Aina ntanda kalaimu dou
2:1-13
2
Cina ro angiku! Kai dou ma imbi d̄i Ruma Isa Al Masih, Ruma Ma Wancu ^Dese Ro Ntasa, nggomid̄oho aina ntanda kalaimu dou kai dasa lampa rawi-lampa rawi ma tada. 2 B̄a one nggara nawarasi dou ma ntau ro wara ma kani sinci masa ro ma kani, kani ro lombo ma ntika ma mai d̄i hid̄i ka^borokai weki nggomid̄oho, ro d̄i hid̄i ede mai rau sab̄ua dou mancoki mori ma kani, kani ro lombo ma mpasa, 3 ndad̄i nggomid̄oho ma ncewi lia ro horomaku dou ma kani, kani ro lombo ma ntika ede. Nggahi b̄a nggomid̄oho d̄i sia, <<Santa^be tadoho d̄i kadera ma taho ake.>> Pala d̄i dou mancoki mori, nggomid̄oho ma nggahiku, <<Ki^dipu ta aka,>> atao <<Dohopu ta awa.>> 4 Kai rawimu b̄une ede, nggomid̄oho ma ntanda kalaiku d̄i ade weki sasamamu manusia ro ma tioku dou kai dasa fiki ro kananu ma da^bae.5 Kawarapu, cina ro angiku! Dou mancoki mori d̄i dunia ake, ^dikad̄ale b̄a Allah Ta'ala d̄imandad̄i dou ma ntau ro wara kai cara rohani. Dou-dou ede d̄imandad̄i anggota Karaja'an Allah b̄une ra sake b̄a Allah Ta'ala d̄i dou ma meci ro ca'u Sia. 6 Pala nggomid̄oho ma naha katuna ro ka^bawaku dou mancoki mori, sapodakaina dou ma ntau ro waraku ma tonda-tondana nggomid̄oho ro ma randa wa'a nggomid̄oho aka pengadilan! 7 Siad̄oho ma katuna ro kab̄awa ngara ma d̄ese ro ntasa ra tarima b̄a nggomid̄oho ra d̄i Allah Ta'ala!
8 Nggomid̄oho makarawiku ma ncihi, nggara nggomid̄oho makalampasi hukum Karaja'an ma wara d̄i ade ayat Kitab Suci ake, <<Meci ro ca'upu sasamamu manusia b̄une nggomid̄oho mameci ro ca'u weki ndaimu.>> 9 Pala nggara nggomid̄oho mantanda kalaisi dou kai dasa lampa rawi-lampa rawi ma tada, nggomid̄oho makarawiku dosa, ro hukum Allah ma nggahi b̄a one nggomid̄oho eded̄u dou ma sapa hukum. 10 Dou ma sapa sab̄ua ra d̄i hukum-hukum Allah, ede aona nasapa sara'aku hukum Allah. 11 B̄a one Allah Ta'ala manggahi, <<Aina jina,>> Sia rau ma nggahi, <<Aina hade dou.>> Ndad̄i, nggara nggomid̄oho watisi jinamu, pala hademu dou, ndad̄i nggomid̄oho ma sapa rauku hukum. 12 Nggomid̄oho nuntu ro nggahipu ro katadapu kai rawimu b̄une dou-dou ma b̄ade b̄a one Allah Ta'ala d̄imaparesa ncihi ro ncara manusia kai dasa Hukum Allah ma hori kalosa dou. 13 B̄a one Allah Ta'ala wati ^dimakasi ade d̄i dou ma wati ntau kasi ade d̄i cina ro angina. Pala kasi ade nancewi tenggo ntewikaisi lab̄o hukuman.
Imbi watisi kalampa eded̄u made
2:14-26
14 Cina ro angi! Auku onena dou nggahina, <<Nahu dou ma imbi>>, nggara watisi katadana kai ruku ro rawina? Sab̄ua loaku imbi b̄une ede ma kasalamana? 15 Misakai sab̄ua dou mone atao siwe sasama ela Al Masih ma paralu kani ro lombo ma rana ro wati ntauna ngaha ro nono ma ncihi d̄i ru'u b̄a sanai-nai, 16 ro sab̄ua dou d̄i ade weki nggomid̄oho ma nggahi d̄i sia, <<Laora kai taho-taho, kanipu ^baju pana ro ngaha mbocupu!>> Pala dou ede wati mbeina d̄i sia au d̄iparalu b̄a sarumbu dou ede, auku onena? 17 Ndede rauku lab̄o imbi, nggara watisi katada kai ruku ro rawi, ndad̄i imbi ede wati wara onena.
18 Kombisi wara ma nggahi, <<Wara dou ma wi'i weki d̄i imbina ro wara rau ma wi'i weki d̄i ruku ro rawina.>> Nahu ^dimacambena, <<Katadapu d̄i nahu b̄uneku dou loana ntau imbi pala wati kalampana ro nahu d̄imakatadana kai ruku ro rawi b̄a one nahu kantau imbi.>> 19 Nggomid̄oho ma imbiku b̄a one Allah Ta'ala sab̄ua mpa. Roh-roh setan rau na'imbiku ro siad̄oho ^bi^bi b̄ara ipi dahuna! 20 Nggomid̄oho ma sampula podaku! Sab̄ua paraluku d̄imbei bukuti d̄i nggomid̄oho b̄a one wati wara onena ntau imbi nggara watisi kalampa?a 21 Tiopu la Ibrahim wa'i ro waro ndaita. Sia tarima ao kataho b̄a Allah Ta'ala b̄ara ruku ro rawina, eded̄u wakatu sia d̄onggo ro mbeina la Ishak, anana, ese wawo mezba. 22 Ta ake natada poda b̄a one imbi pab̄uaku ^dikatada kai ruku ro rawi loakud̄u ndad̄i mpuruna. 23 Ede ncihi ncao lab̄o ayat Kitab Suci ake, <<La Ibrahim na'imbi d̄i Allah Ta'ala, ro b̄ara imbina ede Allah Ta'ala tarimana sia kai dou makalampa au ra kane'ekai b̄a Allah Ta'ala.>> B̄ara ndedena la Ibrahim ^dipehekai, <<Soba Allah Ta'ala>>. 24 Ndad̄i nggomid̄oho ma^badera ake b̄a one dou ra tarima kataho b̄a Allah Ta'ala eded̄u b̄ara au ra kalampana, ro laina b̄ara imbi mpoana.
25 Ndede rau lab̄o la Rahab, dou siwe ma sunda ede. Sia tarima kataho b̄a Allah Ta'ala b̄ara taho ruku ro rawina, eded̄u wakatu sia tarima aona d̄i ade umana dou-dou Israel ma lao nina ro bantuna siad̄oho lao rai kai ncai ma kalai.
26 Ndad̄i b̄une sarumbu watisi wara roh eded̄u sarumbu ma made, ndede rauku lab̄o imbi nggara watisi kalampa kai ruku ro rawi eded̄u imbi ma made.