SURA PAULUS MA SARAMBAKAINA
D̄I RU'U B̄A
TIMOTIUS
NGGAHI RO ELI D̄IKARONGGA
La Timotius eded̄u sab̄ua dou ela Al Masih ma mbuipu to'i umuna, sia nangge'e d̄i Asia To'i ma wa'ura ndad̄i lenga ro mabantu la Paulus ade karawikai la Paulus. Ama la Timotius dou Yunani ro inana dou Yahudi. Ade Sura Paulus ma sarambakaina d̄i ru'u b̄a la Timotius, karonggana tolu mbua lampa rawi ma wara hubungan sab̄ua lab̄o ma kalaina.
Masaramba-rambakaina eded̄u ngoa ro kawara d̄i ru'u b̄a la Timotius mab̄oha ngoa ro tei-ngoa ro tei ma ncara ma wara d̄i ade ela Ruma. Ngoa ro tei-ngoa ro tei ede eded̄u campo kananu dou Yahudi ro kananu dou ma laina Yahudi kai dasa imbi b̄a one sa'isi dunia wa'ura dab̄ae, ro salamakai cuma loa d̄iraka nggara dou nantausi loa ro tingi mab̄oha rahasia au-au, ro mato'a d̄i atoran-atoran misakai atoran wati loa nika, wati loa ngaha, ngaha ro nono ro makalai-laina.
Maka^duakaina eded̄u ngoa ro tei-ngoa ro tei d̄i ru'u b̄a la Timotius mab̄oha mori ro woko ela Ruma ro mab̄oha sambea ro ibada. Rangoa kab̄ae d̄i ru'u b̄a la Timotius mab̄oha tabe'a-tabe'a dou ma loa ndad̄i dou mana'ekai ela Ruma ro mabantu ela Ruma. Cumpukaina la Timotius ratei mab̄oha b̄uneku sia loana ndad̄i sab̄ua dou mataho ma karawi wea d̄i ru'u b̄a Isa Al Masih mab̄oha su'u ro tunduna d̄i sanikina kalompo dou ma ndad̄i anggota ela Ruma.
Isi
Masarambakaina 1:1-2
Ngoa ro tei mab̄oha ela Ruma ro dou-dou majampana 1:3–3:16
Ngoa ro tei d̄i ru'u b̄a la Timotius mab̄oha karawina 4:1–6:21