SURA PAULUS MA KA^DUAKAINA
D̄I RU'U B̄A ELA RUMA ^DI
TESALONIKA
NGGAHI RO ELI D̄IKARONGGA
Darura ade mab̄oha maikai Al Masih ma ka^duakalikaina mbuipu kamaina masa'ala-masa'ala d̄i ade ela Ruma d̄i Tesalonika. Sura Paulus Ma Ka^duakaina D̄i Ru'u B̄a Ela Ruma d̄i Tesalonika ratunti ^dikanggorikai masa'ala ede. Nggahi b̄a siad̄oho b̄a one wakatu maikai Al Masih ma ka^duakalikaina wa'ura raka wakatuna. Kananu ede ncara, nggahi b̄a la Paulus. ^Bara, sawatipu Al Masih mai mbalina d̄i dunia, kasa ro ruku ro rawi dab̄ae d̄i dunia ^dimawontu ulu kai mana'ekaina eded̄u <<Manusia Mada^bae>> ro ^dima'ao Al Masih.
La Paulus ngoa kapodana d̄i dou-dou mabacana b̄a one siad̄oho pab̄uaku katenggo imbina d̄i Al Masih konena mori siad̄oho nanggonggi ro siad̄oho pab̄uaku susa ro ncokina. La Paulus ngoa ro tei katahona loakud̄u siad̄oho cua-cua ngupana ngaha d̄i ru'u b̄a ndai^dohona, sama b̄une la Paulus ro lenga^dohona. Ro siad̄oho pab̄uaku caha karawi mataho.
Isi
Masarambakaina 1:1-2
Roi ro wadi ro ^dikaukai 1:3-12
Ngoa kab̄ae mab̄oha maikai Al Masih ma ka^duakalikaina d̄i dunia 2:1-17
Ngoa ro tei kataho mab̄oha b̄uneku sapodakaina ruku ro rawi dou ma ndad̄i ela Al Masih 3:1-15
^Bontokai sura ake 3:16-18