Salam do'a nahu
16:1-16
16
Nahu kane'e kapata d̄i nggomid̄oho amancawa ndaita la Febe. Sia mabantu ela Ruma d̄i Kengkrea. 2 Tarimapu sia kai sab̄ua dou d̄i ade weki ela Ruma. Ndede romoku dou-dou ma imbi d̄i Allah Ta'ala pab̄uaku tarimana sab̄ua lab̄o ma kalaina. Bantupu sia, nggara naparalusi ^dibantu b̄a nggomid̄oho, b̄ara ndai sia nawa'ura bantu mboto dou -- nahu rau rabantu b̄a sia.3 Karongga to'ipu salam nahu d̄i la Priskila ro d̄i la Akwila, lenga-lenga nahu ma sama-sama karawi d̄i ru'u b̄a Isa Al Masih. 4 Siad̄oho d̄i sato'i damadekaina b̄ara ne'ena kasalama nahu. Nahu matarima kasi d̄i siad̄oho -- ro laina nahu mpoa, pala sara'a ela Ruma bangsa makalai ma laina Yahudi rau matarima kasi d̄i siad̄oho. 5 Karongga to'i raupu salam nahu d̄i ru'u b̄a ela Ruma ma kab̄oro weki d̄i uma siad̄oho.
Salam d̄i ru'u b̄a la Epenetus rameci ro ca'u b̄a nahu. Sia edeku dou ma sarambakaina ma imbi d̄i Al Masih d̄i dana ro rasa Asia. 6 Salam rau d̄i ru'u b̄a la Maria. Sia nawa'ura karawi kapodana ade d̄i ru'u b̄a nggomid̄oho. 7 Karongga to'ipu salam nahu d̄i ru'u b̄a la Andronikus ro d̄i la Yunias.r Siad̄oho sab̄ua suku bangsa lab̄o nahu ro wa'ura iuna bui sama-sama lab̄o nahu. Sawatipu nahu imbiku d̄i Al Masih, siad̄oho nawa'ura ulu imbi. Siad̄oho nawancuku mbouna d̄i ade woha sara'a rasul.
8 Salam d̄i ru'u b̄a la Ampliatus, ra meci ro ca'u b̄a nahu b̄ara sia sama-sama lab̄o nahu wa'ura sab̄ua lab̄o Ruma. 9 Karongga to'ipu salam do'a nahu d̄i la Urbanus, lenga ndai ma karawi sama-sama lab̄o ndai d̄i ru'u b̄a Al Masih. Salam do'a nahu rau d̄i ru'u b̄a la Stakhis ra meci ro ca'u b̄a nahu. 10 Salam d̄i ru'u b̄a la Apeles. To'ana d̄i Al Masih wa'ura wara bukutina. Salam rau d̄i ru'u b̄a iwa ro weki la Aristobulus, 11 ro d̄i ru'u b̄a la Herodion. Sia sama suku bangsa lab̄o nahu. Ro salam rau d̄i ru'u b̄a cina ro angi ma sama imbita ade iwa ro weki la Narkisus.
12 Salam nahu d̄i ru'u b̄a la Trifena ro la Trifosa ma karawi kapoda ade d̄i ru'u b̄a Ruma ro salam nahu rau d̄i ru'u b̄a la Persis ra meci ro ca'u b̄a nahu. Sia rau wa'ura karawi kapodana ade d̄i ru'u b̄a Ruma. 13 Salam d̄i ru'u b̄a la Rufus ro inana, ina la Rufus ede b̄une ina ndai nahu. La Rufus eded̄u dou ma taho ra kad̄ale b̄a Ruma. 14 Karonggapu salam nahu d̄i ru'u b̄a la Asinkritus, Flegon, Hermes, Patrobas, la Hermas ro sara'a cina ro angi masama imbi lab̄o siad̄oho. 15 Salam d̄i ru'u b̄a la Filologus ro d̄i la Yulia; d̄i ru'u b̄a la Nereus ro amancawana; d̄i la Olimpas ro d̄i ru'u b̄a samenana dou ma imbi ma sama-sama lab̄o siad̄oho.
