Hubungan ma sapodakaina lab̄o Allah Ta'ala
3:1-11
3
Cumpukaina, cina ro angiku, pab̄uapu nggomid̄oho neo ademu b̄ara nggomid̄oho wa'ura kasab̄uamu weki lab̄o Ruma. Nahu wati iuku tani ^dimatunti mboda au ra wa'u tunti b̄a nahu d̄i nggomid̄oho sawatipu b̄a ake; b̄ara lampa rawi ede nataho d̄i ru'u salamakai nggomid̄oho. 2 Aina kabare d̄i dou-dou ma karawi dab̄ae, dou-dou ma patu ^dipehekai <lako>. Siad̄oho kau pakasana dou-dou loakud̄u ^disuna. 3 Sapodakaina ndaiku, dou-dou ma wa'ura tarima suna masapodakaina, laina siad̄oho.Ndai tanemba Allah Ta'ala kai d̄anda ro wa'a b̄a Roh ndai Allah Ta'ala, ro ndai tarentaku syuku b̄ara ndai tamori sab̄ua lab̄o Isa Al Masih. Ndai wati wi'ita weki d̄i upacara-upacara ma tada. 4 Sapodakaina nahu kaloa mpa wi'i weki d̄i upacara-upacara ede. B̄a one nggara warasi dou ma iu weki b̄a one sia nantau alasan d̄i wi'ikaina weki d̄i upacara-upacara ma tada, nahu nancewi wali. 5 Nahu rasuna wakatu umuku waru nai. Nahu ranggana kai dou Israel, suku Benyamin; nahu dou Ibrani asali. Mab̄oha to'a d̄i hukum Taurat, nahu eded̄u anggota kalompo Farisi. 6 B̄ara nahu kawancuku to'a d̄i agamaku, ndad̄ina nahu kancokiku ela Ruma. Nggara tatiosi d̄i hukum Taurat, nahu sab̄ua dou mataho ro wati wara ma'iha. 7 Pala b̄ara Al Masih, ndad̄i sara'a ma ntoina ra wi'ikai b̄a nahu ma kamaikaina laba, pala ake nakamaiku rugi. 8 Laina lampa rawi-lampa rawi ede mpoa; pala sara'a au-au wa'u ra wi'ikai b̄a nahu nakamaiku rugi mpa. Au ra kantau b̄a nahu wakatu ake eded̄u nancewi ntau co'i: eded̄u pata Isa Al Masih, Rumaku. B̄ara Al Masih, ndad̄i nahu wa'ura hori pakiku samenana ede. Wi'ikai b̄a nahu sara'ana ede kai masaki mpa, loakud̄u nahu loa raka Al Masih, 9 ro poda-poda kasab̄ua weki lab̄o Sia. Hubungan ma taho lab̄o Allah Ta'ala watid̄u usaha b̄a ndai nahu kai ncai to'a d̄i hukum Taurat. Ake nahu kantau hubungan ma taho lab̄o Allah Ta'ala, b̄ara nahu ka'imbi d̄i Al Masih. Ndad̄i, hubungan ma taho ede ra maina ra d̄i Allah Ta'ala, ro kai dasa imbi d̄i Isa Al Masih. 10 Sab̄ua mpa d̄i ne'e b̄a nahu eded̄u loakud̄u nahu pataku Al Masih, ro iuku kuasa ma kamorina Sia ra d̄i madekaina. Nahu kane'e b̄atu susa ro ncoki lab̄o Sia ro ndad̄i sama b̄une Sia ade lampa rawi madekai-Na. 11 Ro d̄i ne'e b̄a nahu b̄a one ndai nahu ^dikamori mbali ra d̄i made.Ngoa ro tei d̄i ru'u b̄a ela Ruma
3:12-21
12 Nahu wati nggahiku b̄a one nahu wa'ura rakaku hasi, atao wa'ura ndad̄i mpuruna. Pala nahu ka'usaha ncau mpa mpou hadia ra sadia b̄a Isa Al Masih. D̄i ru'u b̄a ede Sia wa'ura wa'una nahu ro kandad̄ina nahu ndad̄i ntau-Na. 13 Tantu, cina ro angi, nahu sapodakaina watie iuku weki b̄a one nahu wa'ura rakaku hadia ede. Pala wara sab̄ua lampa rawi ra karawi b̄a nahu, eded̄u nahu kanefa d̄i au ra wa'u sakontu b̄a nahu, ro usaha kapodaku ^dirakakaiku au ma wara d̄i tando nahu. 14 B̄ara ndedena, nahu rai ncau-ncauku sampe d̄i garis cumpukaina ^dirakakaiku ngolu, eded̄u mori d̄i saroga; d̄i ru'u b̄a edeku Allah Ta'ala oukaina ndaita kai ncai Isa Al Masih.
15 Ndai sara'a ma wa'ura tenggo imbi d̄i Ruma, pab̄uaku karawi b̄une ede. Pala nggara nawarasi d̄i ade weki nggomid̄oho ma ntau fiki ro kananu ma kalaina, ndad̄i Allah Ta'ala ^dimangoa kab̄aena d̄i nggomid̄oho. 16 Pala lampa rawi ake pab̄uapu ^ditio ka^bae: Ndai pab̄uaku ngge'e mpa mori b̄atu atoran ra wa'u b̄atu b̄a ndaita saraka ake.
17 Cina ro angi sara'ana! ^Batupu ruku ro rawi nahu. Nami mawa'ura mbei conto ma taho, b̄ara ndedena, tio ka^bae-^baepu dou-dou ma b̄atu ruku ro rawi nami ede. 18 Nahu wa'ura ntuwu podara ngoaku d̄i nggomid̄oho, ro ake nahu ma ngoa mboda wali kai nangi, b̄a one wara mboto dou d̄i ade morina naka'ihaku ao ro ma'anana madekai Al Masih d̄isalib. 19 Mori dou-dou b̄une ede ^dimanggori kai leli, b̄ara ruma siad̄oho eded̄u au ra kane'ekai b̄a sarumbu ndai siad̄oho.Lampa rawi-lampa rawi ^dimajakai, edeku ^dika'ese-ese b̄a sia^doho; b̄ara siad̄oho nakananu mpa lampa rawi ma ncihi ncao lab̄o dunia ake mpa. 20 Pala ndaita eded̄u anggota Karaja'an saroga. Ra d̄i hid̄i edeku Sangaji Makasalama ndaita, Ruma Isa Al Masih, ^dimamai. Sia ra ngena-ngena kapoda b̄a ndai. 21 Sarumbu ndai ma mapu ro ma loa leli ake, ^dirungka b̄a Al Masih ndad̄i b̄une sarumbu ndai-Na ma d̄ese ro ntasa. Sia loakaina karawi ede, b̄ara Sia nantau kuasa ^dimakakoa samenana au-au.