SURA PAULUS MA SARAMBAKAINA
^DIRU'U ^BA ELA RUMA ^DI
TESALONIKA
NGGAHI RO ELI D̄IKARONGGA
Tesalonika eded̄u ibu kota Makedonia, sab̄ua propinsi karaja'an Roma. Ela Ruma d̄i Tesalonika ratu'u b̄a la Paulus sawa'u b̄a sia tu'u wi'ina dana ro rasa Filipi. Pala wati ntoina sawa'u b̄a ede, dou-dou Yahudi ma hiana ade d̄i la Paulus. Siad̄oho tampu'ura wati ca'una usaha la Paulus ma ngoa ro kahaba ngoa ro tei Kristen d̄i dou-dou ma laina Yahudi ma wa'ura katada ne'ena d̄i agama Yahudi. La Paulus pakasana weki tu'u wi'i Tesalonika ro laona aka Berea. Sawa'u b̄a sia ronggana d̄i Korintus, sia tarimana sura ra d̄i la Timotius, ma ndad̄i soba ro lengana, mab̄oha ka'ada'an ela Ruma d̄i Tesalonika.
Ndad̄i, Sura la Paulus Ma Sarambakaina D̄i ru'u b̄a Ela Ruma d̄i Tesalonika ake ratunti loakud̄u ela Ruma ede kapodana ade. La Paulus nawancuku syukuna b̄ara haba ratarimana mab̄oha imbi ro meci ro ca'u siad̄oho.Sia ngoa ro kawarana siad̄oho mab̄oha mori ro woko ndaina wakatu sia mbuipu warana d̄i woha siad̄oho.Sawa'u b̄a nggahi sara'ana ede, la Paulus cambena samenana au ra sod̄i b̄a siad̄oho mab̄oha maina Al Masih ma ka^duakalikaina. Nggara namadesi sab̄ua dou ela Al Masih sawatipu b̄a mai mbali Al Masih, sab̄ua naloa dou ede raka mori ma'ede ro hid̄i ro masapodakaina ra d̄i Al Masih? ^Bune aiku maikai Al Masih? La Paulus ngoa ro tei katahona loakud̄u siad̄oho karawi ntuwuna kai kalembo ade ro ngena salahona wakatu maikai Al Masih.
Isi
Masarambakaina 1:1
Syuku ro roi ro wadi 1:2--3:13
Ngoa ro tei kataho mab̄oha b̄uneku sapodakaina ruku ro rawi dou ma ndad̄i ela Al Masih 4:1-12
Ngoa kab̄ae mab̄oha maikai Al Masih ma ka^duakalikaina 4:13–5:11
Ngoa ro tei-ngoa ro tei macumpukaina 5:12-22
^Bontokai sura ake 5:23-28