SURA PAULUS
D̄I RU'U B̄A ELA RUMA ^DI
GALATIA
NGGAHI RO ELI D̄IKARONGGA
Sawa'u b̄a Haba Mataho mab̄oha Isa Al Masih tampu'u d̄ingoa ro kahaba ro ^ditarima d̄i woha dou-dou ma laina Yahudi, wara dou-dou ma sod̄i sab̄ua ndad̄i ela Al Masih masapodakaina dou ede pab̄uaku to'ana hukum Taurat. Nggahi b̄a la Paulus lampa rawi b̄une ede wati paraluna – b̄a one sapodakaina sab̄ua mpa dasa ma taho poda d̄i ru'u b̄a dou ma poda-poda ndad̄i ela Al Masih eded̄u imbi d̄i Al Masih. Kai imbi d̄i Al Masih ede hubungan manusia lab̄o Allah Ta'ala ndad̄i taho mbali. Pala dou-dou ma daca'u la Paulus nawa'ura mai d̄i ela Ruma d̄i Galatia, eded̄u sab̄ua propinsi Roma d̄i Asia to'i. Siad̄oho nggahina b̄a one d̄i taho mbalikai lab̄o Allah Ta'ala, dou pab̄uaku kalampana hukum Taurat.
Sura Paulus d̄i ru'u b̄a ela Ruma d̄i Galatia ake ratunti d̄i ru'u bantukai dou-dou ma wa'ura kasantuda b̄a ngoa ro tei-ngoa ro tei mancara ede, loakud̄u siad̄oho to'a mbalina d̄ingoa ro tei ma ncihi ro poda. La Paulus tampu'una kai nggahi b̄a one sia nantau hak ^dipehekai rasul Isa Al Masih. La Paulus kai disa podana nggahi b̄a one sia ndad̄ikaina rasul laina ra d̄i manusia malaisi ra d̄i Allah Ta'ala. Sia nggahi rauna b̄a one taki ro putana ma poda d̄i ru'u b̄a dou ma laina Yahudi (1-2). Sawa'u b̄a ede la Paulus nggahi kapodana b̄a one hubungan manusia lab̄o Allah Ta'ala ndad̄i taho mbali cuma kai ncai imbi d̄i Allah Ta'ala mpa (3-4). D̄i ade pasal-pasal cumpukaina kitab ake (5-6), la Paulus tei katadana b̄a one meci ro ca'u ma wara d̄i weki ela Al Masih b̄ara imbina d̄i Al Masih, ndad̄i kai ndedena dou ede nakalampaku ruku ro rawi-ruku ro rawi kai dou ma imbi d̄i Al Masih.
Isi
Masarambakaina 1:1-10
Hak la Paulus kai rasulkaina 1:11–2:21
Haba Mataho mab̄oha rahmat Allah 3:1–4:31
Horikai weki ro d̄ipab̄ua kalampa b̄a ela Al Masih 5:1–6:10
^Bontokai sura ake 6:11-18