<<    <     1 Tesalonika     1     >    >> 
SURA PAULUS MA SARAMBAKAINA
^DIRU'U ^BA ELA RUMA ^DI
TESALONIKA
1
Cina ro angi ela Ruma d̄i Tesalonika, ma ndad̄i ela Allah Ta'ala, Ama ndai ro Ruma Isa Al Masih:
Nami eded̄u la Paulus, Silas, ro la Timotius ma do'a, raho-raho to'i mpa Allah Ta'ala mbeina bareka ro taho ro ntai d̄i nggomid̄oho.
Mori ro woko ro imbi dou-dou Tesalonika
1:2-10
2 Nami ntuwu do'a syukumu d̄i Allah Ta'ala b̄ara cara mori ro woko nggomid̄oho.Ro kawara ncaumu nggomid̄oho d̄i ade do'a nami. 3 D̄i tando Allah Ta'ala, nami makawara ncau ruku ro rawi nggomid̄oho b̄ara imbimu, usaha meci ro ca'umu ro lembo ademu ngena wakatu maikai Isa Al Masih, Ruma ndaita. 4 Ro nami mab̄adeku cina ro angi, b̄a one Allah Ta'ala ma meci ro ca'u nggomid̄oho ro mawa'ura kad̄ale nggomid̄oho ndad̄i ntau ndai-Na. 5 B̄a one nami ma karongga Injil d̄i nggomid̄oho laina kai nggahi ro eli mpoa, pala kai kuasa ro kai Roh Allah. Ro nami ma'imbi podaku d̄i lampa rawi mancihi ra d̄i Injil ede. Nggomid̄oho mab̄adeku b̄uneku nami morimu d̄i ru'u b̄a nggomid̄oho wakatu nami waramu d̄i woha nggomid̄oho. 6  Nggomid̄oho ^batumu conto ruku ro rawi nami ro conto Ruma. Kone nggomid̄oho ma wancu susa ro ncoki iumu, nggomid̄oho tarima aomu kai neo ademu haba ra karongga b̄a nami d̄i nggomid̄oho.Neo ademu ede rambei b̄a Roh Allah. 7 Kai ndedena nggomid̄oho mandad̄i conto d̄i ru'u b̄a samenana dou ela Al Masih ma wara d̄i Makedonia ro d̄i Akhaya. 8 B̄a one ra tampu'u d̄i nggomid̄oho, haba mab̄oha Ruma wa'ura mbou sampe aka Makedonia ro aka Akhaya. Ro laina ta ede mpoa; haba mab̄oha ra^bunena nggomid̄oho imbikaimu d̄i Allah Ta'ala wa'ura rongga ta b̄e-b̄e rau, ndad̄ina nami wati paralu walina nggahi au-au mab̄oha lampa rawi ede. 9 Samenana dou manuntu mab̄oha ra^bunena nggomid̄oho tarima aomu nami wakatu nami maimu d̄i nggomid̄oho ntoina. Siad̄oho nuntu ro nggahina mab̄oha ra^bunena nggomid̄oho tu'u wi'imu berhala-berhala ro imbimu d̄i Allah Ta'ala ma mori ro karawimu d̄i ru'u b̄a Allah Ta'ala. 10 Siad̄oho nuntu ro nggahi rauna mab̄oha b̄uneku nggomid̄oho ngenamu maina Ana Allah 1 ra d̄i saroga, eded̄u Isa, ra wa'ura kamori mbali b̄a Allah Ta'ala ra d̄i madekaina. Isa edeku makasalamana ndai ra d̄i mbanikai Allah Ta'ala d̄i ainaina ma mai kento.