SURA PAULUS
D̄I RU'U B̄A ELA RUMA ^DI
EFESUS
NGGAHI RO ELI D̄IKARONGGA
Ade Sura Paulus d̄i ru'u b̄a Ela Ruma d̄i Efesus, dou ma ratunti sura ake ngoa kapodana mab̄oha nia Allah Ta'ala loakud̄u <<Sara'a ma wara, nataho d̄i saroga ro d̄i dunia, ndad̄i sab̄ua lab̄o Al Masih kai mana'ekaina>> (1:10). Sura ake ngoa kapoda rauna d̄i ela Allah Ta'ala loakud̄u siad̄oho ngaji katahona ao ro ma'anana nia Allah Ta'ala ede ^dimakasab̄uana samenana ela manusia kai ncai Isa Al Masih.
Masarambakaina d̄i ade sura Efesus ake ranggahina b̄uneku ndad̄ina sara'ana ede. Ru'u ngoa kab̄aekai lampa rawi ede sia caritana b̄uneku Allah Ta'ala, Ama ndaita wa'ura kad̄alena ela-Na, b̄uneku Allah Ta'ala kai ncai Isa Al Masih, Ana-Na, kangampu weana ro hori kalosana ela-Na ra d̄i dosa, ro b̄uneku sake Allah Ta'ala ede katenggo b̄a Roh Allah. Maka^duakaina d̄i ade Efesus ake, ra ngoa d̄i ru'u b̄a sanikina dou mabacana loakud̄u siad̄oho mori taho-taho sab̄ua lab̄o ma kalaina loakud̄u kalompo siad̄oho kai dou ma kasab̄ua weki lab̄o Al Masih ngge'e mpa mori taho-tahona sab̄ua lab̄o ma kalaina.
^Dikatadakai b̄a one ela Allah Ta'ala wa'ura ndad̄i sab̄ua b̄ara sa^buana lab̄o Al Masih, dou matunti sura ake kanina pila-pila mbua conto ro ibara. Ela Ruma eded̄u b̄une santika sarumbu lab̄o Al Masih ma ndad̄i tutana, atao b̄une santika sab̄ua uma ratu'u ma wadu tenggokaina eded̄u Al Masih, atao b̄une sab̄ua dou siwe ma ndad̄i wei lab̄o Al Masih kai rahina. Dou matunti sura ake nawancuku lalai adena wakatu kawarana rahmat Allah kai ncai Al Masih, ndad̄ina au-au ranggahina d̄i ade sura ake sia katadana b̄a one adena nanaha syuku ro roi ro wadi d̄i Ruma. Samenana rarawina ra d̄i meci ro ca'u Al Masih, koroba-Na, kangampu wea-Na, taho ade-Na ro ra d̄i raso-Na.
Isi
Masarambakaina 1:1-2
Al Masih lab̄o gereja-Na 1:3–3:21
Mori ro woko ma b̄ou kai ela Al Masih 4:1–6:20
^Bontokai sura ake 6:21-24