16 Nggomid̄oho cua-cua mbeipu salam b̄une sa'e lab̄o ari masama imbi d̄i Isa Al Masih. Sara'a ela Al Masih makarongga salam siad̄oho d̄i ru'u b̄a nggomid̄oho.
Ngoa ro kawara ma cumpukaina
16:17-24
17 Cina ro angi! Nahu maraho poda-poda d̄i nggomi^doho: Aina kabaremu d̄i dou-dou ma kamaina ncengga ro mbi'a ro makasantudana imbi d̄i Ruma. Lampa rawi ede wati ncihi ncaona lab̄o au ra wa'u tei d̄i nggomid̄oho.Kad̄o'o lab̄opu wekimu d̄i dou-dou b̄une ede. 18 B̄ara dou-dou ma karawi b̄une ede laina karawina d̄i ru'u b̄a Al Masih, Ruma ndaita, malaisi ^dikamantakaina ade ndai siad̄oho.Kai siwi ro nggahi ro eli ma caru, siad̄oho tipuna dou-dou ma wati b̄ade au-au. 19 Samenana dou nawa'ura b̄ade b̄a one nggomid̄oho mato'a d̄i ngoa ro tei mab̄oha Injil ra d̄i Allah Ta'ala. Ro nahu neo adeku d̄i lampa rawi ede mab̄oha nggomid̄oho.D̄i ne'e b̄a nahu loakud̄u nggomid̄oho loamu timba ro lemba mab̄oha lampa rawi-lampa rawi ma taho, ro sampulamu mab̄oha lampa rawi-lampa rawi ma da^bae. 20 Allah Ta'ala ma mbei taho ro ntai d̄i ru'u b̄a manusia, d̄imad̄onggo Iblis loakud̄u kuasakai ro kaleli b̄a nggomid̄oho.
Raho-raho to'i mpa nggomid̄oho bareka ntuwu b̄a Isa Al Masih, Ruma ndaita!s
21 La Timotius, lenga nahu, karonggana salam d̄i ru'u b̄a nggomid̄oho.Ndede rau la Lukius, Yason lab̄o la Sosipater, ma sama suku bangsa lab̄o nahu.
22 Ma tuntina sura ake eded̄u nahu, la Tertius. Nahu makaronggana salam kai sa'e lab̄o ari d̄i ru'u b̄a nggomid̄oho.
23 La Gayus nggaduna salam d̄i ru'u b̄a nggomid̄oho.Nahu ronggaku d̄i umana ro ela Ruma nasambea rauku ta ede. La Erastus bendahara kota, nggaduna salam d̄i ru'u b̄a nggomid̄oho.Ndede rau cina ndai la Kwartus.
24 Raho-raho to'i mpa Isa Al Masih, Ruma ndai mbeina bareka d̄i nggomid̄oho sara'ana. Amin.
^Bontokai sura
16:25-27
25 ^Dese ro ntasara Allah Ta'ala! Sia mantau kuasa makatenggona imbi nggomid̄oho ncihi ncao lab̄o Injil ma ramai ra d̄i Allah Ta'ala rangoa ro kahaba b̄a nahu mab̄oha Isa Al Masih. Nahu ngoa ro kahabaku, haba ede ma ncihi ncao lab̄o au ra katada b̄a Allah Ta'ala; eded̄u mab̄oha nia Allah Ta'ala ma wa'ura ratu-ratu mba'a ntoina kai wati b̄ade b̄a dou. 26 Pala ake, kai ra parentakai b̄a Allah Ta'ala ma ede ro hi^di, nia ede wa'ura katada ro d̄ingoa d̄i samenana bangsa kai ratunti b̄a nabi-nabi, loakud̄u siad̄oho sara'a imbi ro to'ana d̄i Allah Ta'ala. 27 Sia mpa Allah Ta'ala ma kese weki, Sia mawancu loa timba ro lemba.
Raho-raho to'i mpa Sia d̄ikad̄ese ro kantasa santoi-ntoina kai ncai Isa Al Masih! Amin.t
Salam horma nami, Paulus, ada Isa Al Masih