda susa ro ncoki! 2 Ntau ro waramu wa'ura mbai. Kani ro lombomu wa'ura ngaha b̄a ane. 3 Masa ro salakamu wa'ura roka; rokana d̄imandad̄i sakasi ^dima'ao nggomid̄oho ro d̄imangaha kampoi sarumbumu b̄une afi. Nggomid̄oho wa'ura udu wi'imu ntau ro wara d̄i jaman ma ne'era nggori ake. 4 Nggomid̄oho wati mbeimu ufa d̄i dou-dou ma karawi d̄i omamu. Ake ringa ro kade'epu weta sia^doho! Dou-dou ma kab̄oro hasi omamu ma kanggica raho bantu ro eli kanggica siad̄oho wa'ura rongga d̄i Allah Ta'ala, Ruma Ma Wancu Na'e Kuasa. 5 Nggomid̄oho wa'ura mori remba ipi ro iumu mori sana d̄i dunia ake. Nggomid̄oho b̄une-b̄une wunga kamporemu sarumbu ^dingenakai wakatu ainaina ^disambelekai. 6 Nggomid̄oho mahukum ro mahadeku dou-dou ma wati wara ncarana, ro siad̄oho wati aona nggomi^doho.cKalembopu ade d̄i ade susa ro ncoki
5:7-11
7 B̄ara ndedena, cina ro angiku kalembopu ademu saraka maikai Ruma. Tiopu b̄uneku lembo adena dou ma kanggihi ma ngena saraka dana ede mbeina hasi ma ntau co'i d̄i sia. Kai lembo adena sia ngenana londo ura, oru horo ro'o haju ro londo ura oru mbunta haju. 8 Pab̄uapu nggomid̄oho rau lembo ade ro katenggopu ademu, b̄a one ainaina maikai Ruma nawa'ura ^deni.
9 Aina badare^de ro cua kancara angi nggara ma'iusi susa, loakud̄u nggomid̄oho wati d̄ihukum b̄a Allah Ta'ala. Kawarapu! Allah Ta'ala ma ndad̄i Hakim ede wa'ura ^deni, poda nane'era rongga. 10 Cina ro angi, kawarapu nabi-nabi ma nuntu ro nggahi kai ngara Ruma. Siad̄oho nalembo adena ro tenggo d̄i ade susa ro ncoki. Ndad̄i contopu d̄i mori siad̄oho. 11 Siad̄oho ^dipehekai taho ro sana b̄ara siad̄oho lembo adena. Nggomid̄oho wa'ura ringamu mab̄oha lembo ade la Ayub, ro nggomid̄oho mab̄aderauku, b̄uneku cumpukaina Ruma barekana sia. B̄a one Ruma nawancuku meci ro ca'u ro ncera ro mbura adena.
Mab̄oha sumpa, ro do'a d̄i ru'u b̄a dou ma supu
5:12-20
12 Ma penti poda, eded̄u: Aina sumpa, nataho kai te'emu langi, ro kai te'emu dana, atao kai ngara au-au rau. Nggahi mpa <<Io>> nggara napodasi, ro <<wati>> nggara watisi podana; loakud̄u Allah Ta'ala aina ^ba^bukaina hukuman d̄i nggomid̄oho.
13 Nggara warasi d̄i ade weki nggomid̄oho ma wunga susa, pab̄uaku sia do'ana. Nggara warasi ma neo ade, pab̄uaku sia rawa roi ro wadina Allah Ta'ala. 14 Nggara warasi ma supu, pab̄uaku sia ouna dou-dou mana'ekai ela Ruma. Ro pab̄uaku dou-dou mana'ekai ela Ruma ede do'a weana dou ma supu ede ro borena kai mina kai ngara Ruma. 15 Nggara siad̄oho na'imbi podasi d̄i kuasa Allah Ta'ala wakatu siad̄oho do'ana, ndad̄i dou ede ^dimataho supuna. Allah Ta'ala d̄imakatahona dou ede ra d̄i supuna, ro kone dou ede wa'ura karawina dosa, Allah Ta'ala ^dimakangampu wea dosana. 16 B̄ara ndedena, nggomid̄oho pab̄uapu cua mangaku rawi ncara ro cua do'a d̄i ru'u b̄a sab̄ua lab̄o ma kalaina, loakud̄u nggomid̄oho ^dikataho wea supumu. Do'a dou ma b̄atu au ra kane'ekai b̄a Allah Ta'ala, nantau kuasa ma na'e. 17 La Elia, manusia b̄une ndai rau. Sia do'a kapodana ade loakud̄u aina londo ura, ndad̄i ura wati londona tolu mba'a ini wura ntoina. 18 Sawa'u b̄a ede sia do'a walina, edempara langi kalondona ura ndad̄ina dana mbeina hasi rau.
19 Cina ro angiku! Nggara nawarasi d̄i ade weki nggomid̄oho ma watid̄u b̄atu wali ngoa ro tei b̄a Allah Ta'ala, edempara dou makalai kandad̄ina dou ede mbali d̄i Allah Ta'ala, 20 kawarapu ayat ake: Dou ma kandad̄ina dou madosa toba ra d̄i rawi dosana, dou ede nakasalamaku nawa ro sarumbu dou madosa eded ra d̄i made ro nakandad̄iku mboto dosa ^dikangampu wea.
Salam do'a nami, Yakub