Nggomid̄oho cua bantupu angimu
6:1-10
6
Cina ro angi! Nggara nggomid̄oho marakasi eda sab̄ua dou ma karawi dosa, ndad̄i nggomid̄oho ma mori d̄i ade Roh Allah, d̄anda ro wa'apu dou ede mbali d̄i ncai ma ncihi. Pala nggomid̄oho pab̄uapu karawimu ede kai nggahi ro eli ma ntika, ro sandakapu aina sampe ndai nggomid̄oho hina b̄a goda'an rau. 2 Pab̄uapu nggomid̄oho cua bantu angi d̄i ade mori ro woko ma tani! Loaku^duh kai ndedena nggomid̄oho makalampaku hukum Al Masih. 3 Nggara sab̄ua dou nakacaisi wekina mancewi penti, sapodakaina wati, dou ede natipuku weki ndaina. 4 Satahona sanikina dou pab̄uaku paresa b̄a ndaina sab̄ua ruku ro rawina nataho ro wati, nggara natahosi, sia naloa ka'ese weki, pala sia aina ntewikai au ra karawi b̄a dou makalai. 5 B̄a one sanikina dou pab̄uaku tunduna au ^disu'u ro tundu b̄a ndaina.6 Dou ma tarima ngoa ro tei b̄a Al Masih, pab̄uaku cenggana lab̄o guruna sara'a ma taho ma wara d̄i sia.
7 Nggomid̄oho aina b̄ohakai b̄a tipu. Allah Ta'ala wati loa ^dikasungge-sungge! Au ra nggu^da, edeku ^dirakana. 8 Nggara dou nanggud̄a ^batusi tabe'a manusiakaina, sia d̄imaraka made d̄i tabe'ana ede. Pala nggara sia nanggu^dasi b̄une rakane'ekai b̄a Roh Allah, sia d̄imaraka mori masapodakaina ro ma ede ro hid̄i ra d̄i Roh Allah. 9 B̄ara ndedena, aina dengga-denggamu kalampa lampa rawi ma taho; b̄a one nggara ndai watisi dengga kalampa lampa rawi-lampa rawi ede, sakali wakatu ndai ^dimapoke hasina. 10 Ndad̄i, santoi wara wakatu d̄i ru'u b̄a ndai, pab̄uaku ndai kalampata rawi mataho d̄i samenana dou, mapenti poda d̄i cina ro angi ma sama-sama imbi lab̄o ndai.
Ngoa ro kawara ro salam
5:11-18
11 Tio kab̄aepu wela akena ra tunti b̄a ndai nahu kai huruf ma na'e-na'e. 12 Dou-dou ma ne'e ka'ese weki kai lampa rawi matada, sia^dohoku ma pakasana nggomid̄oho b̄atu atoran suna. Pala siad̄oho kalampakaina ede loakud̄u siad̄oho wati ^dikancoki b̄a dou Yahudi b̄ara salib Al Masih. 13 Dou-dou ma b̄atu atoran suna rau sapodakaina wati kalampana hukum Taurat. Pala siad̄oho nane'eku nggomid̄oho ^disuna, loakud̄u siad̄oho loa roi weki b̄a one nggomid̄oho to'a d̄i atoran ede. 14 Pala nahu wati ne'e podaku ka'ese au-au rau, selasi Ruma Isa Al Masih, Ruma ndaita ma wa'ura made rasalib. B̄ara ede Sia wa'ura made d̄isalib, ndad̄i dunia watid̄u wara aona au-au d̄i ru'u b̄a nahu. Ro d̄i ru'u b̄a dunia ake, nahu rau b̄une-b̄une wa'ura made. 15 Rasuna atao wati rasuna, ede wati pentina. Ma penti eded̄u ndad̄i manusia ma ^bou. 16 D̄i ru'u b̄a dou-dou ma mori kai b̄atuna b̄une rakane'e ede, ro ndede rau d̄i ru'u b̄a sara'a ela Allah Ta'ala, nahu maraho d̄i Allah Ta'ala d̄imambei taho ro ntai ro rahmat-Na.
17 Nahu ma nggahi wali aina kone sab̄ua dou rau makasusa nahu wali, b̄a one d̄i sarumbu nahu wara bukuti-bukuti b̄a one nahu anamori Isa Al Masih.
18 Raho-raho to'i mpa Ruma Isa Al Masih, Ruma ndaita bareka ncauna nggomid̄oho.Amin.
Salam do'a nami, Paulus