SURA PAULUS MA SARAMBAKAINA
D̄I RU'U B̄A ELA RUMA ^DI
KORINTUS
NGGAHI RO ELI D̄IKARONGGA
Sura la Paulus Ma Sarambakaina d̄i ru'u b̄a Ela Ruma d̄i Korintus ratunti ru'u kanggorikai masa'ala-masa'ala ma wontu d̄i ade Ela Ruma ra wa'u katu'u b̄a la Paulus d̄i Korintus ede. Masa'ala-masa'ala ede eded̄u mab̄oha mori ro woko ro mab̄oha imbi dou Kristen. Aipu wakatu ede Korintus eded̄u sab̄ua kota Yunani, ibu kota propinsi Akhaya lu'u d̄i dana ro rasa pamarenta Roma. Kota Korintus ake, ela ro douna ra d̄i mboto pahu bangsa, mbou dana ro rasana b̄ara maju daga ro ulina, rawi rasana, pala b̄ara ruku ro rawina madab̄ae ro b̄ara wara mboto pahu agama rau d̄i kota ede.
Ma ipi penti ma ndad̄i fiki ro kananu Rasul Paulus eded̄u masa'ala mab̄oha ncengga ro mbi'ana ro dab̄ae ruku ro rawi d̄i ade ela Ruma, ro mab̄oha masa'ala-masa'ala nawasu seks ro nika ro neku, masa'ala ade mpida, atoran ade ela Ruma, rahmat rambei b̄a Roh Allah, ro mab̄oha mori mbalina dou ma made. Kai kananu ka^baena, la Paulus natei katadaku b̄uneku Haba Mataho ra d̄i Allah Ta'ala ede kanggorina masa'ala-masa'ala ede.
Pasal 13 mbeina gambaran mab̄oha meci ro ca'u ma sapodakaina ro ma ede ro hi^di. Pasal ake na'ipiku ca'u b̄a dou baca ntewikaisi lab̄o pasal-pasal makalaina d̄i ade kitab ake.
Isi
Masarambakaina 1:1-9
Ncengga ro mbi'a ela Ruma d̄i ade gereja 1:10–4:21
Mab̄oha seks ro mori ro woko kaluarga 5:1–7:40
Dou ela Al Masih ro dou ma wati nemba Allah Ta'ala 8:1–11:1
Mori ro woko ela Ruma ro sambea ro ibada 11:2–14:40
Mab̄oha mori mbalina Al Masih, ro dou-dou ela Al Masih 15:1-58
Sumbangan d̄i ru'u b̄a dou-dou ela Al Masih d̄i Yudea 16:1-4
Lampa rawi-lampa rawi weki ndai ro ^bontokai sura ake 16:5-24