SURA PAULUS MA KA^DUAKAINA
D̄I RU'U B̄A ELA RUMA ^DI
TESALONIKA
Salam
1
Cina ro angi ela Ruma d̄i Tesalonika, ma ndad̄i ela Allah Ta'ala, Ama ndaita ro Ruma Isa Al Masih! Nahu la Paulus, la Silas ro la Timotius 2 mapamao raho-raho to'i mpa Allah Ta'ala, Ama ndaita ro Ruma Isa Al Masih mbeina bareka ro taho ro ntai d̄i nggomid̄oho.Renta syuku ro do'a
1:3-12
3 Cina ro angi, nami wati dengga-denggamu renta syuku d̄i Allah Ta'ala b̄ara nggomid̄oho.Ro patu romo nami karawimu b̄une ede, b̄ara nggomid̄oho manaha imbi d̄i Al Masih, ro nggomid̄oho manaha meci ro ca'u d̄i sab̄ua lab̄o ma kalaina. 4 B̄ara ndedena, nami nuntu ncaumu mab̄oha nggomid̄oho sanikina nami lao lambamu ela Allah Ta'ala. Kai sana ademu nami ngoamu b̄uneku nggomid̄oho ngge'e mpa imbi podamu d̄i Al Masih d̄i ade ra kancokikai b̄a dou ro ade susa ro ncoki ra iu b̄a nggomid̄oho.
5 Ro ta akeku tadakaina wancuku adilna hukuman ra b̄ab̄u b̄a Allah Ta'ala: Nggomid̄oho wa'ura iumu susa ro ncoki b̄ara Karaja'an Allah, ro b̄ara ndedena nggomid̄oho d̄iwi'ikai patu ^dimalu'u ta ^deina. 6 Sia ^dimakarawina au ma adil, ro d̄imacola cepena susa ro ncoki d̄i dou ma makamaina susa ro ncoki nggomid̄oho. 7 Ro d̄i ru'u b̄a nggomid̄oho ma wakatu ake wunga iu susa ro ncoki – ndede rau d̄i ru'u b̄a nami – Allah Ta'ala ^dimahori samenana susa ro ncoki wakatu ainaina londokai Ruma Isa ra d̄i saroga ro katadana weki-Na lab̄o mala'eka-mala'eka-Na ma wancu tenggo 8 ro kai afi ma kalea ngganga. Sia londona ^dimahukumna dou-dou ma wati ngawa pata Allah Ta'ala ro ma wati ngawa mori mancihi ncao lab̄o Injil. 9 Dou-dou ede d̄imatarima hukuman ro ^dikaleli santoi-ntoina, ^dipaki kalosa ra d̄i hid̄i ngge'ekai Ruma ro d̄i kuasa-Na ma d̄ese ro ntasa; 10 samenana ede d̄imandad̄i peade wakatu ainaina maikai Sia d̄ikad̄ese ro kantasakai b̄a ela-Na ro ^dilia ro horoma b̄a samenana dou ma imbi. Nggomid̄oho rau ^dimawara d̄i ade weki ela Allah Ta'ala ede, b̄ara nggomid̄oho wa'ura imbimu d̄i haba ra karongga b̄a nami d̄i nggomid̄oho.
11 B̄ara ndedena nami mado'a ncau d̄i ru'u b̄a nggomid̄oho.Nami ma do'a weamu loakud̄u Allah Ta'ala ma kandad̄ina nggomid̄oho patu ^dimamori b̄atu au ra kane'ekai b̄a Sia; b̄ara ndedena Sia ouna nggomid̄oho.Raho-raho to'i mpa Allah Ta'ala, kai kuasa-Na, makancihina au ra kane'ekaimu ^dikarawikaimu mataho, ro ^dimakampuruna samenana karawi au ra kalampa b̄a nggomid̄oho b̄ara imbimu d̄i Al Masih. 12 Kai ndedena Isa Al Masih, Ruma ndaita d̄ikad̄ese ro kantasa b̄a nggomid̄oho, ro nggomid̄oho rau d̄ikad̄ese ro kantasa b̄a Isa Al Masih b̄ara taho ade Allah Ta'ala ndai roa Isa Al Masih, Ruma ndai.