SURA PETRUS
MA SARAMBAKAINA
Salam
1:1-2
1
1-2 Cina ro angi, ela ro dou ra kad̄ale b̄a Allah Ta'ala, ma ngge'e d̄i dana ro rasa Pontus, Galatia, Kapadokia, Asia, ro d̄i dana ro rasa Bitinia! Nahu, Petrus, rasul Isa Al Masih, ma pamao raho-raho to'i mpa Allah Ta'ala mbeina bareka ro taho ro ntai ma remba d̄i nggomid̄oho.Nggomid̄oho rakad̄ale ndad̄i ela Allah Ta'ala b̄une ra kane'ekai b̄a Allah Ta'ala, Ama ndaita. Ro Roh Allah wa'ura kandad̄ina nggomid̄oho ela ma raso, d̄i ru'u b̄a Allah Ta'ala mpoa mpa loakud̄u nggomid̄oho to'amu d̄i Isa Al Masih ro ra karaso b̄a ra'a-Na.
^Dine'e B̄a Ndai
1:3-12
3 Maira ndai tarentaku syuku d̄i Allah Ta'ala, Ama, Isa Al Masih, Ruma ndai! Sia nawancuku meci ro ca'una ndaita, b̄ara ndedena Sia mbeina d̄i ndaita mori ma b̄ou, kai kamori mbalina Isa Al Masih ra d̄i madekaina. Ake mbeina d̄i ndai au ra pamao b̄a ndai. 4 D̄i ne'e b̄a ndai loakud̄u rakata bareka-bareka ra sadia b̄a Allah Ta'ala d̄i ru'u b̄a ela-Na, eded̄u bareka-bareka ra wi'i-Na d̄i saroga, ndad̄ina wati ^dimaloa iha, atao ^dimambai atao donto. 5 Sara'ana ede eded̄u d̄i ru'u b̄a nggomid̄oho, b̄ara nggomid̄oho imbimu d̄i Allah Ta'ala. Ndad̄i nggomid̄oho ^dijaga b̄a kuasa Allah Ta'ala loakud̄u nggomid̄oho tarimamu salamakai ra wa'ura sadia ^dikatada wakatu cumpukai jaman.
6 B̄ara ndedena, pab̄uapu nggomid̄oho ka^dihira ademu, konena ake d̄i ru'u b̄a samporo wakatu nggomid̄oho pab̄uaku ndad̄i ncoki ademu b̄ara nggomid̄oho iumu mboto pahu coba'an. 7 Ede d̄i bukutikai sab̄ua nggomid̄oho poda-poda imbimu d̄i Ruma atao wati. Masa naloa iha rau, ^di'uji kai afi. Imbi nggomid̄oho eded̄u nancewi ntaupu co'i ntewikaisi lab̄o masa, ndad̄i pab̄uaku ^di'uji rau loakud̄u ndad̄i tenggo. Ro kai ndedena nggomid̄oho d̄iroi ro ^dilia ro horoma ro d̄ikad̄ese ro kantasa d̄i ainaina mai mbalikai Isa Al Masih. 8 Nggomid̄oho mameci ro ca'uku Isa Al Masih, kone ntoina nggomid̄oho wati edamu Sia. Ro nggomid̄oho imbimu d̄i Sia konena wakatu ake nggomid̄oho wati edamu Sia. B̄ara ndedena, nggomid̄oho neo ademu, ro iumu sana ade ma ipi ro wati wara ^dintewikai wali. 9 B̄a one d̄i ne'e b̄a imbimu nawa'ura raka, eded̄u salamakai nawa ro sarumbumu.
10 Mori salama akeku ra paresa kab̄ae ro ra paliti b̄a nabi-nabi, ro siad̄oho makaronggana au ra nggahi b̄a Ruma mab̄oha bareka ra mbei b̄a Allah Ta'ala d̄i nggomid̄oho. 11 Siad̄oho paliti kab̄aena ra^bunena ro b̄une aiku lampa rawi ede nda^dina,a aona ra nggahi b̄a Roh Al Masih ma wara d̄i ade sarumbu siad̄oho.D̄i wakatu ede Roh-Na ma karonggana d̄i siad̄oho mab̄oha susa ro ncoki d̄ipab̄ua iu b̄a Al Masih ro mab̄oha ^Dese Ro Ntasa-Na ma mai sawa'u b̄a ede. 12 D̄i nabi-nabi ede Allah Ta'ala mangoana b̄a one au ra karawi b̄a siad̄oho laina ^dikapentikai siad̄oho, malaisi d̄i ru'u b̄a nggomi^doho; eded̄u lampa rawi-lampa rawi ra ringa kab̄ae b̄a nggomid̄oho wakatu ake d̄i dou-dou mangoa ro kahaba Injil mab̄oha Isa Al Masih. Siad̄oho karonggana lampa rawi-lampa rawi ede d̄i nggomid̄oho kai kuasa Roh Allah ra nggadu-Na ra d̄i saroga. Mala'eka-mala'eka nane'e rauku b̄ade haba ra ngoa ro kahaba b̄a siad̄oho ede.
