Ngoa ro tei cumpukaina
4:1-9
4
B̄ara ndedena, cina ro angi meciku, ndedeku nggomid̄oho pab̄uapu mori kai poda-poda imbi d̄i Ruma. Nahu lingi adeku d̄i nggomi^doho! Nggomi^dohoku ^diroi-roi b̄a nahu ma kasanana ade nahu.2 Amancawaku la Euodia ro la Sintike! Nahu ma raho poda-poda d̄i nggomid̄oho loakud̄u nggomid̄oho kasab̄uamu weki kai dou-dou ma sama imbi. 3 Nahu ma raho rau d̄i nggomi Sunsugos, lenga nahu ma to'a: bantu to'ipu siad̄oho.B̄ara siad̄oho wa'ura karawi kapodana ade d̄ingoa ro kahabakaina Injil, sama-sama lab̄o la Klemens lab̄o lengad̄oho ma kalaina ma sama-sama karawi lab̄o nahu, ngara siad̄oho wa'ura tunti d̄i ade Buku Dou Mamori.
4 Raho-raho to'i mpa nggomid̄oho kad̄ihi ncaumu ade, b̄ara nggomid̄oho wa'ura mori sa^buamu lab̄o Ruma. Sakali wali nahu ma nggahi: ka^dihira ademu!
5 Pab̄uapu sara'a dou loana eda ruku ro rawimu ma taho ade. B̄ara wati ntoi walina Ruma ^dimamai. 6 Aina darura ademu mab̄oha au-au rau. D̄i ade sara'a lampa rawi, do'apu ro rahopu d̄i Allah Ta'ala. Au ra d̄iparalu b̄a nggomid̄oho, ngoa ncaupu ede d̄i Allah Ta'ala kai rentapu syuku. 7 Ndad̄i taho ro ntai ra d̄i Allah Ta'ala, ma wati loa ^dika'ao b̄a manusia, ^dimasandaka ade ro kananumu ma wa'ura sab̄ua lab̄o Isa Al Masih.
8 Cumpukaina, cina ro angi, kangginipu fiki ro kananumu kai lampa rawi ma wara onena, ma patu d̄iroi eded̄u lampa rawi-lampa rawi ma ncihi, ma adil, ma raso, ma ntika, ro ma taho. 9 Kalampapu au ra tana'o b̄a nggomid̄oho ro ra tarima b̄a nggomid̄oho d̄i nahu; nataho d̄i nggahi ro eli atao d̄i ruku ro rawi nahu. Allah Ta'ala fu'una b̄a taho ro ntai, ^dimalab̄ona nggomid̄oho.
Renta syuku
4:10-20
10 D̄i ade mori nahu ma sab̄ua lab̄o Ruma, nahu kawancu poda neo adeku, b̄a one sawa'u b̄a ndede ntoina, ake nggomid̄oho makananu walira ka'ada'an nahu. Aona nggahi nahu laina b̄a one nggomid̄oho wa'ura nefamu nahu; poda romo nggomid̄oho ma tio ka^baeku au d̄iparalu b̄a nahu, pala nggomid̄oho watipu wara wakatu ^dikalampakaimu lampa rawi ede. 11 Nahu ngoaku lampa rawi ake laina b̄ara wara ma kura ade mori ro woko nahu, b̄a one nahu wa'ura tana'oku ncihi mpa kai au ma wara. 12 Nahu wa'ura iuku mori kai dawara, ro mori kai maremba rau. Nahu wa'ura ^badeku rahasiana ^disatandokai ka'ada'an ma b̄une b̄e rau; nataho ka'ada'an mori ma remba atao ka'ada'an ncoki mori, nataho ade ka'ada'an remba arujiki atao ade ka'ada'an dawara. 13 Kai kuasa rambei b̄a Al Masih d̄i nahu, nahu kantau tenggo ro wale d̄i satandokaiku samenana ka'ada'an.
14 Pala nggomid̄oho wa'ura bantumu nahu, d̄i ade susa ro ncokikai nahu; ro au ra karawi b̄a nggomid̄oho ede nataho romo. 15 Cina ro angiku dou Filipi! Ndai nggomid̄oho mab̄adepodaku b̄a one wakatu nahu tu'u wi'iku dana ro rasa Makedonia ntoina, wakatu ngoa ro kahabaku Injil ede d̄i sarambakaina, nggomid̄oho mpa ela Ruma ma bantu nahu; nggomid̄oho mpa ma iuna rugi ro laba sama-sama lab̄o nahu. 16 Wakatu nahu d̄i Tesalonika ro paralu ^dibantu, nggomid̄oho ntuwu nggadumu au-au d̄iparalu b̄a nahu. 17 Ede laina aona nahu ne'e mpoaku tarima au ra mbei b̄a nggomid̄oho.D̄i ne'e b̄a nahu eded̄u loakud̄u nahu loa eda hasi-hasi ma loa ^disala'ikai laba d̄i ru'u b̄a nggomid̄oho. 18 Nahu wa'ura tarima sara'aku -- nancewi ra d̄i au d̄iparalu b̄a nahu! Sara'a ra nggadu b̄a nggomid̄oho d̄i la Epafroditus wa'ura tarima b̄a nahu. Ake nahu kawa'ura ntau sara'a au ra paralu b̄a nahu. Au-au rambei b̄a nggomid̄oho ede eded̄u b̄une ngolo mengi ra d̄i koroba d̄onggo ro mbei b̄a nggomid̄oho d̄i ru'u b̄a Allah Ta'ala ro Allah Ta'ala tarimana ede kai sana ade. 19 Allah Ta'ala ra nemba b̄a nahu, ma remba b̄a ntau ro wara d̄i ade Isa Al Masih, ^dimakancihi sara'a au ra d̄iparalu b̄a nggomid̄oho. 20 ^Dese ro ntasara Allah Ta'ala, Ama ndaita santoi-ntoina! Amin.
Salam
4:21-23
21 Karonggapu salam nahu d̄i sara'a ela Allah Ta'ala, makasab̄ua weki lab̄o Isa Al Masih. Ro tarima raupu salam ra d̄i cina ro angi ma wara sama-sama lab̄o nahu ta ake. 22 Sara'a ela Allah Ta'ala d̄i kota ake, ma penti poda siad̄oho ma wara d̄i asi Kaisar, nggaduna salam d̄i ru'u b̄a nggomid̄oho.
23 Raho-raho to'i mpa Ruma Isa Al Masih barekana nggomid̄oho sara'ana.
Salam do'a nami, Paulus lab̄o la Timotius