SURA PAULUS MA KA^DUAKAINA
D̄I RU'U B̄A ELA RUMA ^DI
KORINTUS
NGGAHI RO ELI D̄IKARONGGA
Sura la Paulus Ma Ka^duakaina D̄i ru'u b̄a Ela Ruma d̄i Korintus Sura ake ratunti wakatu nggonggina hubungan la Paulus lab̄o Ela Ruma. Wara anggota-anggota ra d̄i ela Ruma ede ma ipi iha ade d̄i la Paulus, pala la Paulus nane'e podaku taho lab̄o siad̄oho ede. Sia katadana sana adena wakatu lampa rawi ede nda^dina.
D̄i sarambakai surana ake la Paulus nangoa ka^baeku mab̄oha hubungan sia lab̄o ela Ruma d̄i Korintus. Sia ngoa kab̄aena ta ede b̄ab̄auku sia wati poda ca'una d̄i ela Ruma ma ipi iha ade d̄i sia. Sawa'u b̄a karonggana ede, sia katadana b̄a one sia nawancuku neo ro sana adena b̄ara wati poda ca'u sia d̄i ela Ruma wa'ura ntau hasi eded̄u ela Ruma wa'ura toba ra d̄i dosa-dosana ro wa'ura mori taho-taho sab̄ua lab̄o ma kalaina. Sawa'u b̄a ede sia recena ela Ruma loakud̄u ela Ruma ede kab̄orona sumbangan d̄i ru'u bantukai dou-dou ela Al Masih ma ncoki mori d̄i Yudea. D̄i pasal-pasal macumpukaina la Paulus karonggana nggahi ro eli ^dihorukaina wekina mab̄oha ndai sia ma wa'ura ndad̄i rasul d̄i pila-pila dou d̄i Korintus ma wi'ikai weki ndaina kai rasul masapodakaina, ro manggahi b̄a one la Paulus eded̄u rasul palasu.
Isi
Masarambakaina 1:1-11
La Paulus ro ela Ruma d̄i Korintus 1:12–7:16
Sumbangan d̄i ru'u b̄a ela Ruma d̄i Yudea 8:1–9:15
Horu weki la Paulus mab̄oha kuasakaina kai rasulkaina 10:1–13:10
^Bontokai Sura ake 13:11-14