Mori Ma Raso Ro Cua Meci Ro Ca'u Angi
1:13-25
13 B̄ara ndedena, nggomid̄oho pab̄uapu sadia ncau weki. Aina kabare ro ngena kapodapu bareka d̄imbei d̄i nggomid̄oho wakatu Isa Al Masih maina peade. 14 To'apu d̄i Allah Ta'ala, ro aina mori ^batumu b̄une au ra kane'ekaimu ntoina, wakatu nggomid̄oho watipu patamu Allah Ta'ala. 15 Pala, nggomid̄oho pab̄uapu raso d̄i ade samenana ra karawi b̄a nggomid̄oho, sama b̄une Allah Ta'ala ma raso ma wa'ura kad̄ale nggomid̄oho ede. 16 D̄i ade Kitab Suci wara ratunti, <<Pab̄uapu nggomi raso, b̄a one Nahu raso.>>
17 Nggomid̄oho pehemu Allah Ta'ala ede Ama wakatu nggomid̄oho do'amu. Allah Ta'ala edeku ma paresa ncihi ro ncara manusia mancihi ncao lab̄o ruku ro rawi cua-cua ndaina kai wati ntanda kalaina dou. B̄ara ndedena, santoi nggomid̄oho mbuipu d̄i ade dunia ake, pab̄uapu nggomid̄oho kad̄ese ro kantasamu Allah Ta'ala d̄i ade morimu. 18 B̄ara nggomid̄oho ma^badeku, b̄a one nggomid̄oho wa'ura cola kanggori ra d̄i cara morimu ma wati wara onena ra tarimamu d̄i wa'i ro waromu laina kai barang ma loa iha, lai rauna kai masa ro salaka, 19 malaisi kai ra'a ma nggali co'i, eded̄u ra'a Al Masih, ma sama b̄une ana jimba ma wati sampu ro iha. 20 Al Masih rakad̄ale b̄a Allah Ta'ala sawatipu b̄a rakandad̄i dunia. Ro d̄i ainaina-ainaina cumpukai jaman ake, Sia maina d̄i dunia loakud̄u kasalamana nggomid̄oho. 21 Kai ncai Siaku nggomid̄oho imbimu d̄i Allah Ta'ala ma wa'ura kamori mbali Sia ra d̄i madekaina ro makad̄ese ro kantasa-Na. Ndad̄i, Allah Ta'alaku d̄i'imbikai b̄a nggomid̄oho ro d̄i Allah Ta'ala rauku nggomid̄oho wi'ikaimu weki.
22 B̄ara nggomid̄oho to'amu d̄i ngoa ro tei b̄a Allah Ta'ala, ndad̄i nggomid̄oho karasomu weki ro nggomid̄oho meci ro ca'umu dou-dou ma sama imbi lab̄o nggomid̄oho kai nira ademu. B̄ara ndedena, pab̄uapu nggomid̄oho meci ro ca'umu d̄i sab̄ua lab̄o ma kalaina kai wati mbali mbua ademu.b 23 B̄a one kai ncai nggahi ro eli Allah Ta'ala ma mori ro ma ede ro hid̄i ede, nggomid̄oho wa'ura kandad̄ina manusia mab̄ou laina ranggana b̄a manusia malaisi ra d̄i Ama ma ede ro hi^di. 24 D̄i ade Kitab Suci wara ratunti ndake,
<<Samenana manusia b̄une santika mpori,
ro sara'a na'e ro ntoruna b̄une wunta mpori.
Mpori ndad̄i male, wunta rauna nahoro;
25 pala nggahi ro eli Ruma ngge'e mpa santoi-ntoina.>>
Nggahi ro eli ede eded̄u Injil ra wa'u ngoa ro kahaba d̄i nggomid̄oho.