SURA PAULUS
D̄I RU'U B̄A ELA RUMA ^DI
KOLOSE
NGGAHI RO ELI D̄IKARONGGA
Kolose eded̄u sab̄ua kota d̄i Asia To'i, tawela ele b̄a kota Efesus. Laina la Paulus ma katu'una ela Ruma d̄i Kolose ake, pala wakatu nggadu b̄a sia dou-dou makarawi ra d̄i Efesus, ibu kota sab̄ua propinsi Roma d̄i Asia To'i, sia nantau su'u ro tundu rau mab̄oha ela Ruma d̄i Kolose ede. La Paulus nawa'ura tarima haba b̄a one d̄i ade ela Ruma ede wara guru-guru ma tei lampa rawi-lampa rawi ma ncara. Guru-guru ede natele b̄a one d̄i patakai Allah Ta'ala ro d̄isalamakai ma mpuruna, dou pab̄uaku nembana <<roh-roh ma kuasakai ro maparenta dunia lab̄o isina>>. Ari mai b̄a ede, nggahi b̄a guru-guru ede, dou pab̄ua rauku to'ana kalampa atoran-atoran suna, ^didaloa karawi ro makalai-lai walina.
Sura Paulus d̄i ru'u b̄a ela Ruma d̄i Kolose ake ratunti d̄i ru'u ngoa ro tei ma poda ro ncihi ro wati ca'u d̄i ngoa ro tei-ngoa ro tei mancara ra tei b̄a guru-guru palasu ede. Ma penti ade sura ake eded̄u b̄a one Isa Al Masih naloa mbei salamakai mampuruna ro b̄a one ngoa ro tei-ngoa ro tei ma kalaina ede makad̄o'o dou ra d̄i Al Masih mpa. Kai ncai Al Masih, Allah Ta'ala kandad̄ina dunia ake, ro kai ncai Al Masih rau Allah Ta'ala kasalamana dunia ake. Kai kasab̄ua weki lab̄o Al Masih mpa, dunia warapu wakatu ^dikasalama wea. Sawa'u b̄a ede la Paulus ngoa kab̄aena hubungan ade ngoa ro tei ma taho ede lab̄o mori ro woko ela Al Masih.
Paralu ^dikatada ta ake b̄a one la Tikhikus -- ma wa'ana sura ake aka Kolose d̄i ru'u b̄a la Paulus -- lao lab̄o b̄a la Onesimus, ada rakau b̄a la Paulus ^dimambali d̄i rumana, eded̄u la Filemon, sab̄ua dou anggota ela Ruma d̄i Kolose.
Isi
Masarambakaina 1:1-8
Tabe'a ro pentina Al Masih 1:9--2:19
Mori mab̄ou ra iu b̄a ela Al Masih 2:20--4:6
^Bontokai sura ake 4:7-18